Jaceuq 122:5 - Akha

⁵ Iˇsaˬleˬlaˆ sahˬ paˬ deuˬ heu gaˇ nuiˇ-awˇ, aˬ yawꞈ-euˬ tsawˇ haˬ deuˬ-ahˇ yaˇ kʼaˬ daˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqjeq mirnae aernar-aq, Yarkhaq dar-eu nuirmanq pyeuf-eu Daqbir-euq nymrkhanq-euq nuirmanq khoergar jav-eu mae.

Jaceuq 122:5 Iomraidhean Croise

2 Saˬmeuˬlaˆ 8:18

Yeˬhawˇyaˬdaˬ-euˬ aˬ li Baˬnaˇyaˬ gʼaˬ-aˬ, Daˬbiˇ-ahˇ loꞈ piˇ-eu guiˇ maꞈ kʼoeˇ taˆ aˬ yuiꞈ geuꞈ-awˇ, Daˬbiˇ-euˬ aˬ li deuˬ-aˬ, piˇ ma geuꞈ-euˬ meh.

1 Sahˬpaˬ 7:7

Yaˇ kʼaˬ daˇ-eu aˇ lawˆ lehˇ kuˇ-eu, sahˬ paˬ-euˬ nuiˇ mahˬ ciˬ taˬ-euˬ aˇ lawˆ tiˬ lawˆ aˬ yawꞈ tsoˆ-euˬ meh. Aˇ lawˆ kʼoeˇ-aˬ, aˬ yawꞈ yaˇ kʼaˬ daˇ-euˬ aˇ lawˆ pyeuꞈ-awˇ, aˇ lawˆ lawˆ lah-ehˇ shuˬ liˇ teˇ byaꞈ taw-awˇ, kʼoeˇ taˆ paw kʼawꞈ, shuˬ liˇ teˇ byaꞈ diˬ gʼoeˬ taˬ-euˬ meh.

2 Laˬsaˬbaˬ 11:22

Aˬ yawꞈ-euˬ zaˬ dawˬ tawˆ luꞈ kʼoeˇ taˆ, Mawˇkah-euˬ aˬ li Aˬbiˇyaˬ-ahˇ aˬ yawꞈ gaˬ dzehˬ-awˇ, aˬ yawꞈ-euˬ dah zaˇ sahˬ paˬ bi geuꞈ-eu gʼaˇ duˬ tseˇ doˆ-euˬ meh.

2 Laˬsaˬbaˬ 19:8

Yeˬluˇsaˬlehˬ meuˬ laꞈ kʼoeˇ kʼawꞈ, Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ mˇ bahˬ-euˬ jeˬ doˆ laˇ ngeh maˬ ehˇ, meuˬ laꞈ kʼoeˇ jawˇ-eu tsawˇ haˬ deuˬ tiˬ gʼaˬ tiˇ gʼaˬ ja dzaˬ-eu jeˬ doˆ laˇ ngeh maˬ ehˇ, yaˇ kʼaˬ daˇ-eu gʼaˇ duˬ, Leˬbiˇ tsawˇ haˬ deuˬ, piˇ ma deuˬ hawˇ-eu, aˬ yuiꞈ aˬ tsu geuꞈ luꞈ-eu miˇ kʼahˬ zaˬ tiˬ paˆ na deuˬ-ahˇ Yeˬhawˇshaˬpaˇ tseˇ doˆ-euˬ meh.

Dawˬmehˬ 17:18

Aˬ yawꞈ sahˬ paˬ pyeuꞈ laˇ ngeh, Leˬbiˇ tsawˇ jeuˬ piˇ ma deuˬ jeˬ hmˬ taˬ-euˬ Miˬyehˇ-euˬ zahˇ dawˬ kʼoꞈ dawˬ hawˇ-eu mehˬ-euˬ tsoˆ-euˬ jeˬ boꞈ ahˇ taˬ-euˬ sahˬ boꞈ paˇ dmˬ laꞈ kʼoeˇ kʼaˇ boꞈ taˬ-euˬ jeˬ dawˬ tawˆ luꞈ, aˬ yawꞈ yaw oeˇ-ahˇ duˇ ni paˇ boꞈ ahˇ taˬ-euˬ sahˬ boꞈ paˇ dmˬ tiˬ dmˬ aˬ yawꞈ jawˇ gaˇ ya bi jaˆ meh.

Dawˬmehˬ 17:8

“Jeˬ biˇ-ahˇ taꞈ leˇ-eu gaˇ kawˆ, laˆ tahˬ laˆ naˇ-euˬ gaˇ kawˆ, tsawˇ haˬ-ahˇ sehꞈ-euˬ hawˇ-eu laˆ tahˬ-awˇ bi shiˇ-euˬ heu nyiˬ jeˬ aˬ joˆ-ehˇ ya tseˇ paˆ-eu gaˇ kawˆ, kʼoeˇ loꞈ-ehˇ gʼeh-eu shaˬ-eu gaˇ kawˆ deuˬ doˆ laˇ ngeh, naw maꞈ nehˬ-ehˇ jawˇ luꞈ-eu yaˇ kʼaˬ daˇ-eu deuˬ gʼaˇ duˬ jahˇ tsehˆ-eu yaw shaˬ meh. Kʼoeˇ loꞈ-ehˇ gʼeh-eu gaˇkawˆ doˆ laˇ ngeh, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh tseˇ doˆ taˬ-euˬ uˬ duˬ tahˬ-eu jawˇ duˬ kʼoeˇ tsahˇ-ahˇ le-awˬ.