Jaceuq 118:6 - Akha

⁶ Sahˬpaˬ Miˬyehˇ ngaˬ nehˬ-ehˇ jawˇ-eu miˇ neh, ngaˇ maˬ guˆ. Aˬ suˇ gʼaˬ ngaˬ-ahˇ aˬ jeˬ paˇ jahˇ laˇ nya ta.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Ya’we Miqyaer, ngar jawr-eu paw jawr-eu mirnae, Ngar tiqjeq-anr-iq maqguv. Tsawrhaqzaq, ngaq-anr aqjeq janrlar nya-eu?

Jaceuq 118:6 Iomraidhean Croise

Jaceuq 112:8

Aˬ yawꞈ guˆ-eu nui ma tiˬ pawꞈ-iˬ maˬ ahˇ-ehˇ, aˬ yawꞈ-ahˇ muiˇ-eu deuˬ smˬ-iˇ tehꞈ-a lehˇ siˬ duˬ-eu meh.

Jaceuq 146:5

Yaˬkoˆ-euˬ Miˬyehˇ neh caw ba nehˬ-euˬ gʼaˬ guiˬ lahˬ huiˬ-eu meh. Aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gʼoe-eu gʼaˬ guiˬ lahˬ huiˬ-eu meh.

Jaceuq 23:4

Shiˇ-eu naˇshmˇlawˇkʼmˬlawˇgawˆ, nyiˬtsehˆ-ehˇngaˇya iˇgʼeh kʼawꞈ, yaw haiˬlaˆcawˆlaˇgaˇmaˬguˆ. Nawˇngaˬnehˬ-ehˇjawˇ-eu laꞈkʼoeˇ, nawˬ-euˬgawˬyoeˬhawˇ-eu daˇcuiˇ, ngaˬ-ahˇnui saˇ bi za-eu meh.

Jaceuq 46:1

Miˬyehˇ-aˬ, aˬ dui-euˬ gʼoe duˬ hawˇ-eu aˬ dui-euˬ gʼaˬ pyeuꞈ-awˇ, shaˬ-eu zahˬ-eu aˇ yamˬ laꞈ kʼoeˇ, aˬ dui-ahˇ caw ba nehˬ laꞈ-eu meh.

Jaceuq 46:11

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Jaceuq 56:10

Saˇ jaˇ ziꞈ-eu miˇ neh ngaˇ ja ceuˬ luꞈ-eu gʼaˬ pyeuꞈ-eu, Sahˬpaˬ Miˬyehˇ ngaˇ jawˇ paw pyawˬ-eu ngaˇ siˬ nya ma.

Jaceuq 56:11

Aˬ yawꞈ-ahˇ ngaˇ gʼoe-awˇ maˬ guˆ ni dehꞈ ma. Tsawˇ haˬ zaˬ ngaˬ-ahˇ aˬ jeˬ paˇ jahˇ laˇ nya nmˇ.

Jaceuq 56:12

Miˬyehˇ-oˇ, ngaˬ neh saˇ jaˇ dzaˬ taˬ-euˬ jeˬ nawˬ-ahˇ ngaˇ lawˇ nehˬ ma. Guiˬ lahˬ-ahˇ noeˬ keuˆ-eu lawˇ-eu jeˬ, nawˬ-ahˇ ngaˇ lawˇ nehˬ ma.

Jaceuq 56:4

Miˬyehˇ-ahˇ ngaˇ gʼoe-awˇ guˆ-eu nui ma maˬ ahˇ, aˬ yawꞈ neh saˇ jaˇ dzaˬ taˬ-euˬ jeˬ baˬ da neh, aˬ yawꞈ-ahˇ ngaˇ ja ceuˬ ma. Tsawˇ haˬ zaˬ ngaˬ-ahˇ aˬ jeˬ paˇ jahˇ laˇ nya nmˇ.

Jaceuq 56:5

Muiˇ-eu deuˬ nah ga-ehˇ ngaˬ-ahˇ laˆ shaˬ luꞈ meh. Ngaˬ-ahˇ laˆ coeˬ laˆ ciˆ-eu gʼaˇ duˬ, aˬ yawꞈ maꞈ aˬ myah luꞈ shaˇ noeˬ luꞈ meh.

