Jaceuq 127:3 - Akha

³ Zaˬ deuˬ-aˬ, Sahˬpaˬ Miˬyehˇ neh biꞈ-euˬ laꞈ sawˬ meh. Aˬ yawꞈ maꞈ-aˬ, maˇ maˇ ni gʼeh-eu guiˬ lahˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Hawsher-eq, zaqdeuq-aq, Ya’we Miqyaer nae bif-euq jeqbir pyeuf-awr, Zaq-euq jawrzar-euq arsiq-aq, mrpoeq lafsawq mae.

Jaceuq 127:3 Iomraidhean Croise

Aˇ dahˬ 1:28

Kʼoeˇ naˇ, heu loꞈ-ehˇ dawˬ ngehˬ gʼeh-awˇ guiˬ lahˬ biꞈ nehˬ-euˬ meh. “Jeuˬ le o le-awˬ. Naw maꞈ-euˬ zaˬ deuˬ miˇ tsaˬ kʼoeˇ taˆ byah laˇ-awˇ, miˇ tsaˬ-ahˇ uˆ lahˇ luꞈ-uˇ. Ngaˬ shaˬ ngaˬ deˇ, ho zaˬ nga jiˇ hawˇ-eu, bawˇ tsahˬ jeˬ zaˬ deuˬ-ahˇ haw-eu pyaˆ-eu gʼaˇ duˬ, ngaˇ naw maꞈ-ahˇ gaˇ biꞈ-eu ma.

Aˇ dahˬ 24:60

Aˬ yawꞈ maꞈ Leˬbehˇkaꞈ-ahˇ heu loꞈ-ehˇ dawˬ ngehˬ gʼeh nehˬ-euˬ meh. “Zaˬ miˬ dmˇ ma-oˇ, nawˇ-aˬ, maˬ gui jiˇ coeˇ-eu tsawˇ haˬ deuˬ-euˬ aˬ ma ma dzahˇ pyeuꞈ laˇ luꞈ-uˇ. Nawˬ-euˬ zaˬ nawˬ-euˬ uˆ deuˬ-aˬ, aˬ yawꞈ maꞈ-ahˇ muiˇ-eu tsawˇ haˬ deuˬ-euˬ meuˬ deuˬ-ahˇ deuˆ gʼaˬ luꞈ-uˇ.”

Aˇ dahˬ 33:5

Iˇsawˇ jawˬ jawˬ-ehˇ haw-awˇ, zaˬ miˬ zaˬ kʼoeˇ deuˬ hawˇ-eu zaˬ kʼoeˇ deuˬ-ahˇ ya mawˇ ngeh, “Nawˬ nehˬ-ehˇ oe-euˬ tsawˇ haˬ heu deuˬ aˬ suˇ gʼaˬ-a” lehˇ, Yaˬkoˆ-ahˇ naˇ haˬ-euˬmeh. Yaˬkoˆ gʼeh, “Heu deuˬ-aˬ, nawˬ-euˬ aˬ nyiˇ-ahˇ Miˬyehˇ gʼawˬ shaˬ gaˬ-awˇ biꞈ laꞈ-euˬ zaˬ deuˬ meh” lehˇ, Yaˬkoˆ ehˇ kʼoꞈ nehˬ-euˬ meh.

Aˇ dahˬ 4:1

Kʼoeˇ naˇ, Aˬdaˬ hawˇ-eu Eˇbaˆ aˬ nyaꞈ dzeˇ zaˬ jawˇ taꞈ-awˇ, Eˇbaˆ aˬ nyiˇ pi leˇ-euˬ meh. Eˇbaˆ aˬ nyiˇ ciˬ ngeh, “Sahˬpaˬ Miˬyehˇ-euˬ guiˬ lahˬ baˬ da neh aˬ li tiˬ li jawˇ le-euˬ ma” lehˇ aˬ yawꞈ ehˇ-awˇ, aˬ li kʼoeˇ li-ahˇ Gaˬiˇnaˆ lehˇ myahˇ nehˬ-euˬ meh.

Aˇ dahˬ 48:4

Aˬ yawꞈ ngaˬ-ahˇ ehˇ-eu, ‘Nawˬ-euˬ zaˬ nawˬ-euˬ uˆ deuˬ tsawˇ jeuˬ gʼawˬ mya jeuˬ pyeuꞈ laˇ ni, aˬ yawꞈ maꞈ-ahˇ ngaˇ bi jeuˬ bi o le ma. Miˇ kʼahˬ heu kʼahˬ, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ tsehˆ nehˬ ma’ lehˇ ehˇ-eu meh.

2 Saˬmeuˬlaˆ 3:5

Eˇgaˬlahˬ o neh dehꞈ le-euˬ Iˇdaˬlamˬ aˬ ha mehˇ nmˇ meh. Daˬbiˇ-euˬ aˬ li heu deuˬ dawˬ tawˆ luꞈ, Heˬbyoˬ meuˬ-ahˇ dehꞈ le-euˬ meh.

