Jaceuq 119:53 - Akha

⁵³ Haiˬ-eu tsawˇ haˬ deuˬ nawˬ-euˬ zahˇ dawˬ kʼoꞈ dawˬ-ahˇ puiˬ ngeh, ngaˇ nui ma maˬ saˇ nya.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵³ Tsawrcawv deuq, nawq-euq zanrdawq-anr byaerdzae-eu mirnae, Nuima paer duidui-eu jeq, ngaq-anr uvlanr le-euq mir-a.

Jaceuq 119:53 Iomraidhean Croise

Eˇzaˬlaˬ 10:6

Kʼoeˇ naˇ, Uˬ duˬ tahˬ nymˇ nymˇ ma mehˬ shi neh aˬ yawꞈ doˆ-iˇ-awˇ, Eˇlaˬshiˆ-euˬ aˬ li Yeˬhawˇhaˬnaˬ-euˬ nymˇ-ahˇ iˇ-awˇ, Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ deuˬ saˇ jaˇ maˬ jawˇ-eu gaˇ kawˆ ahˇ noeˬ shaˬ-eu laꞈ kʼoeˇ, tiˬ jeˬ-iˬ maˬ dzaˬ maˬ dawˇ ni uˬ ciꞈ ngoeˇ bya-euˬ meh.

Eˇzaˬlaˬ 9:14

Nawˬ-euˬ zahˇ dawˬ kʼoꞈ dawˬ-ahˇ nga maꞈ yaw zeu maˬ paˇ baw-ehˇ, maˬ muiˬ maˬ jaˬ-eu tsawˇ haˬ heu deuˬ-ahˇ nga maꞈ paˇ sheuˬ dahˬ dzaˬ taꞈ kʼmˬ tehꞈ-a loˇ. Nga maꞈ kʼoeˇ loꞈ-ehˇ jahˇ naˇ, nawˇ nui ma pehˇ dui dui-eu laꞈ kʼoeˇ, tiˬ gʼaˬ-iˬ maˬ dehꞈ dzeuˇ nya gaˇ keuˆ ni kʼehˬ nehˬ kʼaˆ nehˬ laꞈ tehꞈ-a.

Eˇzaˬlaˬ 9:3

Gaˇ kawˆ kʼoeˇ ngaˇ ya gaˬ ngeh, nui ma cawˆ dui dui-eu laꞈ kʼoeˇ mehˬ tsoeˬ cehˬ pyaˬ-awˇ, uˬ duˬ tsehˇ kahˇ hawˇ-eu mehˬ mahˬ gʼawˇ doˆ-awˇ dzuˇ-euˬ ma.

Neˬhaˬmiˇ 13:25

Tsawˇ haˬ kʼoeˇ deuˬ-ahˇ ngaˇ dehˬ-awˇ, yaˬ kʼehˇ yaˬ-awˇ diˬ-euˬ uˬ taꞈ, uˬ duˬ tsehˇ kahˇ gʼawˇ doˆ nehˬ-euˬ ma. Kʼoeˇ naˇ, aˬ yawꞈ maꞈ maˬ ehˇ, aˬ yawꞈ maꞈ-euˬ zaˬ deuˬ maˬ ehˇ, aˬ cawˬ tsawˇ jeuˬ nehˬ-ehˇ maˬ paˇ bi sheuˬ dahˬ dzaˬ taꞈ ma lehˇ aˬ yawꞈ maꞈ-ahˇ Miˬyehˇ-euˬ tsawˇ myahˇ uˬ moꞈ saˇ jaˇ bi dzaˬ-euˬ ma.

Neˬhaˬmiˇ 5:6

Aˬ yawꞈ maꞈ kʼoeˇ loꞈ-ehˇ toˇ luꞈ gaˇ ngaˇ ya gaˬ ngeh, nui ma pehˇ dui dui-euˬ ma.

Jaceuq 119:136

Tsawˇ haˬ heu deuˬ nawˬ-euˬ zahˇ dawˬ kʼoꞈ dawˬ-ahˇ byehˇ-euˬ miˇ neh, ngaˬ-euˬ myaˆ biˇ lawˇ baˬ yoeˇ le miˇ-a.

Jaceuq 119:158

Saˇ jaˇ puiˬ-eu tsawˇ haˬ kʼoeˇ deuˬ nawˬ-euˬ dawˬ-ahˇ maˬ naˇ haˬ-eu miˇ neh, aˬ yawꞈ maꞈ-ahˇ haw-awˇ nui ma daˆ dui dui nya.

