Jaceuq 119:25 - Akha

²⁵ Ngaˇ noeˬ dui-awˇ kʼaˬ lehˇ tsahˬ-ahˇ ga luꞈ-eu ma. Nawˬ neh saˇ jaˇ dzaˬ taˬ-euˬ loꞈ-ehˇ gʼaˬ yaw shuiꞈ biꞈ laꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Ngaq-euq nuima saflar khaqlaer-anr gapanq taq-euq nya. Nawq-euq dawq aertaq-euq lof-aer, Ngaq-anr lavdaef naeqlaf-awq.

Jaceuq 119:25 Iomraidhean Croise

Jaceuq 119:107

Sahˬpaˬ Miˬyehˇ-oˇ, ngaˇ shiˇ taw tehˬ ni ya daˬ luꞈ-eu ma. Nawˬ neh saˇ jaˇ dzaˬ taˬ-euˬ loꞈ-ehˇ ngaˬ-ahˇ bi dehꞈ laꞈ-awˬ.

Jaceuq 119:149

Sahˬpaˬ Miˬyehˇ-oˇ, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ baˬ da neh, ngaˬ-euˬ shaˇ dawˬ-ahˇ naˇ haˬ nehˬ laꞈ. Nawˇ gʼawˬ shaˬ gaˬ-eu jeˬ bi mawˇ laꞈ-awˇ, maˬ bi shiˇ ni ka kʼoꞈ nehˬ laꞈ.

Jaceuq 119:156

Sahˬpaˬ Miˬyehˇ-oˇ, nawˇ gʼawˬ shaˬ gaˬ-eu jeˬ huiˬ dui dui meh. Nawˇ gʼawˬ shaˬ gaˬ-eu jeˬ bi mawˇ laꞈ-awˇ ka kʼoꞈ nehˬ laꞈ.

Jaceuq 119:159

Nawˬ neh mehˬ nehˬ tsoˆ nehˬ-euˬ dawˬ-ahˇ ngaˇ aˇ naˆ ni gaˬ-eu nga lehˇ haw sheˇ. Nawˬ-euˬ gʼoeˇ-eu gaˬ-eu jeˬ maˬ paˇ laˇ-eu miˇ neh, ngaˬ-ahˇ ka kʼoꞈ nehˬ laꞈ.

Jaceuq 119:37

Gaˇ dahˇ maˬ tsoeˬ-eu jeˬ-ahˇ ngaˇ nui kʼahˇ maˬ ya jaˆ ni caw ba nehˬ laꞈ-awˇ, nawˬ neh saˇ jaˇ dzaˬ taˬ-euˬ loꞈ-ehˇ yaw muiˬ jeˬ biꞈ nehˬ laꞈ.

Jaceuq 119:40

Nawˬ-euˬ zahˇ dawˬ kʼoꞈ dawˬ-ahˇ ngaˇ naˇ haˬ geuꞈ mawꞈ-eu ma. Nawˬ-euˬ yaw tsaˬ yaw dawˇ jeˬ laꞈ kʼoeˇ ngaˇ yaw dehꞈ dehꞈ-eu yaw shuiꞈ beˬ paˇ nehˬ laꞈ.

Jaceuq 119:88

Nawˬ-euˬ zahˇ dawˬ kʼoꞈ dawˬ-ahˇ ngaˇ naˇ haˬ geuꞈ nya ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ baˬ da neh, shiˇ-euˬ jeˬ-ahˇ bi dzeuˇ-iˇ laꞈ-awˬ.

Jaceuq 119:93

Nawˇ mehˬ-eu tsoˆ-eu dawˬ baˬ da neh ngaˇ dehꞈ luꞈ-awˇ, dawˬ kʼoeˇ deuˬ-ahˇ ngaˇ maˬ byehˇ dzeh.

Jaceuq 143:11

Sahˬpaˬ Miˬyehˇ-oˇ, nawˬ neh saˇ jaˇ dzaˬ taˬ-euˬ loꞈ-ehˇ, ngaˬ-ahˇ ka kʼoꞈ nehˬ laꞈ. Nawˬ-euˬ muiˬ-eu jaˬ-eu jeˬ laꞈ kʼoeˇ, shaˬ zahˬ naꞈ gaˇ ka kʼoꞈ nehˬ laꞈ.

Jaceuq 22:15

Kuˬbyahˬ lehˇtsaˇloꞈ-ehˇgui-awˇ, mehˬlaˇ mehˬtaˆmyahˬleˇ miˇ-a. Kʼaˬlehˇ tsahˬ-ahˇbi shiˇ-eu lehˇ, nawˇngaˬ-ahˇbyehˇdzeh laꞈ-euˬnga.

