Jaceuq 119:112 - Akha

¹¹² Ngaˇ shiˇ ngeh keuˆ ni nawˬ-euˬ zahˇ dawˬ-ahˇ naˇ haˬ geuꞈ-eu gʼaˇ duˬ, noeˬ tsehˆ gʼaˬ taˬ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹² Ngar, mqmaq maqbyav yarzir arsaqsaq ngae keuvni, Ngaq-euq nuima, nawq-euq zanrtaq khoftaq-anr hageuf-awr mrcaw ma.

Jaceuq 119:112 Iomraidhean Croise

1 Sahˬpaˬ 8:58

Aˬ yawꞈ bi dehꞈ mawꞈ-eu loꞈ-ehˇ tehꞈ-ehˇ aˬ dui aˬ myah luꞈ yaw dehꞈ dehꞈ-awˇ, aˬ dui-euˬ aˬ poeˬ aˬ bawˇ deuˬ-ahˇ aˬ yawꞈ neh biꞈ taˬ-euˬ zahˇ dawˬ kʼoꞈ dawˬ deuˬ hawˇ-eu, mehˬ nehˬ tsoˆ nehˬ laꞈ-euˬ dawˬ deuˬ-ahˇ aˬ dui caw teh-eu gʼaˇ duˬ, aˬ yawꞈ-euˬ ehˇ dawˬ-ahˇ aˬ dui naˇ haˬ geuꞈ nya ni aˬ yawꞈ caw ba nehˬ laꞈ luꞈ-uˇ.

2 Laˬsaˬbaˬ 19:3

Ehˇ kʼawꞈ, nawˬ-euˬ laꞈ kʼoeˇ yaw muiˬ jeˬ ahˇ-a siˬ. Aˬ jeˬ miˇ neh ehˇ naˇ, miˇ kʼahˬ zaˬ deuˬ uˬ duˬ tahˬ luꞈ-eu Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ dawˬ tawˆ luꞈ-ahˇ nawˇ laˆ cawˆ jiˇ-awˇ, Sahˬpaˬ Miˬyehˇ-euˬ nui noeˬ-ahˇ nawˇ caw teh-euˬ meh.”

Eˇzaˬlaˬ 7:10

Eˇzaˬlaˬ-aˬ, Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ dzaw geuꞈ-awˇ caw teh-eu gʼaˇ duˬ maˬ ehˇ, zahˇ dawˬ kʼoꞈ dawˬ kʼoeˇ deuˬ hawˇ-eu zahˇ sahˇ kʼoꞈ deuˬ Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ-eu gʼaˇ duˬ maˬ ehˇ, noeˬ tsehˆ taˬ-euˬ tsawˇ haˬ tiˬ gʼaˬ pyeuꞈ-eu meh.

Jaceuq 119:33

Sahˬpaˬ Miˬyehˇ-oˇ, nawˬ-euˬ zahˇ dawˬ kʼoꞈ dawˬ-euˬ dawˬ tsuiꞈ mehˬ nehˬ laꞈ. Dawˬ kʼoeˇ deuˬ-ahˇ ngaˇ aˬ myah luꞈ caw teh ma.

Jaceuq 119:36

Pyuˇ shuiˇ myawˬ gahˬ-ahˇ mehˇ juiˇ juiˇ-eu naˆ maˬ tseˇ, nawˬ-euˬ zahˇ dawˬ kʼoꞈ dawˬ-ahˇ mehˇ juiˇ juiˇ ni, ngaˬ-ahˇ ngehˬ gʼeh nehˬ laꞈ.

Jaceuq 119:44

Nawˬ-euˬ zahˇ dawˬ kʼoꞈ dawˬ-ahˇ tiˬ jawˇ-iˬ maˬ byehˇ ni, mˬ maˬ maˬ byaˆ zaˇ ziˇ ngaˇ caw teh ma.

Jaceuq 141:4

Maˬ muiˬ-eu jeˬ mˇ mawꞈ-eu nui ma taˬ bi ahˇ laꞈ. Haiˬ-eu tsawˇ haˬ deuˬ nehˬ-ehˇ yaw haiˬ jeˬ maˬ ya mˇ ni haw piˇ nehˬ laꞈ. Tsawˇ haˬ kʼoeˇ deuˬ nehˬ-ehˇ maˬ ya dzaˬ maˬ ya dawˇ taꞈ ni dah teˬ nehˬ laꞈ.

Jaceuq 18:22

Yawꞈ-euˬzahˇdawˬkʼoꞈdawˬdeuˬ-ahˇ, maˬcaw teh-euˬmaˬjaˆhaw-ehˇ, yawꞈneh biꞈtaˬ-euˬdawˬdeuˬ-ahˇ, maˬnaˇhaˬ-euˬmaˬjaˆhaw-aˬ.

Dawqdaq 2:2

Zaˬ siˬ tsawˇ gahˇ-ahˇ naˬ bawˇ ciˬ kʼmˇ taˬ-awˇ, siˬ laˇ nya laˇ ni leh jeh-awˬ.

Piˇliˇpiˆ 2:13

Aˬ jeˬ miˇ neh ehˇ naˇ, naw maꞈ nui ma keuˆ ni maˬ ehˇ, Miˬyehˇ-euˬ nui kʼahˇ mˇ nya ni maˬ ehˇ, naw maꞈ laꞈ kʼoeˇ Miˬyehˇ aˬ myah luꞈ gaˇ mˇ luꞈ meh.

Yawˇshuˆ 24:23

Yawˇshuˆ ehˇ-eu, “Toˆ-ehˇ maˇ-iˬ, naw maꞈ nehˬ-ehˇ jaˆ luꞈ-eu boeˇ miˬ shiˬ kʼaˬ-euˬ miˬ yehˇ deuˬ-ahˇ byehˇ dzeh-awˇ, Iˇsaˬleˬlaˆ tsawˇ haˬ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ saˇ jaˇ ziꞈ ma lehˇ kamˬ-awˬ.”

1 Beˬtuˆluˆ 1:13

Kʼoeˇ miˇ neh, naw maꞈ-euˬ nui ma lehˬ hmˬ dah taˬ-awˬ. Yaw beuˇ beuˇ-ehˇ dehꞈ-awˇ, Yeˬsuˇ Ka li-ahˇ bya cehˆ ni ya mawˇ ngeh nah naw maꞈ-ahˇ biꞈ-eu lehˇ lehˬ hmˬ taˬ-euˬ guiˬ lahˬ yaw dzahˇ-ahˇ tehꞈ-ehˇ noeˬ tsoˆ taˬ-awˬ.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.