Jaceuq 89:30

Ehˇ kʼawꞈ aˬ yawꞈ-euˬ zaˬ deuˬ uˆ deuˬ ngaˬ-euˬ zahˇ dawˬ kʼoꞈ dawˬ-ahˇ maˬ caw teh-ehˇ, ngaˬ-euˬ ehˇ dawˬ maˬ naˇ haˬ ni dehꞈ naˇ,

Yeˬlaˬmiˇ 13:17

Ehˇ kʼawꞈ, naw maꞈ maˬ naˇ haˬ naˇ, naw maꞈ nui ma huiˬ-eu mahˇ-eu miˇ neh, aˬ cawˬ maˬ bi siˬ ni ngaˇ ngoeˇ kʼoeˬ ma. Sahˬpaˬ Miˬyehˇ-euˬ tsawˇ haˬ deuˬ, aˬ cawˬ neh bi nyehꞈ byoˆ gʼeh-eu miˇ neh, ngaˇ ya ngoeˇ dui dui-awˇ, myaˆ biˇ daˇ lawˇ yoeˇ le tehꞈ-a.

Daˬyeˬlaˇ 4:19

Kʼoeˇ loꞈ-ehˇ ehˇ gaˇ ya gaˬ ngeh, Beˬteˬshaˬzaˬ lehˇ kʼawꞈ kuˇ-eu Daˬyeˬlaˇ ya gaˬ ngeh, tsawˬ guˆ-iˇ-awˇ, dawˬ maˬ ngehˬ ni tiˬ kʼehˬ tsoˆ leˇ-euˬ meh. “Beˬteˬshaˬzaˬ-oˇ, yuꞈ maˆ heu-euˬ gaˇ kawˆ-ahˇ nawˇ taˬ tsawˬ guˆ-iˇ” lehˇ, sahˬ paˬ ehˇ-eu meh. Beˬteˬshaˬzaˬ ehˇ-eu, “Sahˬ paˬ-oˇ, ngaˬ-euˬ nui ma laꞈ kʼoeˇ, yuꞈ maˆ hawˇ-eu yuꞈ maˆ-euˬ dawˬ tsuiꞈ heu nawˬ-ahˇ ehˇ mawꞈ-eu jeˬ maˬ ngeuˇ-ehˇ, nawˬ-ahˇ muiˇ-eu deuˬ-ahˇ ehˇ mawꞈ-eu jeˬ pyeuꞈ law nmˇ duˇ nya.

Haˬbaˬkuˆ 3:16

Gaˇ kawˆ kʼoeˇ ngaˇ ya gaˬ gʼaˬ ngeh, gʼawˇ mawˇ mawˇ lah yaw dzuˬ dzuˬ-awˇ, mehˬ luˬ mehˬ ma shaˬ dehꞈ dehꞈ nya. Shaˬ yoeˬ shaˬ laꞈ peuˬ-iˇ jiˇ-awˇ, kuiˇ toꞈ yaˇ laˇ jiˇ-euˬ miˇ-a. Ngaˬ-ahˇ guiˇ deuˆ le-eu deuˬ-ahˇ, Miˬyehˇ kʼehˬ nehˬ-eu aˇ nah-ahˇ, ciˬ cuˇ ni ngaˇ dawˬ luꞈ-eu ma.

2 Gawˇliˬtu 12:21

Ngaˇ paˇ oe ngeh, ngaˬ-euˬ Miˬyehˇ ngaˬ-ahˇ naw maꞈ-euˬ mehˬ shi tiˬ poˆ paˇ bi shaꞈ dawˇ laꞈ-awˇ, dzeuˇ laˇ ngeh maˬ muiˬ maˬ shawˇ-eu jeˬ hawˇ-eu maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ mˇ-euˬ tsawˇ haˬ deuˬ iˬ baˇ maˬ noeˬ poˆ-ehˇ jawˇ-eu baˬ da neh ngaˇ myaˆ biˇ ya doˆ le gaˇ kʼahˬ lahˇ dui dui nya.

Piˇliˇpiˆ 3:18

Ngaˇ naw maꞈ-ahˇ gʼawˬ mya poˆ ehˇ dzeuˇ-euˬ dawˬ kʼoeˇ dawˬ-ahˇ, nymˬ-mˇ myaˆ biˇ doˆ-eu laꞈ kʼoeˇ tiˬ poˆ paˇ ehˇ poˆ-eu ma. Tsawˇ haˬ gʼawˬ mya gʼaˬ, Ka li kamˇ shiˇ-euˬ laꞈ yaꞈ-ahˇ muiˇ-eu jeˬ-ehˇ yaw dehꞈ dehꞈ luꞈ meh lehˇ ngaˇ paˇ ehˇ poˆ-eu ma.