Jaceuq 119:34 - Akha

³⁴ Nawˬ-euˬ zahˇ dawˬ kʼoꞈ dawˬ-ahˇ ngaˇ caw teh-awˇ, nui ma gʼawˇ mawˇ laꞈ kʼoeˇ juiˇ taˬ nya-eu gʼaˇ duˬ, ngaˇ gʼoˆ shaw nya ni mehˬ nehˬ laꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Ngar, nawq-euq zanrdawq-anr aqdir cantae-awr, Ngaq-euq nuima dawqtawvluf mrcaw nya’ni, Ngaq-anr ghovshaw nya-eu jeq bifnaeq laf-awq.

Jaceuq 119:34 Iomraidhean Croise

1 Laˬsaˬbaˬ 22:12

Aˬ yawꞈ-euˬ zahˇ dawˬ kʼoꞈ dawˬ-ahˇ tsaˬ ni Iˇsaˬleˬlaˆ miˇ kʼahˬ-ahˇ nawˇ uˆ lahˇ nya-eu gʼaˇ duˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ, noeˬ siˬ noeˬ mawˇ nya-eu tsawˇ gahˇ hawˇ-eu, zaˬ siˬ tsawˇ gahˇ biꞈ luꞈ-uˇ.

Yawˇbaˆ 28:28

“Kʼoeˇ naˇ, Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ pyeuꞈ-awˇ, yaw haiˬ jeˬ-ahˇ gaˇ jaw jaw-eu jeˬ-aˬ, gʼoˆ siˬ gʼoˆ shaw nya-eu jeˬ pyeuꞈ-eu meh lehˇ, tsawˇ haˬ zaˬ-ahˇ Miˬyehˇ ehˇ taˬ-euˬ meh.”

Jaceuq 111:10

Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ-euˬ dawˬ pehˬ duˬ puˇ meh. Aˬ yawꞈ-euˬ dawˬ-ahˇ naˇ haˬ-eu deuˬ-ahˇ, aˬ yawꞈ yaw muiˬ-ehˇ mehˬ nehˬ tsoˆ nehˬ-eu meh. Mˬ maˬ maˬ byaˆ zaˇ ziˇ aˬ yawꞈ-ahˇ ja ceuˬ-eu tsaˬ meh.

Jaceuq 119:10

Ngaˬ-euˬ nui ma gʼawˇ mawˇ dawˬ tawˆ luꞈ nawˬ-ahˇ saˇ jaˇ ziꞈ ma. Nawˬ-euˬ zahˇ dawˬ kʼoꞈ dawˬ-ahˇ ngaˇ maˬ ya byehˇ dzeh ni caw ba nehˬ laꞈ.

Jaceuq 119:100

Nawˬ-euˬ zahˇ dawˬ kʼoꞈ dawˬ-ahˇ ngaˇ naˇ haˬ geuꞈ-eu miˇ neh, tsawˇ mawˬ deuˬ naˆ maˬ tseˇ ngaˇ zaˬ siˬ nui gahˇ byah-eu ma.

Jaceuq 119:104

Nawˬ-euˬ zahˇ dawˬ kʼoꞈ dawˬ laꞈ kʼoeˇ ngaˇ zaˬ siˬ nui gahˇ za-euˬ miˇ neh, maˬ muiˬ-eu jeˬ-ahˇ ngaˇ bye-eu ma.

Jaceuq 119:125

Ngaˇ-aˬ, nawˬ-euˬ zaˬ kʼaˆ pyeuꞈ-eu ma. Nawˬ neh mehˬ nehˬ tsoˆ nehˬ-euˬ jeˬ-ahˇ ngaˇ gʼoˆ shaw nya ni, noeˬ siˬ noeˬ mawˇ nya-eu jeˬ biꞈ nehˬ laꞈ.

Jaceuq 119:130

Nawˇ mehˬ-eu dawˬ yaw shehꞈ biꞈ-eu miˇ neh, maˬ gahˇ-eu deuˬ-ahˇ bi gahˇ laˇ-eu meh.

Jaceuq 119:144

Nawˬ neh mehˬ nehˬ laꞈ-euˬ dawˬ aˬ myah luꞈ tsaˬ-eu meh. Ngaˇ yaw dehꞈ ya dehꞈ ni noeˬ siˬ noeˬ mawˇ nya-eu jeˬ biꞈ nehˬ laꞈ.

