Jaceuq 119:73 - Akha

⁷³ Nawˇ ngaˬ-ahˇ beh-awˇ haw piˇ nehˬ laꞈ-euˬ meh. Nawˬ-euˬ zahˇ dawˬ kʼoꞈ dawˬ deuˬ-ahˇ ngaˇ dzaw geuꞈ nya ni, noeˬ siˬ noeˬ mawˇ nya-eu jeˬ biꞈ nehˬ laꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷³ Nawq-euq aqlaf nae, ngaq-anr bae-awr taevmuiq naeqlaf-euq mae. Ngar, nawq-euq zanrdawq khofdawq-anr dzawgeuf nya’ni, ngaq-anr ghovshaw nya-eu jeq bifnaeq laf-awq.

Jaceuq 119:73 Iomraidhean Croise

1 Laˬsaˬbaˬ 22:12

Aˬ yawꞈ-euˬ zahˇ dawˬ kʼoꞈ dawˬ-ahˇ tsaˬ ni Iˇsaˬleˬlaˆ miˇ kʼahˬ-ahˇ nawˇ uˆ lahˇ nya-eu gʼaˇ duˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ, noeˬ siˬ noeˬ mawˇ nya-eu tsawˇ gahˇ hawˇ-eu, zaˬ siˬ tsawˇ gahˇ biꞈ luꞈ-uˇ.

2 Laˬsaˬbaˬ 2:12

Mˬ hawˇ-eu miˇ-ahˇ beh-euˬ Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Noeˬ siˬ noeˬ mawˇ nya-eu jeˬ hawˇ-eu mˇ nya shaˇ nya-eu jeˬ tiˬ byah ni ahˇ-eu gʼaˬ pyeuꞈ-awˇ, Sahˬpaˬ Miˬyehˇ-euˬ uˬ duˬ tahˬ nymˇ hawˇ-eu, yawˬ ha jawˇ-eu gʼaˇ duˬ sahˬ paˬ-euˬ hawˇ nymˇ tsoˆ-eu lehˇ lehˬ hmˬ luꞈ-eu tsawˇ gahˇ ahˇ dui dui-eu aˬ li tiˬ li, Daˬbiˇ-ahˇ Miˬyehˇ biꞈ nehˬ-euˬ meh.

Yawˇbaˆ 31:15

Ngaˬ-ahˇ beh-euˬ Miˬyehˇ hawˇ-eu ngaˬ-euˬ zaˬ kʼaˆ-ahˇ beh-euˬ Miˬyehˇ aˬ yawꞈ tiˬ gʼaˬ meh.

Yawˇbaˆ 32:8

Ehˇ kʼawꞈ, tsawˇ haˬ -ahˇ tsawˇ gahˇ biꞈ-eu gʼaˬ-aˬ, Baoˬ huiˬ-euˬ Miˬyehˇ-euˬ yaw sahˇ meh.

Jaceuq 100:3

Sahˬpaˬ Miˬyehˇ-aˬ, Miˬyehˇ meh lehˇ noeˬ siˬ-awˬ. Aˬ yawꞈ aˬ dui-ahˇ beh-awˇ, aˬ dui aˬ yawꞈ-euˬ ma. Aˬ dui aˬ yawꞈ-euˬ tsawˇ haˬ pyeuꞈ-awˇ, aˬ yawꞈ-euˬ yawˇ yawˇ maꞈ pyeuꞈ-eu ma.

Jaceuq 111:10

Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ-euˬ dawˬ pehˬ duˬ puˇ meh. Aˬ yawꞈ-euˬ dawˬ-ahˇ naˇ haˬ-eu deuˬ-ahˇ, aˬ yawꞈ yaw muiˬ-ehˇ mehˬ nehˬ tsoˆ nehˬ-eu meh. Mˬ maˬ maˬ byaˆ zaˇ ziˇ aˬ yawꞈ-ahˇ ja ceuˬ-eu tsaˬ meh.

Jaceuq 119:125

Ngaˇ-aˬ, nawˬ-euˬ zaˬ kʼaˆ pyeuꞈ-eu ma. Nawˬ neh mehˬ nehˬ tsoˆ nehˬ-euˬ jeˬ-ahˇ ngaˇ gʼoˆ shaw nya ni, noeˬ siˬ noeˬ mawˇ nya-eu jeˬ biꞈ nehˬ laꞈ.

Jaceuq 119:144

Nawˬ neh mehˬ nehˬ laꞈ-euˬ dawˬ aˬ myah luꞈ tsaˬ-eu meh. Ngaˇ yaw dehꞈ ya dehꞈ ni noeˬ siˬ noeˬ mawˇ nya-eu jeˬ biꞈ nehˬ laꞈ.

Jaceuq 119:169

Sahˬpaˬ Miˬyehˇ-oˇ, ngaˬ-euˬ shaˇ dawˬ nawˇ jawˇ gaˇ bi le keuˆ laꞈ. Nawˬ neh saˇ jaˇ dzaˬ taˬ-euˬ loꞈ-ehˇ, noeˬ siˬ noeˬ mawˇ nya-eu jeˬ biꞈ nehˬ laꞈ.

Jaceuq 119:34

Nawˬ-euˬ zahˇ dawˬ kʼoꞈ dawˬ-ahˇ ngaˇ caw teh-awˇ, nui ma gʼawˇ mawˇ laꞈ kʼoeˇ juiˇ taˬ nya-eu gʼaˇ duˬ, ngaˇ gʼoˆ shaw nya ni mehˬ nehˬ laꞈ.

Jaceuq 138:8

Sahˬpaˬ Miˬyehˇ-oˇ, nawˬ neh saˇ jaˇ kʼaˇ dzaˬ taˬ-euˬ jeˬ-ahˇ nawˇ mˇ byah tehꞈ-a. Nawˬ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh. Nawˬ neh dahˬ beh-euˬ jeˬ maˬ mˇ byah ni taˬ byehˇ nehˬ laꞈ.

Jaceuq 95:6

Laˇ-awˬ. Aˬ dui dawˬ tawˆ luꞈ awˆ byaˆ-awˇ, aˬ yawꞈ-ahˇ uˬ duˬ tahˬ kaˇ-euˇ. Aˬ dui-ahˇ beh-euˬ yaw sahˇ Sahˬpaˬ Miˬyehˇ mehˬ shi, pawˬ tsuiꞈ pawˬ dmˬ dmˬ kaˇ-euˇ.

2 Tiˆmoˇseˬ 2:7

Ngaˇ ehˇ luꞈ-eu gaˇ kawˆ heu deuˬ-ahˇ yaw muiˬ paˬ-ehˇ shaˇ sawˇ haw-awˬ. Aˬ jeˬ miˇ neh ehˇ naˇ, kʼoeˇ deuˬ dawˬ tawˆ luꞈ-ahˇ nawˇ gʼoˆ shaw nya ni, Sahˬpaˬ Yeˬsuˇ caw ba tehꞈ-a.

Yaˬkoˆ 3:18

Tsaˬ leˇ dzoeˇ leˇ ni mˇ-eu tsawˇ haˬ deuˬ neh tsaˬ leˇ dzoeˇ leˇ-eu siˬ yoeˬ sehˬ-euˬ gaˇ, yaw tsaˬ yaw dawˇ jeˬ ya yehˬ-eu meh.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.