Jaceuq 119:160 - Akha

¹⁶⁰ Nawˬ-euˬ zahˇ dawˬ kʼoꞈ dawˬ-euˬ puˇ nmꞈ-aˬ, yaw tsaˬ yaw dawˇ jeˬ meh. nawˬ neh yaˇ kʼaˬ daˇ-eu jeˬ-aˬ, mˬ maˬ maˬ byaˆ zaˇ ziˇ gmˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶⁰ Dawqtawv-euq uqduq aer ngae, Nawq-euq dawq-aq, yawtsaq yawdawr mae; Nawq nae tsaq-awr dawr-eu lafkhoer yarkhaq khardar-eu jeq-aq, mqmaq maqbyav yarzir gmq-eu mae.

Jaceuq 119:160 Iomraidhean Croise

Jaceuq 119:138

nawˬ neh biꞈ-euˬ zahˇ sahˇ kʼoꞈ deuˬ, ehˇ kʼaˇ maˬ za ni dawˇ-eu meh.

Jaceuq 119:142

Nawˬ-euˬ yaw tsaˬ yaw dawˇ jeˬ mˬ maˬ maˬ byaˆ zaˇ ziˇ gmˬ-awˇ, nawˬ-euˬ zahˇ dawˬ kʼoꞈ dawˬ aˬ myah luꞈ tsaˬ-eu meh.

Jaceuq 119:144

Nawˬ neh mehˬ nehˬ laꞈ-euˬ dawˬ aˬ myah luꞈ tsaˬ-eu meh. Ngaˇ yaw dehꞈ ya dehꞈ ni noeˬ siˬ noeˬ mawˇ nya-eu jeˬ biꞈ nehˬ laꞈ.

Jaceuq 119:152

Nawˇ mehˬ-eu tsoˆ-eu dawˬ-ahˇ aˇ hu ba neh ngaˇ ya siˬ-euˬ ma. Dawˬ kʼoeˇ deuˬ mˬ maˬ maˬ byaˆ zaˇ ziˇ maˬ paˇ laˇ-a.

Jaceuq 119:75

Sahˬpaˬ Miˬyehˇ-oˇ, nawˇ yaˇ kʼaˬ daˇ-eu jeˬ yaw tsaˬ yaw dawˇ meh lehˇ ngaˇ siˬ nya ma. Nawˇ saˇ jaˇ ziꞈ-eu miˇ neh ngaˬ-ahˇ kʼehˬ nehˬ laꞈ-euˬ meh lehˇ ngaˇ siˬ nya ma.

Jaceuq 119:86

Nawˬ-euˬ zahˇ dawˬ kʼoꞈ dawˬ dawˬ tawˆ luꞈ tsaˬ dui dui meh. Ngaˇ maˬ lehˬ gaˇ aˬ cawˬ ngaˬ-ahˇ kʼehˬ luꞈ meh. Ngaˬ-ahˇ caw ba le-awˬ.

Dawqdaq 30:5

Miˬyehˇ neh saˇ jaˇ kʼaˇ dzaˬ taˬ-euˬ yawˬ jeˬ na luꞈ ziꞈ-eu meh. Aˬ yawꞈ-ahˇ kʼaˇ gʼoe-eu tsawˇ haˬ deuˬ-ahˇ aˬ yawꞈ yaw muiˬ paˬ-ehˇ haw piˇ-eu meh.

Dawˬ tsoˆ 3:14

Miˬyehˇ neh kʼaˇ mˇ kʼaˇ shaˇ-euˬ jeˬ mˬ maˬ maˬ byaˆ zaˇ ziˇ gmˬ meh lehˇ ngaˇ siˬ nya ma. Aˬ yawꞈ neh mˇ taˬ-euˬ jeˬ-ahˇ, tiˬ jeˬ-iˬ maˬ dawˆ lahˬ nya-eu uˬ taꞈ, tiˬ jeˬ-iˬ maˬ yuˇ teˬ nya-a. Tsawˇ haˬ zaˬ aˬ yawꞈ-ahˇ guˆ ni, Miˬyehˇ neh kʼoeˇ loꞈ-ehˇ jahˇ-euˬ meh.

Maꞈtehˬ 5:18

Ngaˇ naw maꞈ-ahˇ dawˇ coe ni ehˇ nehˬ nyaˇ. Mˬ hawˇ-eu miˇ kʼaˇ ziꞈ kʼoeˇ keuˆ ni maˬ ehˇ, Zahˇ dawˬ kʼoꞈ dawˬ laꞈ kʼoeˇ kʼaˇ ahˇ-eu jeˬ dawˬ tawˆ luꞈ maꞈ byah laˇ kʼoeˇ keuˆ ni maˬ ehˇ, Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ aˇ boꞈ boꞈ zaˬ tiˬ boꞈ tehꞈ-ehˇ kʼawꞈ maˬ byoˆ-iˇ-aˇ.

2 Tiˆmoˇseˬ 3:16

Jaˇliꞈ dawˬ kawˬ dawˬ tawˆ luꞈ Miˬyehˇ neh bi noeˬ doˆ-eu laꞈ kʼoeˇ boꞈ doˆ taˬ-euˬ jeˬ pyeuꞈ-awˇ, yaw tsaˬ yaw dawˇ jeˬ mehˬ-eu tsoˆ-eu gʼaˇ duˬ maˬ ehˇ, iˬ baˇ-ahˇ toeˬ mehˬ-eu gʼaˇ duˬ maˬ ehˇ, maˬ tsaˬ-eu jeˬ-ahˇ mehˬ paˇ tsoˆ paˇ-eu gʼaˇ duˬ maˬ ehˇ, yaw tsaˬ yaw dawˇ dawˇ-ehˇ dehꞈ ni mehˬ-eu tsoˆ-eu gʼaˇ duˬ maˬ ehˇ, gaˇ dahˇ tsoeˬ dui dui-eu meh.