Jaceuq 119:102 - Akha

¹⁰² Nawˬ-euˬ gʼawˇ mawˇ ngaˬ-ahˇ mehˬ nehˬ tsoˆ nehˬ laꞈ-euˬ miˇ neh, nawˬ neh mehˬ-euˬ dawˬ-ahˇ ngaˇ maˬ byehˇ dzeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰² Nawr, ngaq-anr maeqnaeq laf-euq mirnae, Ngar, nawq nae yarkhaq dar-euq jeq-anr maq byaerdzae-aq.

Jaceuq 119:102 Iomraidhean Croise

Yawˇbaˆ 36:22

“Miˬyehˇ-euˬ baoˬ aˇ naˆ ni huiˬ gaˇ noeˬ keuˆ-awˬ. Aˬ yawꞈ-aˬ, dawˬ tawˆ kʼoeˇ taˆ huiˬ-eu mehˬ-eu tsoˆ-eu gʼaˬ meh.

Jaceuq 18:21

SahˬpaˬMiˬyehˇ-euˬgaˇma-ahˇ, maˬbyehˇdzeh ni ngaˇcah laꞈ-awˇ, aˬyawꞈneh biꞈ-euˬdawˬdeuˬ-ahˇ, maˬngehˇni caw teh laꞈ-euˬma.

Dawqdaq 5:7

Ngaˬ li deuˬ-oˇ, ngaˬ-euˬ dawˬ-ahˇ nymˬ-mˇ naˇ haˬ-awˇ, ngaˬ-euˬ kʼaˬ meh-ahˇ doˆ le-euˬ dawˬ-ahˇ tiˬ jawˇ-iˬ taˬ gʼawˬ-iˇ.

Yeˬlaˬmiˇ 32:40

Mˬ maˬ maˬ byaˆ zaˇ ziˇ ziꞈ-eu saˇ jaˇ, aˬ yawꞈ maꞈ nehˬ-ehˇ ngaˇ dzaˬ ma. Aˬ yawꞈ maꞈ-ahˇ ngaˇ yaw muiˬ jeˬ maˬ tsehˆ leˇ ni mˇ nehˬ ma. Aˬ yawꞈ maꞈ ngaˬ-ahˇ maˬ paˇ byehˇ dzeh peuˬ-eu gʼaˇ duˬ, aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ ngaˬ-ahˇ guˆ ni ngaˇ jahˇ ma.

1 Teˇsaˬloˇni 2:13

Miˬyehˇ-euˬ guiˬ lahˬ-ahˇ nga maꞈ maˬ tsehˆ leˇ ni ja ceuˬ luꞈ-eu gaˇ kawˆ yawˬ hmˬ yawˬ-aˬ, heu loꞈ-ehˇ ma. Naw maꞈ jawˇ gaˇ nga maꞈ Miˬyehˇ dawˬ kawˬ hehˇ leꞈ ngeh, tsawˇ haˬ-euˬ dawˬ loꞈ-ehˇ sawˇ-awˇ naw ma ha geuꞈ-euˬ maˬ ngeuˇ-a. Maˇ maˇ ni Miˬyehˇ-euˬ dawˬ pyeuꞈ-eu miˇ neh, Miˬyehˇ-euˬ dawˬ loꞈ-ehˇ sawˇ-awˇ ha geuꞈ-euˬ meh. Aˬ jeˬ miˇ neh ehˇ naˇ, jah-eu tsawˇ haˬ pyeuꞈ-eu naw maꞈ-euˬ laꞈ kʼoeˇ Miˬyehˇ gaˇ mˇ luꞈ-eu meh.

1 Yoˇhaˬ 2:19

Tsawˇ haˬ heu deuˬ-aˬ, aˬ dui-euˬ aˇ maꞈ aˇ muˇ-ahˇ maˇ maˇ ni taꞈ-eu deuˬ maˬ ngeuˇ-a. Kʼoeˇ miˇ neh, aˬ yawꞈ maꞈ aˬ dui-ahˇ gʼawˬ-iˇ-eu meh. Aˬ yawꞈ maꞈ aˬ dui-euˬ aˇ maꞈ aˇ muˇ-ahˇ taꞈ law nmˇ-aˬ, aˬ dui-ahˇ maˬ gʼawˬ-iˇ ni jawˇ tehꞈ-a. Aˬ yawꞈ maꞈ aˬ dui-ahˇ maˬ taꞈ-eu gaˇ kawˆ bi siˬ duˬ laˇ-eu gʼaˇ duˬ, aˬ dui-ahˇ gʼawˬ-iˇ-euˬ jeˬ pyeuꞈ-eu meh.

1 Yoˇhaˬ 2:27

Ehˇ kʼawꞈ, Ka li neh naw maꞈ-euˬ kʼoeˇ taˆ aˬ yawꞈ-euˬ Yaw sahˇ shehˆ daˆ nehˬ gʼaˬ-euˬ meh. Aˬ yawꞈ-euˬ Yaw sahˇ kʼoeˇ naw maꞈ laꞈ kʼoeˇ kʼaˇ jawˇ kʼoeˇ keuˆ ni, aˬ cawˬ naw maꞈ-ahˇ mehˬ nehˬ tsoˆ nehˬ-eu maˬ paˇ loˬ meh. Aˬ jeˬ miˇ neh ehˇ naˇ, aˬ yawꞈ-euˬ Yaw sahˇ kʼoeˇ naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ tehꞈ-a. Aˬ yawꞈ-euˬ Yaw sahˇ kʼaˇ mehˬ kʼaˇ tsoˆ-eu jeˬ dawˬ tawˆ luꞈ, tsaˬ dui dui-eu meh. Tiˬ pawꞈ-iˬ maˬ lehˬ-a. Yaw sahˇ kʼoeˇ neh mehˬ nehˬ tsoˆ nehˬ laꞈ-euˬ jeˬ-ahˇ naˇ haˬ geuꞈ-awˇ, Ka li-euˬ laꞈ kʼoeˇ jawˇ-awˬ.