Jaceuq 122:6 - Akha

⁶ Yeˬluˇsaˬlehˬ meuˬ nui saˇ oꞈ ni guiˬ lahˬ shaˇ-awˬ. Nawˬ-ahˇ gaˬ-eu tsawˇ haˬ deuˬ baw le za le luꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Yeqlursaqlaeq nuisar ofni guiqlanq shar-awq: “Nawq-anr gaq-eu tsawrhaq deuq muiqlar sanrlar luf-ur.

Jaceuq 122:6 Iomraidhean Croise

Aˇ dahˬ 12:3

Nawˬ-ahˇ guiˬ lahˬ biꞈ-eu tsawˇ haˬ-ahˇ ngaˇ guiˬ lahˬ biꞈ-awˇ, nawˬ-ahˇ yaˬ kʼehˇ yaˬ-eu tsawˇ haˬ-ahˇ ngaˇ yaˬ kʼehˇ yaˬ ma. Nawˬ-ahˇ gʼoe-awˇ tsawˇ jeuˬ dawˬ tawˆ luꞈ-ahˇ, ngaˇ guiˬ lahˬ biꞈ ma.”

Neˬhaˬmiˇ 11:1

Miˇ kʼahˬ-ahˇ uˆ lahˇ-eu aˬ yuiꞈ aˬ tsu deuˬ Yeˬluˇsaˬlehˬ meuˬ-ahˇ jawˇ-euˬ meh. Miˇ kʼahˬ zaˬ deuˬ laꞈ kʼoeˇ, muiˬ-eu shawˇ-eu Yeˬluˇsaˬlehˬ meuˬ-ahˇ bi jawˇ-eu gʼaˇ duˬ tseˇ zawꞈ-ahˇ tiˬ zawꞈ mehˇ beuˬ-awˇ tseˇ doˆ-euˬ meh. Kʼaˇ dzeˇ laˇ-euˬ deuˬ dawˬ tawˆ luꞈ meuˬ nui deuˬ-ahˇ jawˇ-euˬ meh.

Neˬhaˬmiˇ 11:2

Yeˬluˇsaˬlehˬ meuˬ-ahˇ jawˇ leˇ-eu gʼaˇ duˬ yawˬ haˇ yawˬ ha nui ma keuˆ-awˇ noeˬ tsehˆ-eu tsawˇ haˬ deuˬ-ahˇ, miˇ kʼahˬ zaˬ deuˬ ja ceuˬ-euˬ meh.

Iˇsaˬtaˆ 4:8

Yuˇdaˆ tsawˇ haˬ deuˬ-ahˇ sehꞈ-awˬ lehˇ dawˬ biꞈ-awˇ, Suˇsaˬ meuˬ-ahˇ pyehˬ taˬ-euˬ sahˬ boꞈ tiˬ taꞈ Haˬtehˆ-ahˇ aˬ yawꞈ mehˬ nehˬ-euˬ meh. Sahˬ boꞈ kʼoeˇ taꞈ Iˇsaˬtaˆ jawˇ gaˇ yuˇ gʼeh nehˬ-awˇ, kʼaˇ pyeuꞈ laˇ-euˬ gaˇ kawˆ dawˬ tawˆ luꞈ dzawˇ mehˬ nehˬ-awˇ, aˬ yawꞈ-euˬ tsawˇ jeuˬ-ahˇ maˬ sehꞈ ni gʼawˬ shaˬ bi gaˬ nehˬ-eu gʼaˇ duˬ sahˬ paˬ-ahˇ shaˇ ju-iˇ-awˬ lehˇ Iˇsaˬtaˆ-ahˇ shaˇ leˇ-eu gʼaˇ duˬ, Haˬtehˆ-ahˇ Mawˬdaˬkehˇ ehˇ nehˬ-euˬ meh.

