Jaceuq 122:9 - Akha

⁹ Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ, nawˇ baw le za le ni ngaˇ guiˬ lahˬ shaˇ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqdui-euq Miqyaer pyeuf-eu Ya’we Miqyaer-euq nymr-euq baqda’nae, Ngar, nawq-euq gharduq yawmuiq jeq pov ma.

Jaceuq 122:9 Iomraidhean Croise

1 Laˬsaˬbaˬ 29:3

Ngaˬ neh biꞈ taˬ-euˬ heu deuˬ dawˬ tawˆ luꞈ uˬ taꞈ, Miˬyehˇ-euˬ Uˬ duˬ tahˬ nymˇ nymˇ ma-ahˇ ngaˇ gaˬ-eu miˇ neh, ngaˬ-euˬ shuiˇ hawˇ-eu pyuˇ deuˬ kʼawꞈ ngaˇ biꞈ-euˬ ma.

Neˬhaˬmiˇ 13:14

Ngaˬ-euˬ Miˬyehˇ-oˇ, nawˬ-euˬ Uˬ duˬ tahˬ nymˇ nymˇ ma hawˇ-eu kʼoeˇ gaˇ nawˬ-ahˇ uˬ duˬ ya tahˬ ni ngaˬ neh leh jeh-euˬ gaˇ heu deuˬ-ahˇ noeˬ keuˆ-eu laꞈ kʼoeˇ yawˬ ngehꞈ-ehˇ taˬ bi pyeuꞈ-iˇ nehˬ laꞈ.

Neˬhaˬmiˇ 2:10

Ehˇ kʼawꞈ, Iˇsaˬleˬlaˆ tsawˇ jeuˬ huiˬ laˇ mahˇ laˇ ni mˇ-eu gʼaˇ duˬ tsawˇ haˬ laˇ taˬ-euˬ gaˇ kawˆ-ahˇ, Behˬhawˇleuˬ meuˬ-ahˇ jawˇ-eu Sahˬbaˬlaˆ hawˇ-eu Aˬmoˬ miˇ kʼahˬ-ahˇ yaw huiˬ yaw mahˇ geuꞈ luꞈ-eu Tawˇbyaˬ aˬ nyaꞈ ya gaˬ ngeh, nui ma maˬ tsaˬ-a.

Iˇsaˬtaˆ 10:3

Yuˇdaˆ tsawˇ haˬ Mawˬdaˬkehˇ-aˬ, sahˬ paˬ Dzeuˬsehˆ-euˬ laꞈ oˆ teˬ ni gʼeh-eu gʼaˬ pyeuꞈ-eu meh. Yuˇdaˆ tsawˇ haˬ deuˬ aˬ yawꞈ-ahˇ nui kʼahˇ shiˇ-awˇ, taˬ huiˬ taˬ mahˇ-euˬ meh. Aˬ yawꞈ-euˬ tsawˇ jeuˬ gʼaˇ duˬ gaˇ dahˇ tsoeˬ-eu muiˬ-eu gaˇ deuˬ aˬ yawꞈ mˇ-awˇ, aˬ yawꞈ maꞈ-euˬ zaˬ deuˬ uˆ deuˬ dawˬ tawˆ luꞈ kʼoeˇ taˆ, nui saˇ oꞈ-eu jeˬ aˬ yawꞈ mˇ yaꞈ-euˬ meh.

Jaceuq 26:8

Sahˬpaˬ Miˬyehˇ-oˇ, nawˬ-euˬyaw shehꞈkʼahˬsehˇjaˆ-eu, nawˬ-euˬnymˇ-ahˇngaˇgaˬ-eu ma.

Jaceuq 69:9

Nawˬ-euˬ Uˬ duˬ tahˬ nymˇ nymˇ ma-ahˇ nui ma keuˆ-awˇ uˬ duˬ tahˬ-eu jeˬ, ngaˬ-euˬ nui ma laꞈ kʼoeˇ miˬ dzaˬ doꞈ-eu loꞈ-ehˇ jaˆ-awˇ, nawˬ-euˬ dah zaˇ ngaˇ dawˬ doeˇ daˬ luꞈ-eu ma.

Jaceuq 84:10

Nawˬ-euˬ Uˬ duˬ tahˬ nymˇ nymˇ ma laꞈ kʼoeˇ tiˬ nah jawˇ ciꞈ-euˬ-aˬ, nui gaˇ tiˬ heˇ nah jawˇ-euˬ naˆ maˬ tseˇ poeˬ nya. Haiˬ-eu tsawˇ haˬ deuˬ-euˬ nymˇ laꞈ kʼoeˇ jawˇ-eu naˆ maˬ tseˇ, Miˬyehˇ-euˬ nymˇ gʼoˆ kʼehˬ-ahˇ ya yawꞈ gaˇ ngaˇ nui kʼahˇ shiˇ dzehˬ ma.

Yoˇhaˬ 2:17

Kʼoeˇ ngeh, “Miˬyehˇ-oˇ, nawˬ-euˬ nymˇ-ahˇ ngaˇ gaˬ-eu ngaˬ-euˬ nui ma laꞈ kʼoeˇ miˬ dzaˬ doꞈ gaˇ duˇ miˇ-a” lehˇ Jaˇ liꞈ laꞈ kʼoeˇ boꞈ taˬ-euˬ kʼoeˇ tsahˇ, aˬ yawꞈ-euˬ zaˬ lahˇ deuˬ-ahˇ noeˬ doˆ leˇ-euˬ meh.