Jaceuq 124:4 - Akha

⁴ Aˬ dui iˇ jeuˬ neh bi dehˬ dzaˬ gʼeh-awˇ, iˇ cuꞈ neh bi dahˬ pymˬ-eu laꞈ kʼoeˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Khoerngae, aqdui, ircuf nae bi danqpymq-awr, Aqdui-euq nuima saflar lawrgawv-anr gapuf yaf-euq ngeur-eu dur;

Jaceuq 124:4 Iomraidhean Croise

Yawˇbaˆ 22:11

Zahˇ dui dui le-euˬ miˇ neh nawˇ tiˬ gaˇ-iˬ maˬ haw mawˇ nya-ehˇ, iˇ jeuˬ oe-awˇ nawˬ-ahˇ dehˬ pymˬ-euˬ meh.

Jaceuq 144:7

Yaw goˇ-ahˇ neh nawˬ-euˬ aˬ laꞈ cawˬ ka leꞈ-awˇ, iˇ cuꞈ naꞈ gaˇ ngaˬ-ahˇ gʼeu doˆ-awˇ ka kʼoꞈ nehˬ laꞈ-awˬ. Aˬ cawˬ tsawˇ jeuˬ deuˬ-euˬ aˬ laꞈ laꞈ kʼoeˇ ka kʼoꞈ nehˬ laꞈ-awˬ.

Jaceuq 18:4

Shiˇ-eu caˆkʼmˇsheu lahˇle-awˇ, luˬ-eu sheˇ-eu iˇjeuˬjeuˬ-awˇ, ngaˬ-ahˇciˬtahˬciˬtuˆ-eu meh.

Jaceuq 18:5

Shiˇ-eu laˬpeu tahˇtsehˆtaˬ-awˇ, lmˬbymˇlahˇju kʼmˇtaˬ-euˬmeh.

Jaceuq 32:6

Guˆ-eu gaˆ-eu iˇ jeuˬoe ngeh, luˬgaˇseˇgaˇ maˬya keuˆni, nawˬ-ahˇsaˇjaˇziꞈ-eu tsawˇhaˬ, zahˬngeh guiˬlahˬshaˇnya luꞈ-uˇ.

Jaceuq 42:8

Uˬciꞈpaw ngaˇcaˇdawˬcaˇ-awˇ, ngaˬ-ahˇbi dehꞈ-eu gʼaˬpyeuꞈ-eu, Miˬyehˇ-ahˇguiˬlahˬshaˇnya ni, tiˬjawˇ-iˬmaˬtsehˆleˇnya-eu, SahˬpaˬMiˬyehˇ-euˬgaˬ-eu jeˬ, nah gʼahˇpaw mehˬnehˬlaꞈluꞈ-uˇ.

Jaceuq 69:15

Ngaˬ-euˬ kʼoeˇ taˆ iˇ jeuˬ taˬ bi oe laꞈ. Iˇ cuꞈ naꞈ gaˇ ngaˬ-ahˇ taˬ bi dehˬ nuiꞈ nehˬ laꞈ. Miˇ tsaˬ duˬ kʼahˬ neh taˬ bi myoꞈ ahˇ nehˬ laꞈ.

Jaceuq 69:2

Naꞈ dui dui-eu lah siˇ laꞈ kʼoeˇ ngaˇ ga nuiꞈ-iˇ luꞈ-awˇ, aˬ kuiˇ nawˬ tehˬ duˬ miˇ tsaˬ yaw gʼahˇ maˬ jaˆ nya. Naꞈ dui dui-eu iˇ cuꞈ kʼoeˇ taˆ ngaˇ jawˇ luꞈ-awˇ, iˇ cuꞈ iˇ luˆ dzeh-eu miˇ neh ga nuiꞈ byoˆ shaw-iˬ miˇ-a.

