Jaceuq 119:97 - Akha

⁹⁷ Nawˬ-euˬ zahˇ dawˬ kʼoꞈ dawˬ-ahˇ ngaˇ aˇ naˆ ni gaˬ-eu nga. Nah ga-ehˇ zahˇ dawˬ kʼoꞈ dawˬ-ahˇ shaˇ noeˬ luꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹⁷ Or-oq, ngar, nawq-euq zanrdawq-anr arnavni gaq-eu nga! Nan’ga-i ngar, nawq-euq zanrdawq-anr dzardziv dziv-eu ma.

Jaceuq 119:97 Iomraidhean Croise

Jaceuq 1:2

SahˬpaˬMiˬyehˇ-euˬ Zahˇdawˬ-ahˇ, naˇhaˬgeuꞈgaˇ laˬkʼaˬcehˇ-awˇ, uˬciꞈnah gʼahˇ maˬtsehˆleˇni, Zahˇdawˬ dzaw geuꞈ-eu baˬda neh,

Jaceuq 119:113

Nawˬ-ahˇ yaw muiˬ paˬ-ehˇ saˇ jaˇ maˬ ziꞈ-eu deuˬ-ahˇ ngaˇ bye kʼawꞈ, nawˬ-euˬ zahˇ dawˬ kʼoꞈ dawˬ-ahˇ ngaˇ gaˬ-eu ma.

Jaceuq 119:127

Shuiˇ naˆ maˬ tseˇ nawˬ-euˬ zahˇ dawˬ kʼoꞈ dawˬ-ahˇ ngaˇ gaˬ-eu ma. Muiˬ dui dui-eu shuiˇ naˆ maˬ tseˇ gaˬ-euˬ ma.

Jaceuq 119:15

Nawˇ mehˬ-eu tsoˆ-eu dawˬ-ahˇ ngaˇ dzaw geuꞈ-awˇ, nawˬ-euˬ gaˇ ma-ahˇ ngaˇ shaˇ sawˇ ma.

Jaceuq 119:159

Nawˬ neh mehˬ nehˬ tsoˆ nehˬ-euˬ dawˬ-ahˇ ngaˇ aˇ naˆ ni gaˬ-eu nga lehˇ haw sheˇ. Nawˬ-euˬ gʼoeˇ-eu gaˬ-eu jeˬ maˬ paˇ laˇ-eu miˇ neh, ngaˬ-ahˇ ka kʼoꞈ nehˬ laꞈ.

Jaceuq 119:165

Nawˬ-euˬ zahˇ dawˬ kʼoꞈ dawˬ-ahˇ gaˬ-eu deuˬ guˆ kʼaˇ maˬ za-ehˇ, aˬ yawꞈ maꞈ coˬ-iˇ ni maˬ jahˇ nya-a.

Jaceuq 119:167

Nawˬ neh mehˬ nehˬ tsoˆ nehˬ laꞈ-euˬ dawˬ-ahˇ ngaˇ naˇ haˬ-awˇ, nui ma laꞈ kʼoeˇ keuˆ ni dawˬ kʼoeˇ deuˬ-ahˇ gaˬ-eu ma.

Jaceuq 119:47

Nawˬ-euˬ zahˇ dawˬ kʼoꞈ dawˬ-ahˇ ngaˇ gaˬ-eu miˇ neh, kʼoeˇ-euˬ laꞈ kʼoeˇ ngaˇ laˬ kʼaˬ cehˇ-eu ma.

Jaceuq 119:48

Nawˬ-euˬ zahˇ dawˬ kʼoꞈ dawˬ-ahˇ ngaˇ gaˬ-awˇ yaw zeu baw ma. Nawˇ mehˬ-eu tsoˆ-eu dawˬ-ahˇ ngaˇ gʼaˬ shaˇ ma.

Dawqdaq 18:1

Aˬ cawˬ-ahˇ maˬ dehꞈ tsaˬ nya-eu tsawˇ haˬ, yawˬ ha nui noeˬ tehꞈ-ehˇ geuꞈ-awˇ, aˬ cawˬ-euˬ dawˬ maˬ geuꞈ-a.

Dawqdaq 2:10

Nawˬ-euˬ nui ma laꞈ kʼoeˇ zaˬ siˬ tsawˇ gahˇ ahˇ le-awˇ, nawˬ-ahˇ laˬ kʼaˬ bi cehˇ laˇ tehꞈ-a.

Dawˬmehˬ 17:19

Sahˬpaˬ Miˬyehˇ-ahˇ taˬ huiˬ taˬ mahˇ nya laˇ-awˇ, kʼoeˇ gaˇ kʼaˇ boꞈ taˬ-euˬ zahˇ dawˬ kʼoꞈ dawˬ deuˬ-ahˇ saˇ jaˇ ziꞈ-eu laꞈ kʼoeˇ caw teh nya laˇ ni, sahˬ boꞈ paˇ dmˬ kʼoeˇ aˬ yawꞈ dawˬ peh bi jaˆ-awˇ, ziˇ jiˇ leˇ ngeh keuˆ ni ya gui meh.

Yawˇshuˆ 1:8

Nawˇ uˬ duˬ kʼaˇ tahˬ ngeh, Zahˇ dawˬ kʼoꞈ dawˬ sahˬ boꞈ-ahˇ maˬ ngehˇ ni gui-awˬ. Uˬ ciꞈ nah gʼahˇ maˬ ehˇ, maˬ byehˇ ni gui-eu laꞈ kʼoeˇ, kʼoeˇ gaˇ kʼaˇ boꞈ taˬ-euˬ yawˬ jeˬ na luꞈ-ahˇ naˇ haˬ geuꞈ-awˬ. Kʼoeˇ loꞈ-ehˇ jahˇ naˇ, nawˇ baw le za le-awˇ, mˇ-eu shaˇ-eu yawˬ jeˬ na luꞈ laꞈ kʼoeˇ, guiˬ lahˬ baw tehꞈ-a.