Jaceuq 51:18

Miˬyehˇ-oˇ, Ziˇoˬ gawˬ jawˬ-ahˇ gʼawˬ shaˬ gaˬ-awˇ ngehˬ gʼeh nehˬ-awˬ. Yeˬluˇsaˬlehˬ meuˬ-euˬ meuˬ lahˇ laˆ muiˬ nehˬ-awˬ.

Iˇsaˬyaˇ 62:7

Yeˬluˇsaˬlehˬ meuˬ-ahˇ aˬ yawꞈ paˇ laˆ ziꞈ-awˇ, miˇ tsaˬ dawˬ tawˆ luꞈ ya ja ceuˬ-eu meuˬ maˬ bi pyeuꞈ laˇ kʼoeˇ keuˆ, aˬ yawꞈ maꞈ aˬ yawꞈ-ahˇ gʼaˬ naˬ maˬ bi naˬ-a.

Iˇsaˬyaˇ 66:10

Yeˬluˇsaˬlehˬ meuˬ-ahˇ kʼaˇ gaˬ-eu tsawˇ haˬ deuˬ, Yeˬluˇsaˬlehˬ meuˬ nehˬ-ehˇ laˬ kʼaˬ caw cehˇ-awˇ, aˬ yawꞈ gʼaˇ duˬ nui kʼahˇ shiˇ-awˬ. Yeˬluˇsaˬlehˬ gʼaˇ duˬ tsawˇ ngoeˇ ngoeˇ-euˬ deuˬ, nymˬ-mˇ aˬ yawꞈ nehˬ-ehˇ laˬ kʼaˬ cehˇ-awˬ.

Yeˬlaˬmiˇ 29:7

Ngaˬ neh naw maꞈ-ahˇ bi nyehꞈ gʼeh-awˇ, naw maꞈ-ahˇ bi jawˇ-euˬ meuˬ kʼoeˇ deuˬ muiˬ laˇ jaˬ laˇ ni leh jeh-awˬ. Aˬ yawꞈ maꞈ gʼaˇ duˬ ngaˬ-ahˇ guiˬ lahˬ shaˇ-awˬ. Aˬ jeˬ miˇ neh ehˇ naˇ, aˬ yawꞈ maꞈ baw le za le naˇ, naw maꞈ kʼawꞈ baw le za le tehꞈ-a.

Yeˬlaˬmiˇ 51:50

Baˬbuˇloˬ miˇ kʼahˬ laꞈ kʼoeˇ jawˇ-eu aˬ yawꞈ-euˬ tsawˇ haˬ deuˬ-ahˇ, Sahˬpaˬ Miˬyehˇ heu loꞈ-ehˇ ehˇ-eu meh. “Shiˇ-eu jeˬ-ahˇ naw maꞈ dzeuˇ-iˇ-euˬ meh. Maˬ nyi naˬ ni nymˬ-mˇ doˆ-iˇ-awˬ. Naw maꞈ gaˇ mahˇ kaˬ gaˇ jawˇ luꞈ kʼawꞈ, naw maꞈ-euˬ Sahˬpaˬ Miˬyehˇ pyeuꞈ-eu ngaˬ-ahˇ noeˬ mawˇ-awˇ, Yeˬluˇsaˬlehˬ meuˬ-ahˇ taˬ ngehˇ,

Bawˇtsahˬ 24:9

Iˇsaˬleˬlaˆ tsawˇ jeuˬ-aˬ, aˇ laˬ jaˬ shiˇ-ahˇ duˇ-eu meh. Aˬ yawꞈ yuꞈ kʼaˆ luꞈ ngeh tiˬ gʼaˬ-iˬ maˬ laˆ noeˬ peuˬ-a. Iˇsaˬleˬlaˆ-ahˇ dawˬ kʼaˇ ngehˬ gʼeh nehˬ-eu tsawˇ haˬ guiˬ lahˬ za-awˇ, Iˇsaˬleˬlaˆ-ahˇ yaˬ kʼehˇ kʼaˇ yaˬ-eu tsawˇ haˬ-aˬ, yaˬ kʼehˇ yaˬ gaˇ ya daˬ tehꞈ-a”

