Jaceuq 12:6 - Akha

⁶ SahˬpaˬMiˬyehˇ-euˬsaˇjaˇ-aˬ, shiꞈpoˆbaw guiˇ-euˬpyuˇloꞈ-ehˇ, maˇjawˆni gʼeh-eu saˇjaˇmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Ya’we Miqyaer-euq dawq-aq, Mirtsaq-euq miqdzaq tsawqbym-anr shif pov byan’ni shawr-euq pyur lof-aer shawr-eu dawq mae.

Jaceuq 12:6 Iomraidhean Croise

2 Saˬmeuˬlaˆ 22:31

Miˬyehˇ heu gʼaˬ kuiˇ zaˇ laꞈ zaˇ, byah dui muiˬ dui kuꞈ dui dui meh. Sahˬpaˬ Miˬyehˇ-euˬ saˇ jaˇ-aˬ, maˬ poˆ maˬ paˇ ni ziꞈ-eu meh. Aˬ yawꞈ-ahˇ gʼoe-eu deuˬ gʼaˇ duˬ, dehˬ daˬ duˬ loꞈ-ehˇ ziꞈ-eu meh.

Yawˇbaˆ 20:19

Aˬ jeˬ miˇ neh ehˇ naˇ, shaˬ-eu tsawˇ haˬ deuˬ-ahˇ aˬ yawꞈ kʼaˆ dzaˬ-awˇ byehˇ dzeh nehˬ-euˬ uˬ taꞈ, aˬ cawˬ neh tsoˆ taˬ-eu nymˇ-ahˇ kʼaˆ geuꞈ-euˬ meh.

Yawˇbaˆ 28:1

Pyuˇ duˬ-eu duˬ kʼahˬ deuˬ jaˆ-awˇ, shuiˇ baw guiˇ-awˇ laˆ shawˇ-eu jawˇ duˬ deuˬ jaˆ-eu meh.

Jaceuq 119:140

Nawˬ-euˬ saˇ jaˇ dawˬ tiˬ dawˬ-iˬ maˬ lehˬ ni tsaˬ-eu meh. Dawˬ kʼoeˇ deuˬ-ahˇ ngaˇ gaˬ dui dui-eu ma.

Jaceuq 18:30

Miˬyehˇheu gʼaˬmˇ-euˬgaˇdeuˬ, aˇnaˆni muiˬ-eu byah-eu nga. Yawꞈneh biꞈ-euˬsaˇjaˇdawˬdeuˬ, jah dui dui paˬ-ehˇgʼeh-eu meh. Yawꞈ-ahˇtahˬshaˇleˇ-eu deuˬ-ahˇ, tahˬpiˇnehˬ-eu dehˬdaˬduˬmeh.

Jaceuq 19:8

SahˬpaˬMiˬyehˇ-euˬ zahˇkʼoꞈ-aˬ, tsaˬ-eu dawˇ-eu zahˇkʼoꞈpyeuꞈ-awˇ, naˇhaˬgeuꞈ-eu tsawˇhaˬdeuˬ-ahˇ, laˬkʼaˬcehˇ-eu jeˬ biꞈ-eu meh. SahˬpaˬMiˬyehˇbiꞈ-euˬdawˬ-aˬ, shawˇjehˆni gʼeh-eu dawˬpyeuꞈ-awˇ, myaˆnuiˆbi mawˇshawˇlaˇ-eu meh.

Jaceuq 66:10

Miˬyehˇ-oˇ, nga maꞈ-ahˇ nawˇ lawˬ haw-euˬ meh. Pyuˇ-ahˇ miˬ dzaˬ neh lawˬ haw-eu loꞈ-ehˇ lawˬ haw nehˬ laꞈ-euˬ meh.

Jaceuq 76:10

Tsawˇ haˬ zaˬ-euˬ nui pehˇ-aˬ, nawˬ-ahˇ ja ceuˬ-eu gaˇ kawˆ bi doˆ laˇ-eu tehꞈ meh. Guiˇ deuˆ gaˇ maˬ ya shiˇ-ehˇ dzeuˇ-iˇ-euˬ deuˬ, nawˬ-ahˇ ja ceuˬ-eu bawˬ-iˬ gʼeh tehꞈ-a.

Jaceuq 9:13

Sahˬpaˬ Miˬyehˇ-oˇ, ngaˬ-ahˇgʼawˬshaˬgaˬnehˬlaꞈ-awˬ. Muiˇ-eu deuˬkʼehˬlaꞈgaˇmawˇ-awˬ. Shiˇ-eu miˇkʼahˬlaˇgʼoˆ-ahˇneh, ngaˬ-ahˇciˬkʼoꞈdoˆnehˬlaꞈ-awˬ.

