Jaceuq 119:24 - Akha

²⁴ Nawˇ mehˬ-eu tsoˆ-eu dawˬ deuˬ ngaˬ-ahˇ bi noeˬ gahˇ-awˇ, dawˬ kʼoeˇ deuˬ-ahˇ ngaˇ laˬ kʼaˬ cehˇ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Nawq-euq dawqdzawr-aq, Ngaq-anr maeqbawq bif-awr, Ngaq-anr laqkhaq bi caerlar-eu jeq khawf pyeuf-eu mae.

Jaceuq 119:24 Iomraidhean Croise

Yawˇbaˆ 27:10

Miˬyehˇ neh biꞈ-euˬ laˬ kʼaˬ cehˇ-eu jeˬ-ahˇ aˬ yawꞈ maꞈ nui kʼahˇ shiˇ-eu tsaˬ-awˇ, aˬ yawꞈ-ahˇ maˬ tsehˆ leˇ ni guiˬ lahˬ shaˇ-eu tsaˬ meh.

Jaceuq 119:143

Noeˬ shaˬ noeˬ zahˬ-awˇ nui ma cawˆ-eu jeˬ byah luꞈ kʼawꞈ, nawˬ-euˬ dawˬ ngaˬ-ahˇ laˬ kʼaˬ bi cehˇ-eu meh.

Jaceuq 119:16

Nawˬ-euˬ zahˇ dawˬ kʼoꞈ dawˬ-ahˇ ngaˇ laˬ kʼaˬ cehˇ-awˇ, nawˬ-euˬ dawˬ-ahˇ ngaˇ maˬ ngehˇ.

Jaceuq 119:162

Nawˬ-euˬ saˇ jaˇ baˬ da neh ngaˇ aˇ naˆ ni laˬ kʼaˬ ya cehˇ-eu nga. Pyuˇ pahˬ shuiˇ pahˬ mawˇ-euˬ deuˬ naˆ ni laˬ kʼaˬ cehˇ-eu ma.

Jaceuq 119:77

Nawˬ-euˬ zahˇ dawˬ kʼoꞈ dawˬ laꞈ kʼoeˇ ngaˇ laˬ kʼaˬ cehˇ-eu miˇ neh, ngaˇ yaw dehꞈ ya dehꞈ ni gʼawˬ shaˬ gaˬ nehˬ laꞈ-awˬ.

Jaceuq 119:92

Nawˬ-euˬ zahˇ dawˬ kʼoꞈ dawˬ laꞈ kʼoeˇ ngaˇ laˬ kʼaˬ maˬ cehˇ law nmˇ-aˬ, shaˬ zahˬ mˇ-awˇ shiˇ dzeuˇ-euˬ ma.

Jaceuq 19:11

Dawˬkʼoeˇbaˬda nawˬ-euˬ zaˬkʼaˆ, siˬnya mawˇnya yahˇnya laˇ-awˇ, guiˬlahˬbaw dzehˬlaˇ-euˬmiˇ-a.

Iˇsaˬyaˇ 8:20

Aˬ yawꞈ maꞈ-ahˇ naw maꞈ heu loꞈ-ehˇ ehˇ kʼoꞈ nehˬ-awˬ. “Sahˬpaˬ Miˬyehˇ mehˬ nehˬ tsoˆ nehˬ laꞈ-eu jeˬ-ahˇ naˇ haˬ geuꞈ-awˬ. Nyiˇ paˬ shaˆ ma deuˬ ehˇ gaˇ taˬ naˇ haˬ. Aˬ yawꞈ maꞈ neh ehˇ-euˬ jeˬ naw maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.”

Yeˬlaˬmiˇ 6:10

Ngaˇ heu loꞈ-ehˇ ehˇ kʼoꞈ nehˬ-euˬ ma. “Ngaˬ neh mehˬ-euˬ dawˬ-ahˇ aˬ suˇ gʼaˬ naˇ haˬ nmˇ. Aˬ yawꞈ maꞈ nui ma gʼahˇ-eu baˬ da neh, nawˬ neh bi ehˇ-euˬ dawˬ deuˬ-ahˇ maˬ naˇ haˬ-ehˇ, nawˬ-euˬ dawˬ-ahˇ naˬ gʼa-eu meh.

Gawˇlawˇsehˇ 3:16

Byah dui dui-eu Ka li-euˬ dawˬ kʼoeˇ, naw maꞈ-euˬ nui ma laꞈ kʼoeˇ bi ahˇ-eu tsaˬ meh. Zaˬ siˬ tsawˇ gahˇ dawˬ tawˆ luꞈ zmˬ-awˇ tiˬ gʼaˬ tiˇ gʼaˬ mehˬ-awˬ tsoˆ-awˬ. Jaˇliꞈ laꞈ kʼoeˇ ahˇ-eu ja ceuˬ-eu caˇ dawˬ deuˬ, Yeˬsuˇ gaˇ kawˆ caˇ-eu caˇ dawˬ deuˬ hawˇ-eu, guiˬ lahˬ saꞈ laˇ paw taꞈ leˇ-eu caˇ dawˬ deuˬ caˇ caˇ-ehˇ, nui ma laꞈ kʼoeˇ Miˬyehˇ-euˬ guiˬ lahˬ-ahˇ ja ceuˬ-awˬ.

Yawˇshuˆ 1:8

Nawˇ uˬ duˬ kʼaˇ tahˬ ngeh, Zahˇ dawˬ kʼoꞈ dawˬ sahˬ boꞈ-ahˇ maˬ ngehˇ ni gui-awˬ. Uˬ ciꞈ nah gʼahˇ maˬ ehˇ, maˬ byehˇ ni gui-eu laꞈ kʼoeˇ, kʼoeˇ gaˇ kʼaˇ boꞈ taˬ-euˬ yawˬ jeˬ na luꞈ-ahˇ naˇ haˬ geuꞈ-awˬ. Kʼoeˇ loꞈ-ehˇ jahˇ naˇ, nawˇ baw le za le-awˇ, mˇ-eu shaˇ-eu yawˬ jeˬ na luꞈ laꞈ kʼoeˇ, guiˬ lahˬ baw tehꞈ-a.