Jaceuq 119:32 - Akha

³² Nawˬ-euˬ zahˇ dawˬ kʼoꞈ dawˬ-ahˇ ngaˇ nui ma keuˆ-awˇ naˇ haˬ geuꞈ-eu ma. Aˬ jeˬ miˇ neh ehˇ naˇ, nawˇ ngaˬ-ahˇ noeˬ siˬ noeˬ mawˇ nya-eu guiˬ lahˬ biꞈ laꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Nawr, ngaq-euq nuima panjer naeqlaf-euq mirnae, Ngar, nawq-euq zanrdawq khofdawq-euq garma-anr caev ma.

Jaceuq 119:32 Iomraidhean Croise

Aˇ dahˬ 26:22

Kʼoeˇ gaˇ neh naˇ, ui cuiˆ gaˇ mahˇ kaˬ gaˇ Iˇtsaˆ jiˆ doˆ-iˇ-awˇ, lah duˬ yawˬ duˬ yawˬ paˇ duˬ paˇ-euˬ meh. Kʼoeˇ ngeh poˆ jawˇ, lah duˬ kʼoeˇ duˬ-ahˇ ceh geuꞈ le-eu tiˬ gʼaˬ-iˬ maˬ jawˇ-a. Kʼoeˇ miˇ neh, lah duˬ kʼoeˇ duˬ-ahˇ, “Buˬ-iˇ law-iˇ-eu” lehˇ aˬ yawꞈ myahˇ nehˬ-euˬ meh. Kʼoeˇ ngeh, “Nymˬ-mˇ poˆ jawˇ-aˬ, laˆ tsoeˬ taˬ-euˬ jeˬ maˬ jaˆ-eu laꞈ kʼoeˇ, aˬ dui-ahˇ bi jawˇ laꞈ-euˬ nga. Jawˇ duˬ heu tsahˇ-ahˇ aˬ dui dehꞈ dzaˬ dui dui laˇ tehꞈ-a” lehˇ Iˇtsaˆ ehˇ-eu meh.

1 Sahˬpaˬ 4:29

Huiˬ dui dui-eu zaˬ siˬ tsawˇ gahˇ, naꞈ dui dui-eu noeˬ siˬ noeˬ mawˇ nya-eu jeˬ hawˇ-eu, maˬ ehˇ jiˇ coeˇ-eu nui gahˇ deuˬ, Sawˇlaˬmoˬ-ahˇ Miˬyehˇ biꞈ-euˬ meh.

Jaceuq 119:45

Nawˇ mehˬ nehˬ tsoˆ nehˬ-euˬ dawˬ-ahˇ ngaˇ leh jeh-awˇ caw teh-eu miˇ neh, kʼahˬ lahˇ kʼaˇ maˬ za ni ngaˇ dehꞈ ma.

Jaceuq 18:36

Kuiˇtoꞈciˬzaˇnawˇlaˆsaˆ-awˇ, ngaˬ-euˬaˬkuiˇmaˬnawˬjuˇ-a.

Dawˬ caˇ 1:4

Ngaˬ-ahˇ sheuˬ-awˬ. Nawˬ nehˬ-ehˇ ngaˇ cehˆ kʼoeˬ ma. Ngaˬ-euˬ sahˬ paˬ geuꞈ-awˇ, nawˬ-euˬ kuˆ lawˆ-ahˇ sheuˬ ahˇ nehˬ laꞈ-awˬ. Nawˬ nehˬ-ehˇ nga maꞈ laˬ kʼaˬ cehˇ-awˇ, aˬ gaꞈ dzaˇ uiˇ naˆ maˬ tseˇ nawˬ-euˬ nui gaˬ-ahˇ ja ceuˬ-eu ma. Zaˬ miˬ zaˬ dawˬ tawˆ luꞈ nawˬ-ahˇ gaˬ-eu zahˬ leˇ duˬ maˬ jaˆ-a.

Iˇsaˬyaˇ 40:31

Ehˇ kʼawꞈ, Sahˬpaˬ Miˬyehˇ-ahˇ gʼoe-eu tsawˇ haˬ deuˬ, gʼaˬ yaw shuiꞈ paˇ ahˇ laˇ-eu meh. Kʼaˬ dzeˇ zaw-eu loꞈ-ehˇ aˬ yawꞈ maꞈ tuˇ laˇ-awˇ, cehˆ coeˬ coeˬ ngeh gʼaˬ doeˇ maˬ doeˇ leˇ-ehˇ, gaˇ ma cah ngeh gʼaˬ teˬ-iˇ-eu maˬ baw-a.