Jaceuq 119:169

Sahˬpaˬ Miˬyehˇ-oˇ, ngaˬ-euˬ shaˇ dawˬ nawˇ jawˇ gaˇ bi le keuˆ laꞈ. Nawˬ neh saˇ jaˇ dzaˬ taˬ-euˬ loꞈ-ehˇ, noeˬ siˬ noeˬ mawˇ nya-eu jeˬ biꞈ nehˬ laꞈ.

Jaceuq 119:2

Nui ma gʼawˇ mawˇ dawˬ tawˆ luꞈ aˬ yawꞈ-ahˇ poˆ-awˇ, aˬ yawꞈ-euˬ dawˬ naˇ haˬ geuꞈ-eu tsawˇ haˬ deuˬ guiˬ lahˬ huiˬ luꞈ-uˇ.

Jaceuq 119:58

Nawˬ neh saˇ jaˇ dzaˬ taˬ-euˬ loꞈ-ehˇ ngaˬ-ahˇ gʼawˬ shaˬ gaˬ nehˬ laꞈ-eu gʼaˇ duˬ, nui ma laꞈ kʼoeˇ keuˆ ni ngaˇ shaˇ-eu ma.

Jaceuq 119:66

Nawˬ-euˬ dawˬ-ahˇ ngaˇ gʼoe-eu miˇ neh, zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ biꞈ laꞈ.

Jaceuq 119:69

Nui ma huiˬ-eu mahˇ-eu deuˬ ngaˬ-ahˇ ja bu ja doeˇ kʼawꞈ, nawˇ mehˬ nehˬ tsoˆ nehˬ laꞈ-euˬ dawˬ-ahˇ, nui ma laꞈ kʼoeˇ keuˆ ni ngaˇ naˇ haˬ geuꞈ-eu ma.

Jaceuq 119:73

Nawˇ ngaˬ-ahˇ beh-awˇ haw piˇ nehˬ laꞈ-euˬ meh. Nawˬ-euˬ zahˇ dawˬ kʼoꞈ dawˬ deuˬ-ahˇ ngaˇ dzaw geuꞈ nya ni, noeˬ siˬ noeˬ mawˇ nya-eu jeˬ biꞈ nehˬ laꞈ.

Jaceuq 39:2

Muiˬmuiˬdoeˇdoeˇdawˬmaˬtmˇni, aˬdzawˬloꞈ-ehˇciˬcuˇjawˇkʼawꞈ, ngaˬ-euˬshaˬzahˬnaꞈdzehˬlaˇ-awˇ,

Maꞈtehˬ 5:19

Kʼoeˇ miˇ neh, zahˇ dawˬ kʼoꞈ dawˬ heu deuˬ laꞈ kʼoeˇ, aˬ cawˬ naˆ maˬ tseˇ nyiˇ dzehˬ-eu tiˬ dawˬ na-ahˇ yawˬ ha maˬ caw teh-eu uˬ taꞈ, aˬ cawˬ maˬ bi caw teh ni mehˬ-eu tsoˆ-eu tsawˇ haˬ aˬ geu gʼaˬ maˬ kaˬ, mˬ taˆ Miˇ kʼahˬ laꞈ kʼoeˇ aˬ cawˬ naˆ maˬ tseˇ teˬ dui nyiˇ dui dui tehꞈ-a. Ehˇ kʼawꞈ, zahˇ dawˬ kʼoꞈ dawˬ kʼoeˇ deuˬ-euˬ mehˬ nah yawˬ ha caw teh-awˇ, aˬ cawˬ kʼawꞈ caw teh ni mehˬ nehˬ tsoˆ nehˬ-eu tsawˇ haˬ aˬ geu gʼaˬ maˬ kaˬ, mˬ taˆ Miˇ kʼahˬ laꞈ kʼoeˇ aˬ cawˬ naˆ maˬ tseˇ huiˬ dzehˬ mahˇ dzehˬ tehꞈ-a.

Maꞈtehˬ 7:24

“Ngaˬ neh mehˬ-euˬ dawˬ-ahˇ ya gaˬ-awˇ naˇ haˬ geuꞈ-eu tsawˇ haˬ yawˬ gʼaˬ na luꞈ, kʼaˬ lo kʼoeˇ taˆ nymˇ tsoˆ-eu noeˬ dahˇ doe-eu tsawˇ haˬ-ahˇ duˇ-eu meh.