Iˇsaˬyaˇ 28:2

Aˬ yawꞈ maꞈ-ahˇ guiˇ bi deuˆ le-eu lehˇ, baoˬ huiˬ-awˇ gʼaˬ kʼaˆ-eu tsawˇ haˬ-ahˇ, Sahˬpaˬ Miˬyehˇ bi lehˬ hmˬ taˬ-euˬ meh. Uˬ yehˇ aˇ siˬ ga le-eu loꞈ-ehˇ, uˬ yehˇ yehˇ ma ma le-eu loꞈ-ehˇ, iˇ jeuˬ jeuˬ le-eu loꞈ-ehˇ aˬ yawꞈ oe-awˇ, miˇ kʼahˬ kʼoeˇ kʼahˬ-ahˇ laˆ cawˆ le tehꞈ-a.

Iˇsaˬyaˇ 59:19

Aˬ yawꞈ-euˬ baoˬ hawˇ-eu aˬ yawꞈ-euˬ tsawˇ myahˇ-ahˇ, nahˇ ma doˆ kʼehˬ ga kʼehˬ doˆ ni yawˬ gʼaˬ na luꞈ ya guˆ tehꞈ-a. Iˇ jeuˬ jeuˬ-awˇ jaˬ lehˇ lehˇ ma baw-eu loꞈ-ehˇ, aˬ yawꞈ oe gaˇ ya mawˇ tehꞈ-a.

Daˬyeˬlaˇ 9:26

Aˇ yamˬ kʼoeˇ yamˬ aˇ saˬ saˬ laˇ ngeh, Miˬyehˇ neh tseˇ doˆ-awˇ bi uˆ lahˇ-euˬ tsawˇ haˬ kʼoeˇ gʼaˬ, maˬ tsaˬ maˬ dawˇ-eu laꞈ kʼoeˇ bi sehꞈ tehꞈ-a. Baoˬ huiˬ-eu uˆ lahˇ-eu tsawˇ haˬ tiˬ gʼaˬ-euˬ guiˇ maꞈ uˇ le-awˇ, meuˬ hawˇ-eu Uˬ duˬ tahˬ nymˇ nymˇ ma-ahˇ laˆ cawˆ tehꞈ-a. Aˇ saˬ saˬ-eu aˇ nah aˇ yamˬ iˇ jeuˬ jeuˬ-eu loꞈ-ehˇ keuˆ le-awˇ, Miˬyehˇ neh lehˬ hmˬ taˬ-euˬ guiˇ deuˆ-eu jeˬ hawˇ-eu laˆ luˬ laˆ seˇ-eu jeˬ hehˇ ahˇ leꞈ tehꞈ-a.

Panmaeq 17:1

Kʼoeˇ naˇ, mˬ taˆ gʼaˬ kʼehˇ kʼoeˇ shiꞈ gʼaˬ laꞈ kʼoeˇ, naˬ bo shiꞈ bo ahˇ-eu gʼaˬ ngaˇ jawˇ gaˇ oe-awˇ heu loꞈ-ehˇ ehˇ-eu meh. “Oe-awˬ, lawˇ baˬ baˬ ma gʼawˬ mya gawˆ dawˬ peh jaˆ-eu meuˬ meuˬ ma pyeuꞈ-eu tsawˇ myahˇ doˆ-eu meh maˬ laˇ kʼoeˇ gʼaˬ kʼehˬ-eu kʼaˆ-eu jeˬ-ahˇ aˬ joˆ-ehˇ ya daˬ gaˇ ngaˇ nawˬ-ahˇ sheuˬ mehˬ-iˇ nyaˇ.

Panmaeq 17:15

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ heu loꞈ-ehˇ paˇ ehˇ-eu meh. “Nawˬ neh ya mawˇ-euˬ meh maˬ laˇ kʼoeˇ gʼaˬ nuiˇ luꞈ-eu iˇ cuꞈ kʼoeˇ deuˬ-aˬ, miˇ tsaˬ tsawˇ jeuˬ tsawˇ ca deuˬ pyeuꞈ-eu meh.