Iˇsaˬyaˇ 60:5

Kʼoeˇ gaˇ mawˇ ngeh nawˇ laˬ kʼaˬ aˇ dzehˬ cehˇ dzeuˇ-awˇ, nui ma cehˇ tahˬ ya tahˬ tehꞈ-a. Miˇ kʼahˬ pyuˇ shuiˇ myawˬ gahˬ nawˬ-ahˇ sha ha laˇ-awˇ, laˆ shaˆ nui baˬ pyuˇ shuiˇ nawˬ-euˬ laꞈ-ahˇ ahˇ le tehꞈ-a.

Iˇsaˬyaˇ 61:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-euˬ yaw sahˇ, ngaˬ-euˬ kʼoeˇ taˆ keuˆ le-euˬ meh. Yaw shaˬ zaˬ-ahˇ laˬ kʼaˬ cehˇ-eu guiˬ lahˬ dawˬ tsaꞈ gaˬ-eu gʼaˇ duˬ, nui ma tsawˬ paˆ-euˬ deuˬ-ahˇ laˆ saˆ-eu gʼaˇ duˬ, aˬ cawˬ miˇ kʼahˬ-ahˇ bi nyehꞈ gʼeh-euˬ deuˬ hawˇ-eu, paꞈ kuˆ laꞈ kʼoeˇ ka lahˇ taˬ-euˬ tsawˇ haˬ deuˬ-ahˇ, ya buˬ ya law-iˇ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-awˇ pyehˬ gʼeh leꞈ-euˬ meh.

Yoˇhaˬ 8:32

Yaw tsaˬ yaw dawˇ jeˬ-ahˇ naw maꞈ siˬ nya laˇ-awˇ, yaw tsaˬ yaw dawˇ jeˬ naw maꞈ-ahˇ bi buˬ-iˇ tehꞈ-a.”

Yoˇhaˬ 8:36

Zaˬ maˇ neh naw maꞈ-ahˇ bi buˬ-iˇ laꞈ naˇ, naw maꞈ aˬ diˇ buˬ-iˇ-euˬ tehꞈ-a.

2 Gawˇliˬtu 3:17

Nymˬ-mˇ Sahˬpaˬ Miˬyehˇ lehˇ ehˇ-eu heu-aˬ, Yaw sahˇ Miˬyehˇ-ahˇ ehˇ-eu meh. Sahˬpaˬ Miˬyehˇ-euˬ Yaw sahˇ-aˬ, aˬ dui-ahˇ bi buˬ bi law-iˇ laꞈ-eu meh.

2 Gawˇliˬtu 6:11

Gawˇliˬtu meuˬ-ahˇjawˇ-eu aˬ yuiꞈ aˬ nyiˇ deuˬ-oˇ, naw maꞈ-ahˇ bya cehˆ ni ngehˬ cawˬ-eu ma. Nga maꞈ-euˬ nui ma pah dzeh nehˬ-eu ma.

HeˬByehˇ 12:1

Jah-eu jeˬ gaˇ kawˆ saˇ kiˇ kamˬ-euˬ tsawˇ haˬ kʼoeˇ deuˬ, aˬ dui-euˬ tiˬ jawˬ tiˬ byah ni jawˇ luꞈ ma. Kʼoeˇ miˇ neh, gaˇ ma-ahˇ kʼaˇ jaˆ tsoeˬ-eu yawˬ jeˬ na luꞈ-ahˇ aˬ dui teuˆ lehˆ-awˇ, aˬ dui-ahˇ deuˇ geuˆ ni lahˇ cuꞈ taꞈ-euˬ iˬ baˇ-ahˇ behˇ lehˆ-awˇ, aˬ dui mehˬ shi laˆ saˆ taˬ-euˬ cehˆ ceh ceh-eu gaˇ ma-ahˇ nui ma ziꞈ dah ni cehˆ gʼeh kaˇ-euˇ.

1 Beˬtuˆluˆ 2:16

Zaˬ kʼaˆ maˬ paˇ ya geuꞈ ni buˬ-iˇ-euˬ tsawˇ haˬ loꞈ-ehˇ dehꞈ-awˬ. Ehˇ kʼawꞈ, kʼoeˇ loꞈ-ehˇ ya buˬ-iˇ-euˬ miˇ neh, yaw haiˬ jeˬ-ahˇ aˇ dzehˬ taˬ paˇ mˇ. Miˬyehˇ-euˬ zaˬ kʼaˆ loꞈ-ehˇ dehꞈ-awˬ.