Jaceuq 136:1 - Akha1 Sahˬpaˬ Miˬyehˇ muiˬ-eu jaˬ-eu miˇ neh, aˬ yawꞈ-ahˇ ja ceuˬ-awˬ. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh. Faic an caibideilYawshawr Yaerbof Dawqma Sarjax Yawshuif Jaceuq-eu Hawr-eu Dawqdaq1 Ya’we Miqyaer-euq guiqlanq-anr jaceuq-awq! Aqjeq mirnae aernar-aq, aqyawf-aq yawmuiq mae! Aqyawf-euq ghawqshaq gaq-eu jeq, mqmaq maqbyav yarzir zif-eu mae. Faic an caibideil |
Jaceuq 136:1
16 Iomraidhean Croise
Aˬ yawꞈ maꞈ-ahˇ aˬ yawꞈ kʼoeˇ loꞈ-ehˇ ehˇ nehˬ gʼaˬ ngeh, caˇ dawˬ caˇ-eu tsawˇ haˬ tiˬ paˆ na deuˬ-ahˇ aˬ yawꞈ heu loꞈ-ehˇ dawˬ biꞈ nehˬ-euˬ meh. “Zahˇ sahˇ kʼoꞈ-ahˇ taꞈ leˇ-eu muiˬ-eu shawˇ-eu gaˇ mˇ ngeh naw maꞈ dm-euˬ pehˇ kʼahˬ pehˇ mahˇ kʼoeˇ dm-awˇ, guiˇ maꞈ-euˬ mehˬ hu paw cah-awˇ, heu loꞈ-ehˇ caˇ-awˬ. ‘Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh’ lehˇ caˇ-awˬ.”
Mˬ kʼoeˇ taˆ neh miˬ dzaˬ ga le-awˇ, Uˬ duˬ tahˬ nymˇ nymˇ ma laꞈ kʼoeˇ yaw shehꞈ bya gaˇ Iˇsaˬleˬlaˆ tsawˇ haˬ deuˬ ya mawˇ ngeh, miˇ tsa awˆ byaˆ-awˇ, Miˬyehˇ-ahˇ uˬ duˬ tahˬ-eu laꞈ kʼoeˇ, aˬ yawꞈ-euˬ guiˬ lahˬ hawˇ-eu mˬ maˬ maˬ byaˆ zaˇ ziˇ ziꞈ-eu aˬ yawꞈ-euˬ gʼoeˇ-eu gaˬ-eu jeˬ-ahˇ ja ceuˬ-euˬ meh.
Piˇ ma deuˬ-aˬ, aˬ yawꞈ maꞈ gʼaˇ duˬ lehˬ hmˬ taˬ-euˬ jawˇ duˬ-ahˇ yawꞈ-euˬ meh. Leˬbiˇ tsawˇ haˬ deuˬ kʼawꞈ, aˬ yawꞈ maꞈ jawˇ paw mehˬ shiˬ pyawˇ-ehˇ yawꞈ-awˇ, sahˬ paˬ Daˬbiˇ neh Sahˬpaˬ Miˬyehˇ-ahˇ kʼaˇ ja ceuˬ ngeh jahˇ-euˬ loꞈ-ehˇ, sahˬ paˬ Daˬbiˇ neh biꞈ taˬ yaꞈ-euˬ deuˇ-mˬ cehˇ lehˇ,diˬ-awˇ ciˆ-awˇ, “Aˬ yawꞈ-euˬ Gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh” lehˇ ehˇ-eu caˇ dawˬ kʼoeˇ bymˇ caˇ-awˇ, Sahˬpaˬ Miˬyehˇ-ahˇ ja ceuˬ-euˬ meh. Tsawˇ haˬ dawˬ tawˆ luꞈ yawꞈ-awˇ jawˇ ngeh, piˇ ma deuˬ daˇ heh baw-euˬ meh.
Aˬ yawꞈ maꞈ ja ceuˬ-eu caˇ dawˬ caˇ ngeh, “Sahˬpaˬ Miˬyehˇ muiˬ dui dui meh. Iˇsaˬleˬlaˆ-ahˇ gaˬ-eu jeˬ, mˬ maˬ maˬ byaˆ zaˇ ziˇ ziꞈ meh” lehˇ ehˇ-eu kʼoeˇ tsahˇ-ahˇ caˇ poˆ caˇ poˆ-ehˇ caˇ-euˬ meh. Uˬ duˬ tahˬ nymˇ nymˇ ma-euˬ dawˬ pehˬ gawˬ dahˬ beh-eu dawꞈ leˇ-euˬ miˇ neh, yawˬ gʼaˬ na luꞈ gʼaˬ kʼaˇ jaˆ-eu shaˇ shaˇ-ehˇ guˇ-eu laꞈ kʼoeˇ Sahˬpaˬ Miˬyehˇ-ahˇ ja ceuˬ-euˬ meh.
Laˬ kʼaˬ cehˇ-awˇ guˇ-eu teˇ saˇ hawˇ-eu, oeˇ mˇ baˇ-awˇ byawˬ gʼa-eu teˇ saˇ nawˇ paˇ ya gaˬ tehꞈ-a. Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ lawˇ-eu shehˇ-eu jeˬ mˇ-eu laꞈ kʼoeˇ, caˇ dawˬ caˇ-eu teˇ saˇ nawˇ ya gaˬ tehꞈ-a. Aˬ yawꞈ maꞈ heu loꞈ-ehˇ caˇ tehꞈ-a. ‘Baoˬ huiˬ-eu Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ jeˬ miˇ neh ehˇ naˇ, aˬ yawꞈ muiˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ-a.’ Miˇ kʼahˬ heu kʼahˬ-ahˇ, dzeuˇ laˇ ngeh loꞈ-ehˇ bi baw bi za le ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”
Sanasan