Jaceuq 119:162 - Akha

¹⁶² Nawˬ-euˬ saˇ jaˇ baˬ da neh ngaˇ aˇ naˆ ni laˬ kʼaˬ ya cehˇ-eu nga. Pyuˇ pahˬ shuiˇ pahˬ mawˇ-euˬ deuˬ naˆ ni laˬ kʼaˬ cehˇ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶² Pyurpanq shuirpanq mawr-euq tsawrhaq tiq ghaq laqkhaq caer-eu lof-aer, Ngar, nawq-euq dawq-anr laqkhaq caer-eu ma.

Jaceuq 119:162 Iomraidhean Croise

Jaceuq 119:111

Nawˬ-euˬ zahˇ dawˬ kʼoꞈ dawˬ-ahˇ mˬ maˬ maˬ byaˆ zaˇ ziˇ ngaˇ za gʼaˬ-awˇ, ngaˬ-euˬ nui ma-ahˇ laˬ kʼaˬ bi cehˇ-eu meh.

Jaceuq 119:14

Pyuˇ shuiˇ myawˬ gahˬ-ahˇ gaˬ-eu naˆ maˬ tseˇ, nawˬ-euˬ zahˇ dawˬ kʼoꞈ dawˬ-ahˇ ngaˇ gaˬ ma.

Jaceuq 119:72

Miˇ tsaˬ kʼoeˇ taˆ kʼaˇ jaˆ-eu pyuˇ shuiˇ dawˬ tawˆ luꞈ naˆ maˬ tseˇ, nawˬ neh biꞈ laꞈ-eu zahˇ dawˬ kʼoꞈ dawˬ aˇ poeˬ kʼaˆ dzehˬ nya.

Dawqdaq 16:19

Yaw haiˬ deuˬ nehˬ-ehˇ kʼaˆ dzaˇ biˇ dzaˬ-eu naˆ maˬ tseˇ, tsawˇ shaˬ deuˬ nehˬ-ehˇ nahˬ yu ni dehꞈ-eu muiˬ dzehˬ meh.

Iˇsaˬyaˇ 9:3

Aˬ yawꞈ maꞈ-ahˇ nawˇ bi huiˬ bi mahˇ laˇ-awˇ, laˬ kʼaˬ bi cehˇ-euˬ meh. Cehˇ laˆ luiˆ ngeh laˬ kʼaˬ cehˇ-eu loꞈ-ehˇ, pyuˇ shuiˇ myawˬ gahˬ biˇ ngeh laˬ kʼaˬ cehˇ-eu loꞈ-ehˇ, nawˬ neh mˇ taˬ-euˬ gaˇ-ahˇ, aˬ yawꞈ maꞈ laˬ kʼaˬ cehˇ-eu meh.

Yeˬlaˬmiˇ 15:16

Nawˇ ngaˬ-ahˇ dawˬ ngehˬ cawˬ le ngeh, yawˬ dawˬ na luꞈ ngaˇ naˇ haˬ-euˬ ma. Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, ngaˇ nawˬ-euˬ zaˬ pyeuꞈ-awˇ, nawˬ-euˬ dawˬ baˬ da neh ngaˬ-euˬ nui ma laꞈ kʼoeˇ laˬ kʼaˬ cehˇ-eu jeˬ byah-eu ma.

1 Saˬmeuˬlaˆ 30:16

Kʼoeˇ naˇ, Ziˇkaˬlehˆ meuˬ-ahˇ guiˇ deuˆ laˇ-euˬ tsawˇ haˬ kʼoeˇ deuˬ jawˇ gaˇ, Daˬbiˇ-ahˇ aˬ yawꞈ sheuˬ gʼeh nehˬ-euˬ meh. Guiˇ deuˆ laˇ-euˬ tsawˇ haˬ kʼoeˇ deuˬ-aˬ, Piˇliˇtiˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ aˬ yawꞈ maꞈ neh deuˆ za-euˬ myawˬ gahˬ myaˬ dui dui-eu miˇ neh, dzaˬ byawˬ dawˇ byawˬ byawˬ-awˇ, byawˬ gʼa muˆ gʼa-eu laꞈ kʼoeˇ, deh ga ga lah-ehˇ jawˇ byah taˬ-euˬ meh.