Jaceuq 135:7 - Akha

⁷ Mˬ dmˇ hawˇ-eu jaˬ lehˇ-ahˇ, Uˬ dzeˇ miˇ dzeˇ-ahˇ neh aˬ yawꞈ hehˇ ahˇ laꞈ-eu meh. Jaˬ lehˇ lehˇ ma-ahˇ mˬ jeˬ tsawˬ tehˆ bi tehˆ-awˇ, piˬ lahˇ taˬ-euˬ jaˬ lehˇ pyehˬ doˆ gʼeh leꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqyawf, mqdzer mirdzer-anr nae ircuf-euq safkhoeq bi dovlar-awr, Uqyaer-euq gharduq mqjeq tsawqtaev bitaev-eu uqtaf, Aqyawf-euq myawqganq jeqhmq duq-anr nae jaqlaer bi dovle-eu mae.

Jaceuq 135:7 Iomraidhean Croise

1 Sahˬpaˬ 18:1

Aˇ kʼoꞈ aˇ la ui cuiˆ myahˇ laˇ-awˇ, uˬ yehˇ maˬ yehˇ le-eu aˇ kʼoꞈ smˇ kʼoꞈ tiˬ kʼoꞈ-ahˇ, “Sahˬ paˬ Aˬhaˆ jawˇ gaˇ nawˇ iˇ-awˇ, nawˬ-euˬ gʼawˇ mawˇ aˬ yawꞈ-ahˇ bi mawˇ-awˬ. Ngaˇ uˬ yehˇ bi yehˇ le ma” lehˇ, Eˇliˇyaˆ-ahˇ Sahˬpaˬ Miˬyehˇ ehˇ nehˬ-euˬ meh.

Yawˇbaˆ 5:10

Miˇ tsaˬ kʼoeˇ taˆ uˬ yehˇ biꞈ-awˇ, deh yaˇ-ahˇ iˇ cuꞈ shehˬ-eu meh.

Jaceuq 107:25

Aˬ yawꞈ dawˬ biꞈ-awˇ jaˬ lehˇ lehˇ ma bi baw leꞈ ngeh, laˆ shaˆ iˇ luˆ dzeh laˇ-eu meh.

Jaceuq 148:8

mˬ jeˬ tsawˬ tehˆ hawˇ-eu uˬ yehˇ aˇ siˬ maˬ ehˇ, ngehˇ hawˇ-eu mˬ dmˇ deuˬ maˬ ehˇ, aˬ yawꞈ-euˬ dawˬ naˇ haˬ-eu mˬ jeˬ jaˬ lehˇ maˬ ehˇ, aˬ yawꞈ-ahˇ ja ceuˬ-awˬ.

Jaceuq 78:26

Nahˇ ma doˆ kʼehˬ paw-euˬ jaˬ lehˇ aˬ yawꞈ bi baw leꞈ-awˇ, aˬ yawꞈ-euˬ baoˬ neh laꞈ oˆ paw pyawˬ-ahˇ-euˬ jaˬ lehˇ bi baw daˆ laꞈ-eu laꞈ kʼoeˇ,

Yeˬlaˬmiˇ 10:13

Aˬ yawꞈ dawˬ biꞈ nehˬ ngeh mˬ taˆ iˇ cuꞈ teˇ saˇ mahˇ-awˇ, mˬ dzeˇ jaˆ-eu mˬ dmˇ-ahˇ aˬ yawꞈ hehˇ ahˇ laꞈ-eu meh. Uˬ yehˇ yehˇ gaˇ mˬ myawꞈ bi myawꞈ laˇ-awˇ, kuˆ lawˆ laꞈ kʼoeˇ piˬ lahˇ taˬ-euˬ jaˬ lehˇ pyehˬ leꞈ-eu meh.

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Yeˬlaˬmiˇ 51:16

Aˬ yawꞈ dawˬ biꞈ nehˬ ngeh mˬ taˆ iˇ cuꞈ, mˬ jeˬ jeˬ-eu loꞈ-ehˇ mahˇ-awˇ, mˬ dzeˇ miˇ dzeˇ jaˆ-eu mˬ dmˇ, aˬ yawꞈ neh tsahˇ daˆ laꞈ-euˬ meh. Uˬ yehˇ yehˇ ngeh mˬ myawꞈ myawꞈ ni jahˇ-awˇ, piˬ lahˇ taˬ-euˬ jaˬ lehˇ aˬ yawꞈ pyehˬ doˆ-eu meh.

Yawˇnaˆ 1:4

Ehˇ kʼawꞈ, Sahˬpaˬ Miˬyehˇ neh jaˬ lehˇ lehˇ ma bi baw laˇ-awˇ, jaˬ lehˇ baw gʼaˬ kʼaˆ dui dui-eu miˇ neh, saˇ baoˬ kʼoeˇ laˇ bi baw pyaˆ bi baw shaˆ jiˇ paˬ-ehˇ pyeuꞈ laˇ taˬ-euˬ meh.

Zaˬkaˬliˇ 10:1

Yeˇ gʼahˇ jiˇ taw uˬ yehˇ jaˆ ni, Sahˬpaˬ Miˬyehˇ-ahˇ shaˇ geuꞈ-awˬ. Jaˬ lehˇ lehˇ ma hawˇ-eu mˬ dmˇ, Sahˬpaˬ Miˬyehˇ neh beh-euˬ meh. Uˬ yehˇ aˬ yawꞈ neh bi yehˇ-awˇ, tsawˇ haˬ-euˬ yaˇ yawˬ kawˬ na luꞈ, nyoeˇ laˇ ni aˬ yawꞈ jahˇ-eu meh.

Yoˇhaˬ 3:8

Jaˬ lehˇ-aˬ, yawˬ ha kʼaˇ baw mawꞈ-eu paw baw gʼeh-eu meh. Jaˬ lehˇ baw-eu teˇ saˇ-ahˇ nawˇ gaˬ nya kʼawꞈ, aˬ gaˇ neh oe-awˇ aˬ geu paw iˇ-eu nawˇ maˬ siˬ nya-a. Yaw sahˇ Miˬyehˇ laꞈ kʼoeˇ dehꞈ le-eu tsawˇ haˬ yawˬ gʼaˬ na luꞈ kʼoeˇ gaˇ duˇ-eu meh.”