Jaceuq 125:3 - Akha

³ Yaw tsaˬ yaw dawˇ deuˬ-euˬ miˇ kʼahˬ-ahˇ yaw haiˬ deuˬ aˬ myah luꞈ maˬ ya uˆ lahˇ-a. Kʼoeˇ loꞈ-ehˇ uˆ lahˇ naˇ, yaw tsaˬ yaw dawˇ deuˬ yaw haiˬ jeˬ mˇ laˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Tsaq-awr dawr-eu tsawrhaq deuq-euq mirkhanq-anr, Tsawrcawv-euq shmr gawqyoeq maqya naq-ar. Maqngeur nar-aq, tsaq-awr dawr-eu tsawrhaq deuq, Aqyawf maf-euq aqlaf cawqdov-awr yawlaeq yawca jeq mr taef-a.

Jaceuq 125:3 Iomraidhean Croise

Jaceuq 103:14

Aˬ dui-ahˇ aˬ jeˬ neh beh-euˬ aˬ yawꞈ siˬ nya meh. Aˬ dui miˇ tsaˬ pyeuꞈ-eu aˬ yawꞈ maˬ ngehˇ-a.

Jaceuq 103:9

Aˬ myah luꞈ iˬ baˇ maˬ taˬ-ehˇ, gʼawˬ myahˇ ni mui ma maˬ pehˇ-a.

Jaceuq 55:20

Yaw beh ngaˬ-ahˇ gʼoeˇ-eu tsawˇ haˬ saˇ jaˇ puiˬ-awˇ, aˬ yawꞈ-euˬ cawˬ deuˬ-ahˇ dawꞈ-eu ceh-eu meh.

Jaceuq 89:22

Muiˇ-eu deuˬ aˬ yawꞈ-ahˇ tiˬ jawˇ-iˬ maˬ gʼaˬ leˇ-aˇ. Haiˬ-eu deuˬ aˬ yawꞈ-ahˇ maˬ deuˆ gʼaˬ nya-aˇ.

Dawqdaq 22:8

Maˬ tsaˬ maˬ dawˇ-eu siˬ yoeˬ sehˬ naˇ, shaˬ zahˬ dehꞈ doˆ laˇ-awˇ, aˬ cawˬ kʼoeˇ taˆ maˬ kʼaˆ dzaˬ nya ni pyeuꞈ laˇ tehꞈ-a.

Iˇsaˬyaˇ 10:5

Aˬshuˇliˆ miˇ kʼahˬ-aˬ, ngaˬ-euˬ daˇ cuiˇ ma. Ngaˇ nui ma pehˇ ngeh diˬ-eu diˬ duˇ ma.

Iˇsaˬyaˇ 27:8

Aˬ cawˬ-euˬ miˇ kʼahˬ-ahˇ bi nyehꞈ gʼeh-eu laꞈ kʼoeˇ, aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ kʼehˬ nehˬ-euˬ meh. Guˆ laˇ paˬ-ehˇ gʼeh-eu nahˇ ma doˆ kʼehˬ jaˬ lehˇ kʼoeˇ neh, aˬ yawꞈ maꞈ-ahˇ bi hehˇ dzaˬ gʼeh-euˬ meh.

1 Gawˇliˬtu 10:13

Aˬ cawˬ maˬ ya puˬ maˬ ya mawˇ haw-euˬ muˇ juˇ juˇ-eu jeˬ-ahˇ naw maꞈ ya daˬ-eu maˬ ngeuˇ-a. Miˬyehˇ-aˬ, saˇ jaˇ ziꞈ dui dui-awˇ, naw maꞈ maˬ kamˬ coeˇ-eu muˇ juˇ juˇ-eu jeˬ maˬ bi keuˆ le-a. Naw maꞈ kʼoeˇ taˆ muˇ juˇ juˇ-eu jeˬ keuˆ le ngeh, kamˬ coeˇ ni aˬ yawꞈ gʼaˬ biꞈ nehˬ laꞈ-awˇ, buˬ-iˇnya-eu gaˇ ma shaˇ dahˇ nehˬ laꞈ tehꞈ-a.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.

1 Saˬmeuˬlaˆ 24:10

Nymˬ-mˇ tseuˆ tseuˆ ni, lo kʼahˬ heu kʼahˬ laꞈ kʼoeˇ, Sahˬpaˬ Miˬyehˇ neh nawˬ-euˬ gʼawˇ mawˇ ngaˬ-euˬ aˬ laꞈ laꞈ kʼoeˇ a nehˬ laꞈ gʼaˬ-euˬ gaˇ, nawˇ ya mawˇ-euˬ meh. Nawˬ-ahˇ sehꞈ-awˬ lehˇ ngaˬ-euˬ tsawˇ haˬ tiˬ paˆ na deuˬ ngaˬ-ahˇ ehˇ-eu meh. Ehˇ kʼawꞈ, nawˇ sahˬ paˬ geuꞈ-eu gʼaˇ duˬ, Sahˬpaˬ Miˬyehˇ neh nawˬ-ahˇ tseˇ doˆ taˬ-euˬ miˇ neh, nawˬ-ahˇ ngaˇ ui cuiˆ tehꞈ-ehˇ kʼawꞈ maˬ laˆ tahˬ maˬ laˆ naˇ nehˬ lehˇ, aˬ yawꞈ maꞈ-ahˇ ngaˇ ehˇ nehˬ-euˬ ma.