Jaceuq 133:1 - Akha

¹ Miˬyehˇ-euˬ tsawˇ haˬ deuˬ nui ma taꞈ-awˇ dehꞈ-eu jeˬ, aˇ naˆ ni zahˬ leˇ paˬ-ehˇ gʼeh-awˇ, aˇ naˆ ni laˬ kʼaˬ cehˇ paˬ-ehˇ gʼeh-eu nga.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Hawsher-eq, maernmr deuq nuima gm-awr tiqgar taef-aer jawrtaf-eu, Arnavni muiq-awr arnavni nuikhanr shirlar paq-aer ghae-eu nga!

Jaceuq 133:1 Iomraidhean Croise

Aˇ dahˬ 13:8

Kʼoeˇ ngeh, Lawˇtaˬ-ahˇ Aˬbyaˬ ehˇ nehˬ-eu, “Aˇ nyaꞈ-aˬ, aˬ uiˬ hawˇ-eu aˬ duˇ lehˇ gʼeh-eu miˇ neh, nawˬ-euˬ tsawˇ haˬ hawˇ-eu ngaˬ-euˬ tsawˇ haˬ yaw kaˬ dawˬ ja bi laˆ doˆ-eu maˬ muiˬ-a.

Aˇ dahˬ 45:24

Aˬ yawꞈ-euˬ mehˇ nmˇ kʼoeˇ deuˬ-ahˇ Yoˇsehˆ bi gʼoꞈ leˇ-awˇ, aˬ yawꞈ maꞈ luˆ-iˇ ngeh, gaˇ pehˇ-ahˇ maˬ ya ja dzaˬ ni mehˬ nehˬ tsoˆ nehˬ-euˬ meh.

Jaceuq 122:1

Sahˬpaˬ Miˬyehˇ-euˬ nymˇ-ahˇ le kaˇ-euˇ lehˇ aˬ cawˬ ngaˬ-ahˇ ehˇ ngeh, ngaˇ laˬ kʼaˬ cehˇ-euˬ ma.

Jaceuq 124:1

Iˇsaˬleˬlaˆ tsawˇ jeuˬ-oˇ, Sahˬpaˬ Miˬyehˇ aˬ dui jawˇ paw maˬ pyawˬ law nmˇ-aˬ, aˬ joˆ-ehˇ pyeuꞈ dzeuˇ-euˬ nmˇ lehˇ ehˇ haw sheˇ.

Jaceuq 131:1

Sahˬpaˬ Miˬyehˇ-oˇ, nui ma huiˬ-eu mahˇ-eu jeˬ ngaˇ byehˇ dzeh-awˇ, nui nahˬ nui yu laꞈ kʼoeˇ dehꞈ ma. Ngaˇ maˬ gʼaˬ leˇ-eu kʼaˆ-eu shaˬ-eu gaˇ deuˬ ngaˇ maˬ mˇ.

Iˇsaˬyaˇ 11:13

Iˇsaˬleˬlaˆ miˇ kʼahˬ Yuˇdaˆ miˇ kʼahˬ-ahˇ myaˆ maˬ paˇ naˆ-ehˇ, Yuˇdaˆ miˇ kʼahˬ Iˇsaˬleˬlaˆ miˇ kʼahˬ-ahˇ muiˇ-eu nui ma byoˆ-iˇ tehꞈ-a.

Iˇsaˬyaˇ 11:6

Kʼaˬ yehˇ yawˇ zaˬ tiˬ gaˇ dehꞈ taꞈ nya-awˇ, kʼaˬ zuiˬ ciꞈ myehꞈ zaˬ nehˬ-ehˇ yuꞈ tehꞈ-a. Aˇ laˬ jaˬ shiˇ zaˬ hawˇ-eu mawˇ neˇ zaˬ, tiˬ kawˆ loꞈ-ehˇ dzaˇ gaˆ dzaˬ-awˇ, zaˬ yaw nyiˇ neh bi bo tehꞈ-a.

Iˇsaˬyaˇ 11:9

Iˬ ma laˆ shaˆ iˇ cuꞈ byah-eu loꞈ-ehˇ, Sahˬpaˬ Miˬyehˇ-ahˇ siˬ nya-eu jeˬ, miˇ tsaˬ kʼoeˇ taˆ byah-eu miˇ neh, Miˬyehˇ-euˬ muiˬ-eu shawˇ-eu Ziˇoˬ gawˬ jawˬ-ahˇ, lehˬ laˇ ca laˇ duˬ maˬ jaˆ-a.