1 Laˬsaˬbaˬ 28:5

Ngaˬ-ahˇ aˬ li gʼawˬ mya li bi jawˇ le-awˇ, aˬ li kʼoeˇ deuˬ dawˬ tawˆ luꞈ laꞈ kʼoeˇ, Sahˬpaˬ Miˬyehˇ-euˬ miˇ kʼahˬ heu kʼahˬ-ahˇ bi uˆ lahˇ-eu gʼaˇ duˬ, Sawˇlaˬmoˬ-ahˇ aˬ yawꞈ tseˇ doˆ-euˬ meh.

1 Laˬsaˬbaˬ 8:40

Uˇlamˬ-euˬ aˬ li deuˬ-aˬ, tsawˇ myahˇ doˆ-eu yehˇ deuˬ pyeuꞈ-awˇ, kaˆ beuˆ-eu nya dui dui-eu meh. Aˬ yawꞈ-euˬ aˬ li hawˇ-eu oeˬ paˬ dawˬ tawˆ luꞈ tiˬ yaˇ ngaˬ tseˇ gʼaˬ byah-eu meh. Kʼoeˇ taˆ paw ehˇ dzeuˇ yaꞈ-euˬ tsawˇ haˬ dawˬ tawˆ luꞈ, Beˬyaˬmiˬ tsawˇ jeuˬ pyeuꞈ-eu meh.

Yawˇbaˆ 1:2

Aˬ yawꞈ-aˬ, aˬ li shiꞈ li jawˇ-awˇ, aˬ buˇ smˬ buˇ jawˇ-eu meh.

Iˇsaˬyaˇ 13:18

Zaˬ guˬ deuˬ-ahˇ aˬ yawꞈ maꞈ kaˆ neh beuˆ coˬ-awˇ, zaˬ nahˬ deuˬ-ahˇ gʼawˬ sha-ehˇ maˬ gʼeh-eu uˬ taꞈ, zaˬ yaw nyiˇ deuˬ-ahˇ gʼawˬ shaˬ maˬ haw gaˬ-a.

Iˇsaˬyaˇ 8:18

Sahˬpaˬ Miˬyehˇ neh ngaˬ-ahˇ biꞈ laꞈ-euˬ zaˬ deuˬ nehˬ-ehˇ ngaˇ jawˇ luꞈ-eu ma. Ziˇoˬ gawˬ jawˬ kʼoeˇ taˆ nuiˇ luꞈ-eu Baoˬ huiˬ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ haˬ deuˬ jawˇ gaˇ, dehꞈ luꞈ-eu dawˬ kawˬ deuˬ loꞈ-ehˇ nga maꞈ-ahˇ pyehˬ gʼeh leꞈ-euˬ meh.

Dawˬmehˬ 28:11

Nawˬ-ahˇ biꞈ -eu gʼaˇ duˬ, nawˬ-euˬ aˬ poeˬ aˬ bawˇ deuˬ-ahˇ aˬ yawꞈ neh saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ laꞈ kʼoeˇ, nawˬ-euˬ zaˬ deuˬ hawˇ-eu jeˬ zaˬ deuˬ-ahˇ, Sahˬpaˬ Miˬyehˇ bi myaˬ bi behˇ laˇ-awˇ, nawˬ-ahˇ dzaˬ la gʼo cehˇ bi za le tehꞈ-a.

Dawˬmehˬ 28:4

“Nawˬ-euˬ zaˬ bi myaˬ bi behˇ laˇ-eu laꞈ kʼoeˇ maˬ ehˇ, dzaˬ la gʼo cehˇ bi za myaˬ le-eu laꞈ kʼoeˇ maˬ ehˇ, jeˬ zaˬ bi behˇ laˇ-eu laꞈ kʼoeˇ maˬ ehˇ, Sahˬpaˬ Miˬyehˇ nawˬ-ahˇ guiˬ lahˬ biꞈ nehˬ laꞈ tehꞈ-a.

Yaˇ kʼaˬ daˇ 12:9

Aˬ yawꞈ-aˬ, aˬ li smˬ tseˇ li hawˇ-eu aˬ buˇ smˬ tseˇ buˇ jawˇ-eu meh. Aˬ yawꞈ-euˬ aˬ buˇ smˬ tseˇ buˇ-ahˇ, aˬ yawꞈ-ahˇ aˇ jeuˬ maˬ taꞈ-euˬ deuˬ-ahˇ bi mˇ dzaˬ-iˇ-awˇ, aˬ yawꞈ-euˬ aˬ li deuˬ gʼaˇ duˬ, aˬ yawꞈ-ahˇ aˇ jeuˬ aˇ ca maˬ taꞈ-euˬ kuiˬ ma smˬ tseˇ ma sheuˬ ahˇ-euˬ meh. Eˇbaˬzaˬ-aˬ, Iˇsaˬleˬlaˆ tsawˇ jeuˬ-ahˇ shiꞈ kʼoꞈ sheuˬ gʼeh-euˬ meh.

1 Saˬmeuˬlaˆ 1:27

Aˬ li heu li za ni aˬ yawꞈ-ahˇ ngaˇ guiˬ lahˬ shaˇ-awˇ, ngaˬ neh kʼaˇ shaˇ-euˬ loꞈ-ehˇ biꞈ nehˬ laꞈ-euˬ meh.