Jaceuq 128:3 - Akha

³ Nawˬ-euˬ miˬ zaˬ-aˬ, nawˬ-euˬ nymˇ-ahˇ dehꞈ-eu aˇ siˬ sahˇ-eu aˬ gaꞈ baw duˆ-ahˇ duˇ-awˇ, Nawˬ-euˬ aˬ li deuˬ-aˬ, nawˬ-euˬ hawˬ jeh tiˬ jawˬ dehꞈ-eu saˬ loˬ kahˬ zaˬ-ahˇ duˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawq-euq nymr-euq lafkhoer, Nawq-euq miqzaq-aq, arsiq sanr-eu aqgaf bawduv-anr dur-awr; Nawq-euq zaqdeuq-aq, nawq-euq hawqje tiqjawq daef-eu saqloq arbawr kanqzaq-anr dur taef-a.

Jaceuq 128:3 Iomraidhean Croise

Aˇ dahˬ 49:22

Yoˇsehˆ-aˬ, lawˇ gawˆ gawˆ zaˬ dawˬ peh jawˇ-eu bawˇ tsahˬ mahˬ tahˬ laˆ hawˇ-eu, Gawˬ jawˬ baˬ gʼa-ahˇ jawˇ-eu bawˇ tsahˬ mahˬ mahˬ paˬ zaˬ-ahˇ duˇ-eu meh.

1 Laˬsaˬbaˬ 8:40

Uˇlamˬ-euˬ aˬ li deuˬ-aˬ, tsawˇ myahˇ doˆ-eu yehˇ deuˬ pyeuꞈ-awˇ, kaˆ beuˆ-eu nya dui dui-eu meh. Aˬ yawꞈ-euˬ aˬ li hawˇ-eu oeˬ paˬ dawˬ tawˆ luꞈ tiˬ yaˇ ngaˬ tseˇ gʼaˬ byah-eu meh. Kʼoeˇ taˆ paw ehˇ dzeuˇ yaꞈ-euˬ tsawˇ haˬ dawˬ tawˆ luꞈ, Beˬyaˬmiˬ tsawˇ jeuˬ pyeuꞈ-eu meh.

Jaceuq 127:3

Zaˬ deuˬ-aˬ, Sahˬpaˬ Miˬyehˇ neh biꞈ-euˬ laꞈ sawˬ meh. Aˬ yawꞈ maꞈ-aˬ, maˇ maˇ ni gʼeh-eu guiˬ lahˬ meh.

Jaceuq 127:5

Kʼoeˇ loꞈ-ehˇ gʼeh-eu kaˆ myaˬ gʼawˬ mya ni jaˆ-eu tsawˇ haˬ laˬ kʼaˬ ya cehˇ tehꞈ-a. Yaˇ kʼaˬ daˇ duˬ-ahˇ muiˇ-eu deuˬ nehˬ-ehˇ aˬ yawꞈ ya ja dzaˬ ngeh, ya shaꞈ dawˇ gaˇ tiˬ jawˇ-iˬ maˬ keuˆ-a.

Jaceuq 144:12

Nga maꞈ-euˬ aˬ li zaˬ guˬ deuˬ, mehˇ laˇ luꞈ-eu sahˬ lahˬ aˇ bawˇ loꞈ-ehˇ bi pyeuꞈ laꞈ. Nga maꞈ-euˬ aˬ buˇ deuˬ-aˬ, sahˬ paˬ-euˬ nymˇ laꞈ coeˇ-ahˇ toˆ tehˬ taˬ-euˬ, kʼawˇ zeuˇ loꞈ-ehˇ bi pyeuꞈ laꞈ.

Jaceuq 52:8

Ehˇ kʼawꞈ ngaˇ-aˬ, Miˬyehˇ-euˬ nymˇ-ahˇ dehꞈ-eu saˬ loˬ aˇ bawˇ-ahˇ duˇ-eu meh. Maˬ tsehˆ leˇ nya-eu aˬ yawꞈ-euˬ gʼoeˇ-eu gaˬ-eu jeˬ-ahˇ, mˬ maˬ maˬ byaˆ zaˇ ziˇ gʼoe-eu ma.

Yeˬlaˬmiˇ 11:16

Aˇ hu aˬ yawꞈ maꞈ-ahˇ ngaˇ, aˇ paꞈ sahˇ-awˇ aˇ siˬ muiˬ dui dui-eu saˬ loˬ aˇ bawˇ lehˇ myahˇ-euˬ ma. Ehˇ kʼawꞈ, nymˬ-mˇ poˆ jawˇ-aˬ, mˬ jeˬ jeˬ-eu loꞈ-ehˇ mahˇ laˇ gaˇ keuˆ ni aˇ paꞈ deuˬ-ahˇ ngaˇ dzah puiˆ-awˇ, uˬ laꞈ deuˬ-ahˇ ngawˬ kʼehꞈ nehˬ ma.

Yeˬsaˬgeˬlaˇ 19:10

Nawˬ ha aˬ ma aˬ gaꞈ baw duˆ, lawˇ baˬ gawˆ taw dehꞈ luꞈ-eu meh. Iˇ cuꞈ tiˬ loꞈ za-eu miˇ neh, aˇ paꞈ sahˇ-awˇ aˇ siˬ loˆ meh.

Lormav 11:24

Bawˇ tsahˬ-ahˇ dehꞈ-eu saˬ loˬ aˇ bawˇ-euˬ uˬ laꞈ pyeuꞈ-eu Yuˇdaˆ tsawˇ haˬ maˬ ngeuˇ-eu naw maꞈ-ahˇ deuˆ tsehˆ laꞈ-awˇ, tsawˇ haˬ neh ka taˬ-euˬ saˬ loˬ aˇ bawˇ-ahˇ tsaꞈ nehˬ-eu jeˬ pyeuꞈ-eu, tiˬ jawˇ-iˬ maˬ gaˬ haw-euˬ jeˬ-ahˇ Miˬyehˇ mˇ nya-eu-aˬ, ka taˬ-euˬ saˬ loˬ aˇ bawˇ-euˬ uˬ laꞈ pyeuꞈ-eu Yuˇdaˆ tsawˇ haˬ deuˬ-ahˇ aˬ yawꞈ yaw oeˇ kʼoeˇ bawˇ-ahˇ paˇ tsaꞈ kʼoꞈ nehˬ-eu kʼoeˇ-aˬ, Miˬyehˇ gʼaˇ duˬ awˬ dui dui tehꞈ-a.