Yoˇhaˬ 7:17

Miˬyehˇ-euˬ nui kʼahˇ mˇ mawꞈ-eu tsawˇ haˬ aˬ geu gʼaˬ maˬ kaˬ, ngaˇ mehˬ-eu dawˬ heu Miˬyehˇ-euˬ dawˬ nga loˇ, ngaˬ-euˬ baoˬ-ahˇ gʼoe-awˇ mehˬ-eu tsoˆ-eu dawˬ nga loˇ lehˇ, tseˇ paˆ geuꞈ nya tehꞈ-a.

Dawˬmehˬ 4:6

Naw maꞈ aˇ naˆ ni zaˬ siˬ tsawˇ gahˇ ahˇ-eu gaˇ kawˆ aˬ cawˬ tsawˇ jeuˬ deuˬ ya siˬ ya mawˇ ni, zahˇ dawˬ kʼoꞈ dawˬ heu deuˬ-ahˇ tiˬ byah tiˬ loꞈ caw teh-awˬ. Zahˇ dawˬ kʼoꞈ dawˬ heu deuˬ dawˬ tawˆ luꞈ gaˇ kawˆ aˬ yawꞈ maꞈ ya gaˬ ngeh, ‘Huiˬ-eu tsawˇ jeuˬ heu jeuˬ aˇ naˆ naˆ-ehˇ gʼeh-eu zaˬ siˬ-eu tsawˇ gahˇ hawˇ-eu siˬ nya-eu jeˬ ahˇ law hawˇ maˬ siˬ ngaˇ’ lehˇ aˬ yawꞈ maꞈ ehˇ tehꞈ-a.

Yaˬkoˆ 1:25

Ehˇ kʼawꞈ, tsawˇ haˬ zaˬ-ahˇ bi buˬ bi law-iˇ-eu byah dui dui-eu zahˇ dawˬ kʼoꞈ dawˬ-ahˇ haw duˬ-awˇ, kʼaˇ ya gaˬ-euˬ jeˬ maˬ ngehˇ byoˆ ni yaw muiˬ paˬ-ehˇ caw teh-awˇ mˇ gʼeh shaˇ gʼeh-eu tsawˇ haˬ-aˬ, aˬ yawꞈ kʼaˇ mˇ kʼaˇ shaˇ-eu jeˬ laꞈ koeˇ Miˬyehˇ guiˬ lahˬ biꞈ nehˬ tehꞈ-a.

Yaˬkoˆ 1:5

Ehˇ kʼawꞈ, naw maꞈ laꞈ kʼoeˇ tiˬ gʼaˬ na zaˬ siˬ tsawˇ gahˇ teˬ luꞈ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ zaˬ siˬ tsawˇ gahˇ biꞈ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ dawˬ tawˆ luꞈ-ahˇ gʼawˬ shaˬ gaˬ-eu laꞈ kʼoeˇ tsawˇ tsiˇ maˬ tsiˇ ni biꞈ-eu meh.

Yaˬkoˆ 4:11

Aˬ yuiꞈ aˬ nyiˇ Ka li zaˬ deuˬ-oˇ, tiˬ gʼaˬ tiˇ gʼaˬ ja bu ja doeˇ-eu jeˬ taˬ mˇ. Ka li zaˬ cawˬ cawˬ ja doeˇ-awˇ yaw lehˬ poˆ-eu tsawˇ haˬ-aˬ, Zahˇ dawˬ kʼoꞈ dawˬ-ahˇ ja doeˇ-awˇ yaw lehˬ poˆ gaˇ duˇ-eu meh. Naw maꞈ Zahˇ dawˬ kʼoꞈ dawˬ-ahˇ yaw lehˬ poˆ naˇ, Zahˇ dawˬ kʼoꞈ dawˬ-ahˇ naˇ haˬ geuꞈ-eu tsawˇ haˬ maˬ paˇ ngeuˇ-ehˇ, Zahˇ dawˬ kʼoꞈ dawˬ-ahˇ yaˇ kʼaˬ daˇ-eu tsawˇ haˬ pyeuꞈ-eu meh.