Jaceuq 130:3 - Akha

³ Nga maꞈ-euˬ iˬ baˇ-ahˇ nawˇ noeˬ taˬ naˇ, aˬ geu gʼaˬ dzeuˇ-iˇ nya nmˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ya’we Miqyaer-or! Nawr yawbanq yawlaeq guitaq nar-aq, Sanqpaq Miqyaer-or! Aqsur ghaq yawf-awr jawrnya-eu?

Jaceuq 130:3 Iomraidhean Croise

Eˇzaˬlaˬ 9:15

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ tsaˬ-eu dawˇ-eu Miˬyehˇ pyeuꞈ kʼawꞈ, nga maꞈ-ahˇ nawˇ bi dzeuˇ-iˇ laꞈ-euˬ meh. Nawˬ-eu mehˬ shi nga maꞈ-euˬ iˬ baˇ shaˇ pyehˬ-eu ma. Nga maꞈ-aˬ, nawˬ-eu mehˬ shi laˇ-eu maˬ geuˇ-eu tsawˇ haˬ pyeuꞈ-eu ma.”

Yawˇbaˆ 10:14

Ngaˬ-ahˇ iˬ baˇ maˬ pyehˬ nehˬ ni kʼehˬ-eu gʼaˇ duˬ, ngaˇ iˬ baˇ mˇ nga loˇ lehˇ nawˇ haw luꞈ-eu meh.

Yawˇbaˆ 15:14

Shawˇ jehˆ ni gʼeh-eu tsawˇ haˬ maˇ maˇ ni jawˇ meh loˇ. Miˬyehˇ mehˬ shi tsaˬ-eu dawˇ-eu tsawˇ haˬ jawˇ meh loˇ.

Yawˇbaˆ 9:20

Ngaˇ-aˬ, iˬ baˇ maˬ mˇ-ehˇ saˇ jaˇ ziꞈ-eu tsawˇ haˬ pyeuꞈ kʼawꞈ, ngaˬ-euˬ dawˬ bahˬ leˇ-euˬ meh. Ngaˇ kʼaˇ ngehˬ kʼaˇ tmˇ-eu yawˬ jeˬ na luꞈ ngaˬ-euˬ kʼoeˇ taˆ yaw lehˬ yaw ca bi keuˆ le gaˇ duˇ-eu meh.

Jaceuq 143:2

Nawˬ-euˬ zaˬ kʼaˆ pyeuꞈ-eu ngaˬ-ahˇ, yaˇ kʼaˬ taˬ daˇ nehˬ laꞈ. Nawˬ-euˬ mehˬ shi yaw tsaˬ yaw dawˇ tiˬ gʼaˬ-iˬ maˬ jawˇ-a.

Jaceuq 76:7

Sahˬpaˬ Miˬyehˇ-oˇ, tsawˇ haˬ dawˬ tawˆ luꞈ nawˬ-ahˇ guˆ-awˇ, nawˇ nui ma pehˇ ngeh nawˬ-eu mehˬ shi tiˬ gʼaˬ-iˬ maˬ jawˇ tehˬ peuˬ-a.

Iˇsaˬyaˇ 53:6

Aˬ dui dawˬ tawˆ byoˆ-iˇ-eu yawˇ deuˬ-ahˇ duˇ-awˇ, tiˬ gʼaˬ tiˬ paw iˇ byoˆ jiˇ taˬ-euˬ meh. Ehˇ kʼawꞈ, aˬ dui-ahˇ oꞈ-eu kʼehˬ-eu kʼaˆ-eu jeˬ dawˬ tawˆ, Sahˬpaˬ Miˬyehˇ-ahˇ aˬ yawꞈ-euˬ kʼoeˇ taˆ baꞈ daˆ nehˬ jiˇ-euˬ meh.

Naˬhmˬ 1:6

Aˬ yawꞈ nui ma pehˇ-eu jeˬ-ahˇ, dehꞈ dzeuˇ nya-eu aˬ suˇ jawˇ ta. Nui pehˇ miˬ lmˇ shehˆ daˆ leꞈ ngeh, lo gahˬ lo guˇ byaˆ ka le-awˇ, kʼaˬ lehˇ loꞈ-ehˇ meuˇ jiˇ-eu meh.

Maˬlaˬkiˇ 3:2

Ehˇ kʼawꞈ, aˬ yawꞈ oe ngeh nah aˬ suˇ gʼaˬ daˬ coeˇ nmˇ, Aˬ yawꞈ doˆ le ngeh, maˬ shiˇ-ehˇ dzeuˇ-iˇ-eu aˬ suˇ gʼaˬ jawˇ nmˇ. Aˬ yawꞈ-aˬ, taˆ dui dui-eu shaˇ byaˬ hawˇ-eu, shmˇ baw guiˇ-eu miˬ dzaˬ-ahˇ duˇ-eu meh.

Dawˬmehˬ 9:27

Nawˬ-euˬ zaˬ kʼaˆ Aˬbyaˬhaˬ, Iˇtsaˆ hawˇ-eu Yaˬkoˆ-ahˇ noeˬ keuˆ-awˇ, tsawˇ haˬ heu deuˬ-euˬ nui ma gʼahˇ-eu jeˬ, maˬ muiˬ maˬ jaˬ-eu jeˬ hawˇ-eu, aˬ yawꞈ maꞈ-euˬ iˬ baˇ-ahˇ, do taˬ yuˇ nehˬ laꞈ.

Panmaeq 6:17

Guˆ dui dui laˇ paˬ-ehˇ gʼeh-eu aˬ yawꞈ nyaꞈ nui ma pehˇ-eu aˇ nah keuˆ le taˬ-euˬ gaˇ, aˬ suˇ gʼaˬ yawꞈ daˬ coeˇ paˬ nga.”