Yoˇhaˬ 17:21

Aˬ yawꞈ maꞈ dawˬ tawˆ luꞈ nui ma tiˬ siˬ tehꞈ-ehˇ taˬ nya laˇ ni ngaˇ guiˬ lahˬ shaˇ-eu ma. Aˬda-oˇ, ngaˬ-euˬ laꞈ kʼoeˇ nawˇ jawˇ-awˇ, nawˬ-euˬ laꞈ kʼoeˇ ngaˇ jawˇ-eu loꞈ-ehˇ, aˬ yawꞈ maꞈ aˇ nyaꞈ Da zaˬ-euˬ laꞈ kʼoeˇ jawˇ luꞈ-uˇ. Nawˬ neh ngaˬ-ahˇ kʼehˇ gʼeh leꞈ-euˬ meh lehˇ miˇ tsaˬ zaˬ deuˬ jah laˇ ni, aˬ yawꞈ maꞈ nui ma tiˬ siˬ tehꞈ-ehˇ taˬ luꞈ-uˇ.

Eˇpeˇsu 4:3

Naw maꞈ-ahˇ tsaˬ leˇ dzoeˇ leˇ-eu jeˬ neh gahˇ dzahˬ-eu laꞈ kʼoeˇ, Yaw sahˇ Miˬyehˇ neh biꞈ-euˬ nui ma tiˬ siˬ tehꞈ-ehˇ taˬ-eu jeˬ-ahˇ kʼaˇ gʼeh nya-eu loꞈ-ehˇ jeˬ hmˬ geuꞈ-awˬ.

2 Teˇsaˬloˇni 3:16

Aˬ dui-ahˇ nui saˇ oꞈ-eu jeˬ biꞈ nehˬ laꞈ-eu gʼaˬ pyeuꞈ-eu Sahˬpaˬ Yeˬsuˇ-aˬ, naw maꞈ kʼoeˇ taˆ aˬ geu ngeh yamˬ-ahˇ maˬ kaˬ, aˬ geu jeˬ keuˆ le-eu maˬ kaˬ, nui saˇ oꞈ-eu jeˬ biꞈ luꞈ-uˇ. Naw maꞈ dawˬ tawˆ luꞈ nehˬ-ehˇ Sahˬpaˬ Yeˬsuˇ jawˇ luꞈ-uˇ.

1 Yoˇhaˬ 3:14

Aˬ dui-aˬ, shiˇ-eu jeˬ laꞈ kʼoeˇ neh doˆ dzeuˇ laˇ-awˇ, dehꞈ-eu jeˬ laꞈ kʼoeˇ uˇ keuˆ laˇ taˬ-euˬ ma lehˇ siˬ nya-eu ma. Aˬ dui Ka li zaˬ cawˬ cawˬ gaˬ luꞈ-eu miˇ neh, kʼoeˇ loꞈ-ehˇ ehˇ tsehˆ nya-eu ma. Gʼoeˇ-eu gaˬ-eu jeˬ maˬ ahˇ-eu tsawˇ haˬ-aˬ, shiˇ-eu jeˬ-euˬ baoˬ uˬ moˆ jawˇ luꞈ-a siˬ.

1 Saˬmeuˬlaˆ 12:23

Ngaˇ tehꞈ law nmˇ-aˬ, naw maꞈ gʼaˇ duˬ guiˬ lahˬ maˬ shaˇ ni jawˇ-eu baˬ da neh ngaˬ-euˬ kʼoeˇ taˆ iˬ baˇ maˬ ya jaˆ laˇ ni yahˇ-eu gʼaˇ duˬ, Sahˬpaˬ Miˬyehˇ ngaˬ-ahˇ ehˇ nehˬ laꞈ gʼaˬ-euˬ meh. Yaw muiˬ jeˬ hawˇ-eu yaw tsaˬ yawˬ dawˇ jeˬ-ahˇ naw maꞈ mˇ ni, ngaˇ mehˬ luꞈ tsoˆ luꞈ-eu ma.