Yeˬlaˬmiˇ 32:39

Aˬ yawꞈ maꞈ nui noeˬ tiˬ jeˬ tehꞈ-ehˇ bi ahˇ ma. Aˬ yawꞈ maꞈ hawˇ-eu aˬ yawꞈ maꞈ-euˬ zaˬ deuˬ uˆ deuˬ muiˬ ni, aˬ myah luꞈ ngaˬ-ahˇ yaw zeu baw-eu nui noeˬ tiˬ jeˬ tehꞈ-ehˇ aˬ yawꞈ maꞈ-euˬ nui ma laꞈ kʼoeˇ bi ahˇ ma.

Maˬkuˆ 3:25

Nymˇ jiˇ tiˬ jiˇ laꞈ kʼoeˇ aˇ muˇ gʼawˬ mya muˇ muˇ-awˇ ceh dzaˬ naˇ, nymˇ jiˇ pyaˆ-iˇ tehꞈ-a.

Yoˇhaˬ 13:35

Naw maꞈ tiˬ gʼaˬ tiˇ gʼaˬ gaˬ-eu jeˬ ahˇ naˇ, naw maꞈ ngaˬ-euˬ zaˬ lahˇ ngaˇ lehˇ tsawˇ haˬ dawˬ tawˆ luꞈ siˬ nya tehꞈ-a.”

Yoˇhaˬ 17:21

Aˬ yawꞈ maꞈ dawˬ tawˆ luꞈ nui ma tiˬ siˬ tehꞈ-ehˇ taˬ nya laˇ ni ngaˇ guiˬ lahˬ shaˇ-eu ma. Aˬda-oˇ, ngaˬ-euˬ laꞈ kʼoeˇ nawˇ jawˇ-awˇ, nawˬ-euˬ laꞈ kʼoeˇ ngaˇ jawˇ-eu loꞈ-ehˇ, aˬ yawꞈ maꞈ aˇ nyaꞈ Da zaˬ-euˬ laꞈ kʼoeˇ jawˇ luꞈ-uˇ. Nawˬ neh ngaˬ-ahˇ kʼehˇ gʼeh leꞈ-euˬ meh lehˇ miˇ tsaˬ zaˬ deuˬ jah laˇ ni, aˬ yawꞈ maꞈ nui ma tiˬ siˬ tehꞈ-ehˇ taˬ luꞈ-uˇ.

1 Gawˇliˬtu 1:10

Aˬ yuiꞈ aˬ nyiˇ Ka li zaˬ deuˬ-oˇ, aˬ dui-euˬ Sahˬpaˬ Yeˬsuˇ Ka li-euˬ tsawˇ myahˇ uˬ moˆ naw maꞈ-ahˇ ngaˇ heu loꞈ-ehˇ shaˇ mawꞈ-eu ma. Naw maꞈ aˇ muˇ maˬ ya muˇ paˆ-eu gʼaˇ duˬ, ngehˬ-eu tmˇ-eu laꞈ kʼoeˇ tsaˬ leˇ dzoeˇ leˇ-eu jeˬ bi ahˇ-awˬ. Nui ma tiˬ siˬ tehꞈ-ehˇ taˬ-awˇ, nui noeˬ tiˬ gaˇ taꞈ-awˬ.

HeˬByehˇ 13:1

Aˬ yuiꞈ aˬ nyiˇ Ka li zaˬ loꞈ-ehˇ tiˬ gʼaˬ tiˇ gʼaˬ aˬ myah luꞈ gaˬ-awˬ.

1 Beˬtuˆluˆ 3:8

Aˇ saˬ saˬ-eu dawˬ-aˬ, heu loꞈ-ehˇ ma. Naw maꞈ nui noeˬ taꞈ-awˇ, nui ma gm-awˬ. Ti gʼaˬ tiˇ gʼaˬ aˬ yuiꞈ aˬ nyiˇ loꞈ-ehˇ gaˬ-awˬ. Tiˬ gʼaˬ tiˇ gʼaˬ gʼawˬ shaˬ gaˬ-awˇ nui nahˬ nui yu ahˇ-awˬ.