Doˆ-iˇ 3:7

Kʼoeˇ naˇ, Miˬyehˇ ehˇ-eu, “Iˇjiˇtuˆ miˇ kʼahˬ laꞈ kʼoeˇ, ngaˬ-euˬ tsawˇ haˬ deuˬ-ahˇ aˬ cawˬ aˇ naˆ ni kʼehˬ nehˬ kʼaˆ nehˬ luꞈ-eu ngaˇ ya mawˇ gʼaˬ-euˬ ma. Aˬ yawꞈ maꞈ-ahˇ kʼehˬ luꞈ-eu, zaˬ kʼaˆ-ahˇ gaˇ bi mˇ-eu tsawˇ haˬ deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ka kʼoꞈ nehˬ laꞈ-awˬ lehˇ ngoeˇ luꞈ-eu teˇ saˇ-ahˇ ngaˇ ya gaˬ gʼaˬ-euˬ ma. Aˬ yawꞈ maꞈ ya daˬ luꞈ-eu jeˬ dawˬ tawˆ luꞈ, ngaˇ siˬ luꞈ mawˇ luꞈ ma.

Doˆ-iˇ 3:8

Kʼoeˇ miˇ neh, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ-awˇ, Kaˬnaˬ tsawˇ jeuˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ heu deuˬ jawˇ luꞈ-eu miˇ tsaˬ miˇ muiˬ muiˬ dui dui-awˇ baw le za le-eu, byaˬ byaˬ uiˇ hawˇ-eu mawˇ neˇ aˬ coeˇ maˬ tsehˆ-iˇ ni yoeˇ luꞈ-eu jeˇ lo ni gʼeh-eu miˇ kʼahˬ-ahˇ, aˬ yawꞈ maꞈ-ahˇ sheuˬ doˆ gʼeh-eu gʼaˇ duˬ, ngaˇ zaꞈ ka le-euˬ ma.

Doˆ-iˇ 6:1

Kʼoeˇ ngeh, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Sahˬ paˬ kʼoeˇ gʼaˬ-ahˇ ngaˇ aˬ joˆ-ehˇ jahˇ nehˬ-eu lehˇ gʼeh-eu gaˇ kawˆ, nymˬ-mˇ nawˇ ya mawˇ tehꞈ-a. Ngaˬ-euˬ tsawˇ haˬ-ahˇ maˬ pyehˬ nehˬ-ehˇ maˬ jawˇ tehˬ coeˇ ngeh keuˆ ni aˬ yawꞈ-ahˇ ngaˇ jahˇ nehˬ ma. Aˬ diˇ aˬ maˇ, aˬ yawꞈ maꞈ-ahˇ miˇ kʼahˬ heu kʼahˬ laꞈ kʼoeˇ neh ya teh doˆ gaˇ keuˆ ni, aˬ yawꞈ-ahˇ ngaˇ jahˇ nehˬ ma.”

Dawqdaq 22:23

Sahˬpaˬ Miˬyehˇ aˬ yawꞈ maꞈ jawˇ paw pyawˬ-awˇ, aˬ yawꞈ maꞈ-ahˇ laˆ shaˬ-eu tsawˇ haˬ uˬ kʼawˇ deuˬ ni jahˇ kʼoꞈ nehˬ tehꞈ-a. -2-

Dawqdaq 30:5

Miˬyehˇ neh saˇ jaˇ kʼaˇ dzaˬ taˬ-euˬ yawˬ jeˬ na luꞈ ziꞈ-eu meh. Aˬ yawꞈ-ahˇ kʼaˇ gʼoe-eu tsawˇ haˬ deuˬ-ahˇ aˬ yawꞈ yaw muiˬ paˬ-ehˇ haw piˇ-eu meh.

Iˇsaˬyaˇ 14:22

Baoˬ huiˬ-eu Sahˬpaˬ Miˬyehˇ ehˇ-eu, “Baˬbuˇloˬ meuˬ-ahˇ ngaˇ guiˇ deuˆ-awˇ, laˆ luˬ laˆ seˇ nehˬ ma. Zaˬ yaw nyiˇ tiˬ gʼaˬ-ahˇ keuˆ ni maˬ taˬ nehˬ-ehˇ, tiˬ gʼaˬ-iˬ maˬ bi dzeuˇ-iˇ-eu uˬ taꞈ, mˇ myawˬ tiˬ hmˬ-iˬ maˬ bi dzeˇ yaꞈ ni laˆ cawˆ nehˬ-awˇ, tsawˇ myahˇ bi byoˆ-iˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Iˇsaˬyaˇ 33:10

Sahˬpaˬ Miˬyehˇ ehˇ-eu, “Nymˬ-mˇ ngaˇ tuˇ laˇ-awˇ, Ngaˇ aˇ naˆ ni baoˬ huiˬ-eu bi mawˇ ma.