Jaceuq 44:25

Nga maꞈmiˇtsa bi nawˬpahˬ-awˇ, kʼaˬlehˇtsahˬ-ahˇ ga luꞈ-eu ma.

Jaceuq 44:26

Nga maꞈ-ahˇ nawˇcaw ba le-awˬ. Aˬmyah luꞈmaˬtsehˆleˇnya-eu, nawˬ-euˬgʼoeˇ-eu gaˬ-eu jeˬneh, nga maꞈ-ahˇka kʼoꞈnehˬlaꞈ-awˬ.

Jaceuq 71:20

Ngaˬ-euˬ kʼoeˇ taˆ shaˬ zahˬ naˇ gawˇ nawˇ bi keuˆ le-euˬ meh. Ehˇ kʼawꞈ, nawˇ ngaˬ-ahˇ gʼaˬ paˇ bi kʼoꞈ laˇ-awˇ, shiˇ-eu miˇ kʼahˬ-ahˇ maˬ ya keuˆ ni ka kʼoꞈ nehˬ laꞈ tehꞈ-a.

Jaceuq 80:18

Nga maꞈ nawˬ-ahˇ tiˬ jawˇ-iˬ maˬ paˇ byehˇ dzeh ma. Nga maꞈ-ahˇ yaw dehꞈ bi dehꞈ laꞈ-awˬ. Nawˬ-ahˇ nga maꞈ ja ceuˬ ma.

Iˇsaˬyaˇ 65:25

Kʼaˬ yehˇ hawˇ-eu yawˇ zaˬ tiˬ gaˇ gaˆ-awˇ, aˇ laˬ jaˬ shiˇ mawˇ neˇ nehˬ-ehˇ gʼo yoeˬ dzaˬ-awˇ, aˇ lawˇ maˬ toˆ laˇ-ehˇ pyeuꞈ-iˇ tehꞈ-a. Ngaˬ-euˬ muiˬ-eu shawˇ-eu Ziˇoˬ gawˬ jawˬ kʼoeˇ taˆ, yaw haiˬ jeˬ hawˇ-eu guˆ-eu gaˆ-eu jeˬ, dawˬ tawˆ luꞈ byoˆ-iˇ jiˇ tehꞈ-a.”

Maꞈtehˬ 16:23

Yeˬsuˇ Beˬtuˆluˇ jawˇ paw ciˬ pyawˇ-awˇ ehˇ nehˬ-eu, “Saˬdaˬ-oˇ, ngaˇ jawˇ gaˇ neh doˆ-iˇ-awˬ. Nawˇ-aˬ, ngaˬ-ahˇ laˆ tsoeˬ-eu gʼaˬ meh. Nawˇ teu loꞈ-ehˇ ehˇ-eu teu, Miˬyehˇ neh bi noeˬ doˆ-euˬ jeˬ maˬ ngeuˇ-a. Tsawˇ haˬ neh bi noeˬ doˆ-euˬ jeˬ meh.”

Dawˬmehˬ 30:6

Nawˬ-euˬ nui ma dawˬ tawˆ luꞈ aˬ yawꞈ-ahˇ gaˬ-awˇ, miˇ kʼahˬ kʼoeˇ kʼahˬ laꞈ kʼoeˇ nawˇ ya dehꞈ ya jawˇ daˆ leꞈ ni, nawˇ hawˇ-eu nawˬ-euˬ zaˬ deuˬ-ahˇ naˇ haˬ geuꞈ-eu nui ma Sahˬpaˬ Miˬyehˇ biꞈ nehˬ laꞈ tehꞈ-a.

Piˇliˇpiˆ 3:19

Aˬ yawꞈ maꞈ-aˬ, shiˬ buiˇ lah ma-ahˇ aˇ saˬ ya saˬ-iˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ shiˬ shaˬ jiˇ nui kʼahˇ-aˬ, aˬ yawꞈ maꞈ-euˬ miˬyehˇ meh. Aˬ yawꞈ maꞈ-aˬ, yawˬ ha shaꞈ dawˇ paˬ-ehˇ gʼeh-eu jeˬ-ahˇ maˬ shaꞈ dawˇ ni jahˇ gʼeh haw-awˇ, miˇ tsaˬ shiˬ shaˬ jiˇ-ahˇ taꞈ-eu jeˬ tehꞈ-ehˇ shaˇ noeˬ luꞈ-eu meh.

Gawˇlawˇsehˇ 3:2

Mˬ kʼoeˇ taˆ jaˆ-eu jeˬ-ahˇ naw maꞈ-euˬ nui ma noeˬ tsoˆ taˬ-awˬ. Miˇ tsaˬ kʼoeˇ taˆ jaˆ-eu jeˬ-ahˇ taˬ noeˬ tsoˆ taˬ.