Jaceuq 119:145 - Akha

¹⁴⁵ Nui ma laꞈ kʼoeˇ keuˆ ni nawˬ-ahˇ ngaˇ kuˇ-eu ma. Sahˬpaˬ Miˬyehˇ-oˇ, ngaˬ-euˬ dawˬ-ahˇ naˇ haˬ nehˬ laꞈ. Nawˬ-euˬ dawˬ-ahˇ ngaˇ naˇ haˬ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴⁵ Ya’we Miqyaer-or! Ngaq-anr narhaq naeqlaf-awq! Ngaq-euq nuima dawqtawvluf, Nawq-anr gur-awr sharluf-eu ma. Ngar, nawq-euq zanrtaq khoftaq-anr mrcaw ma.

Jaceuq 119:145 Iomraidhean Croise

Jaceuq 102:1

Sahˬpaˬ Miˬyehˇ-oˇ, ngaˬ-euˬ shaˇ dawˬ-ahˇ naˇ haˬ-awˇ, caw ba nehˬ laꞈ lehˇ ngaˇ guˇ-eu teˇ saˇ nawˇ jawˇ gaˇ bi laˇ keuˆ laꞈ.

Jaceuq 119:10

Ngaˬ-euˬ nui ma gʼawˇ mawˇ dawˬ tawˆ luꞈ nawˬ-ahˇ saˇ jaˇ ziꞈ ma. Nawˬ-euˬ zahˇ dawˬ kʼoꞈ dawˬ-ahˇ ngaˇ maˬ ya byehˇ dzeh ni caw ba nehˬ laꞈ.

Jaceuq 119:106

Nawˇ mehˬ-eu tsoˆ-eu yaw tsaˬ yaw dawˇ jeˬ-ahˇ naˇ haˬ geuꞈ-eu gʼaˇ duˬ, ngaˇ saˇ jaˇ ziꞈ dah ni dzaˬ-eu ma.

Jaceuq 119:115

Yaw haiˬ jeˬ mˇ-eu tsawˇ haˬ deuˬ-oˇ, ngaˬ-euˬ dawˬ peh taˬ jawˇ. Ngaˬ-euˬ Miˬyehˇ-euˬ zahˇ dawˬ kʼoꞈ dawˬ-ahˇ ngaˇ naˇ haˬ geuꞈ ma.

Jaceuq 119:44

Nawˬ-euˬ zahˇ dawˬ kʼoꞈ dawˬ-ahˇ tiˬ jawˇ-iˬ maˬ byehˇ ni, mˬ maˬ maˬ byaˆ zaˇ ziˇ ngaˇ caw teh ma.

Jaceuq 119:58

Nawˬ neh saˇ jaˇ dzaˬ taˬ-euˬ loꞈ-ehˇ ngaˬ-ahˇ gʼawˬ shaˬ gaˬ nehˬ laꞈ-eu gʼaˇ duˬ, nui ma laꞈ kʼoeˇ keuˆ ni ngaˇ shaˇ-eu ma.

Jaceuq 119:8

Nawˬ-euˬ zahˇ dawˬ kʼoꞈ dawˬ-ahˇ ngaˇ caw teh ma. Ngaˬ-ahˇ taˬ byehˇ dzeh nehˬ laꞈ.

Jaceuq 62:8

Ngaˬ-euˬ tsawˇ haˬ deuˬ-oˇ, Miˬyehˇ-ahˇ aˬ myah luꞈ gʼoe-awˬ. Naw maꞈ-euˬ shaˬ zahˬ dawˬ tawˆ luꞈ aˬ yawꞈ-ahˇ dzawˇ nehˬ-awˬ. Aˬ yawꞈ-aˬ, aˬ dui-euˬ gʼoe duˬ meh.

Jaceuq 86:4

Sahˬpaˬ Miˬyehˇ-oˇ, Ngaˬ-euˬ shaˇ dawˬ nawˇ jawˇ gaˇ le keuˆ-eu miˇ neh, ngaˬ-euˬ nui ma-ahˇ laˬ kʼaˬ bi cehˇ nehˬ laꞈ.

Yeˬlaˬmiˇ 29:13

Naw maꞈ ngaˬ-ahˇ poˆ-awˇ, poˆ mawˇ tehꞈ-a. Aˬ jeˬ miˇ neh ehˇ naˇ, naw maꞈ-euˬ nui ma gʼawˇ mawˇ dawˬ tawˆ luꞈ ngaˬ-ahˇ poˆ tehꞈ-a.

1 Saˬmeuˬlaˆ 1:10

Haˬnahˬ nui ma cawˆ dui dui-eu laꞈ kʼoeˇ, guˇ guˇ-ehˇ ngoeˇ-awˇ, Sahˬpaˬ Miˬyehˇ-ahˇ guiˬ lahˬ shaˇ-euˬ meh.

1 Saˬmeuˬlaˆ 1:15

Haˬnahˬ ehˇ-eu, “Aˬ bawˇ piˇ ma-oˇ, ngaˇ aˬ gaꞈ dzaˇ uiˇ yehꞈ-eu maˬ ngeuˇ. Nui ma cawˆ dui dui-eu miˇ neh, ngaˬ-euˬ nui ma laꞈ kʼoeˇ shaˬ zahˬ kʼaˇ mˇ luꞈ-eu jeˬ dawˬ tawˆ luꞈ, guiˬ lahˬ shaˇ-eu laꞈ kʼoeˇ Sahˬpaˬ Miˬyehˇ-ahˇ dzawˇ nehˬ luꞈ-eu ma.