Jaceuq 127:2 - Akha

² Uˬ shawˬ yaw naꞈ-ehˇ tuˇ-awˇ uˬ ciꞈ zahˇ le ngeh keuˆ ni, yaw dehꞈ dehꞈ dzaˬ-eu gʼaˇ duˬ mˇ sehꞈ leꞈ kʼawꞈ tiˬ jeˬ-iˬ gaˇ dahˇ maˬ tsoeˬ-a. Aˬ jeˬ miˇ neh ehˇ naˇ, Sahˬpaˬ Miˬyehˇ gaˬ-eu tsawˇ haˬ deuˬ-ahˇ, yuꞈ kʼaˆ luꞈ ngeh aˬ yawꞈ dzaˬ tuiˆ dawˇ tuiˆ biꞈ nehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Uqshawq yawnaf-aer tur-awr uqcif mirlanni, Yawdaef daef-eu gharduq mrsaef lef-euq khawf, Tiqjeq-iq gardanr maqtsoeq-a. Aqjeq mirnae aernar-aq, Miqyaer, aqyawf gaq-eu tsawrhaq-anr, Yawmuiq-aer bi yufkhav-eu mae.

Jaceuq 127:2 Iomraidhean Croise

Yawˇbaˆ 11:18

Nawˇ yaw dehꞈ dehꞈ-eu kʼahˬ lahˇ kʼaˇ maˬ za-ehˇ, noeˬ tmˬ duˬ tiˬ byah jaˆ-eu uˬ taꞈ, Miˬyehˇ nawˬ-ahˇ haw piˇ-awˇ gʼaˬ naˬ bi naˬ laꞈ tehꞈ-a.

Jaceuq 3:5

Ngaˇ joe yuꞈ-awˇ yuꞈ kʼaˆ luꞈ ngeh, uˬbya bya laˇ noeˬlaˇngeh keuˆ, SahˬpaˬMiˬyehˇ haw piˇ-eu meh.

Jaceuq 4:8

Yuˬzaˇ-ahˇngaˇ joe yuꞈleˇngeh, saˇlehˆni yuꞈkʼaˆbyoˆ-eu ma. Ngaˬ-ahˇnui saˇ biꞈnya-eu gʼaˬ, SahˬpaˬMiˬyehˇ-oˇ, nawˇtehꞈmeh.

Jaceuq 60:5

Nawˇ gaˬ-eu tsawˇ haˬ deuˬ ya buˬ ya law-iˇ ni, nga maꞈ-euˬ shaˇ dawˬ naˇ haˬ nehˬ laꞈ-awˇ nawˬ-euˬ baoˬ neh nga maꞈ-ahˇ ka kʼoꞈ nehˬ laꞈ.

Dawqdaq 10:22

Sahˬpaˬ Miˬyehˇ-euˬ guiˬ lahˬ baˬ da neh baw le za le-eu meh. Kʼaˇ mˇ kʼaˇ za za nya-eu maˬ ngeuˇ-a.

Dawˬ tsoˆ 1:14

Mˬ heu siˬ-euˬ uˬ moˆ kʼaˇ pyeuꞈ luꞈ-eu yawˬ jeˬ na luꞈ ngaˇ mawˇ duˬ-euˬ ma. Gaˇ dahˇ tsoeˬ-eu tiˬ jeˬ-iˬ maˬ jaˆ-a. Jaˬ lehˇ mehˬ nah teh-eu loꞈ-ehˇ tehꞈ meh.

Dawˬ tsoˆ 4:8

Yawˬ ha tiˬ gʼaˬ tehꞈ-ehˇ dahˬ dzaˬ-eu tsawˇ haˬ tiˬ gʼaˬ jawˇ-eu meh. Aˬ yawꞈ aˬ yuiꞈ aˬ nyiˇ maˬ baw, zaˬ maˬjawˇ kʼawꞈ, aˬ yawꞈ-euˬ pyuˇ shuiˇ myawˬ gahˬ-ahˇ nui kʼahˇ maˬ shiˇ-ehˇ, maˬ naˬ leˇ ni mˇ dui dui-eu meh. Yawˬ ha-euˬ gʼawˇ mawˇ yaw saˇ maˬ oꞈ ni aˬ suˇ gʼaˬ gʼaˇ duˬ aˬ yawꞈ mˇ luꞈ-eu gaˇ kawˆ, aˬ yawꞈ maˬ shaˇ noeˬ-a. Heu kʼawꞈ, tiˬ jeˬ-iˬ gaˇ dahˇ maˬ tsoeˬ-a. Maˬ mˇ paˬ-ehˇ gʼeh-eu gaˇ meh.

Dawˬ tsoˆ 5:12

Gaˇ mˇ-eu tsawˇ haˬ, dzaˬ loꞈ-eu maˬ dzaˬ loꞈ-eu maˬ kaˬ, uˬ ciꞈ yuꞈ kʼaˆ leˇ muiˬ-eu meh. Ehˇ kʼawꞈ, smˇ muiˬ aˬ da myawˬ gahˬ myaˬ-eu miˇ neh, nui noeˬ myaˬ-eu maˬ yuꞈ kʼaˆ leˇ-a.

Dawˬ tsoˆ 6:7

Tsawˇ haˬ zaˬ kʼaˇ mˇ-eu gaˇ dawˬ tawˆ luꞈ, yawˬ ha uˬ maˆ poˆ dehˆ-eu gʼaˇ duˬ meh. Ehˇ kʼawꞈ, kʼaˬ meh-euˬ nui kʼahˇ maˬ mˇ byah nehˬ nya-a.

Yeˬlaˬmiˇ 31:26

Kʼoeˇ ngeh jawˇ, ‘Ngaˇ yuꞈ kʼaˆ-euˬ noeˬ laˇ ngeh, gʼaˬ ahˇ laˇ-awˇ zoˇ tseuˆ ni miˇ-a’ lehˇ, aˬ yawꞈ maꞈ ja tehꞈ-a.

Yeˬsaˬgeˬlaˇ 34:25

Aˬ yawꞈ maꞈ guˆ kʼaˇ maˬ za-ehˇ ya dehꞈ ni, aˬ yawꞈ maꞈ nehˬ-ehˇ ngaˇ dawˬ ma saˇ jaˇ dzaˬ ma. Ngaˬ-euˬ yawˇ deuˬ deh ga-ahˇ nui ma saˇ lehˆ ni ya gaˆ-awˇ, sahˬ kʼaˆ uˬ moˆ ciˬ cuˇ ni ya yuꞈ-eu gʼaˇ duˬ, bawˇ tsahˬ jeˬ zaˬ yaw haiˬ dawˬ tawˆ luꞈ ngaˇ laˆ byoˆ ma.