Jaceuq 56:9

Ngaˇ nawˬ-ahˇ kuˇ ngeh nah, muiˇ-eu deuˬ cehˆ gʼoꞈ jiˇ tehꞈ-a. Miˬyehˇ ngaˇ jawˇ paw pyawˬ-eu ngaˇ siˬ nya ma.

Jaceuq 94:16

Maˬ tsaˬ maˬ dawˇ-eu tsawˇ haˬ deuˬ mehˬ shi, ngaˬ-euˬ gʼaˇ duˬ aˬ suˇ gʼaˬ yawꞈ daˬ nmˇ. Yaw haiˬ jeˬ mˇ-eu tsawˇ haˬ deuˬ mehˬ shi, ngaˇ jawˇ paw aˬ suˇ gʼaˬ pyawˬ nmˇ.

Iˇsaˬyaˇ 51:12

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-ahˇ gʼaˬ biꞈ nehˬ-eu gʼaˬ ngaˇ ma. Daˬ yawˬ yaˇ moꞈ loˆ ni gʼeh-awˇ gʼawˬ myahˇ ni maˬ gmˬ-eu, tsawˇ haˬ zaˬ-ahˇ aˬ jeˬ miˇ neh naw maꞈ guˆ te.

Yeˬlaˬmiˇ 20:11

Ehˇ kʼawꞈ, baoˬ huiˬ-awˇ gʼaˬ kʼaˆ-eu Sahˬpaˬ Miˬyehˇ nawˇ-aˬ, ngaˇ jawˇ paw pyawˬ luꞈ-eu miˇ neh, ngaˬ-ahˇ kʼehˬ-eu tsawˇ haˬ deuˬ sahˬ tiꞈ tiꞈ coˬ-awˇ, ngaˬ-ahˇ maˬ gʼaˬ laˇ ni smˬ-iˇ tehꞈ-a. Aˬ yawꞈ maꞈ smˬ-iˇ-euˬ miˇ neh, mˬ maˬ maˬ byaˆ zaˇ ziˇ ya shaꞈ dawˇ-awˇ, maˬ ngehˇ leˇ coeˇ gaˇ keuˆ tsawˇ myahˇ ya cawˆ tehꞈ-a.

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

HeˬByehˇ 13:6

Kʼoeˇ miˇ neh, aˬ dui nui ma kʼaˬ duˬ ni gʼeh-eu laꞈ kʼoeˇ, “Sahˬpaˬ Miˬyehˇ ngehˬ gʼeh luꞈmeh. Ngaˇ tiˬ jeˬ-iˬ guˆ kʼaˇ maˬ za. Aˬcawˬ aˬ jeˬ jahˇ laˇ nya nmˇ” lehˇ ehˇ kaˇ-euˇ.

1 Saˬmeuˬlaˆ 17:11

Piˇliˇtiˆ tsawˇ haˬ kʼoeˇ gʼaˬ-euˬ dawˬ-ahˇ ya gaˬ ngeh, Sawˇluˆ hawˇ-eu aˬ yawꞈ-euˬ tsawˇ haˬ deuˬ guˆ dui dui-euˬ meh.

1 Saˬmeuˬlaˆ 17:37

Aˇ laˬ jaˬ shiˇ hawˇ-eu kʼaˬ hmˇ deuˬ-euˬ aˬ laꞈ laꞈ kʼoeˇ, Sahˬpaˬ Miˬyehˇ ngaˬ-ahˇ ka kʼoꞈ-euˬ meh. Kʼoeˇ gaˇ duˇ ni, Piˇliˇtiˆ tsawˇ haˬ kʼoeˇ gʼaˬ-euˬ aˬ laꞈ laꞈ kʼoeˇ kʼawꞈ, aˬ yawꞈ ngaˬ-ahˇ ka kʼoꞈ nehˬ laꞈ tehꞈ-a.” Sawˇluˆ gʼeh, “Toˆ-ehˇ ngeuˇ naˇ, iˇ-awˬ. Sahˬpaˬ Miˬyehˇ nawˬ nehˬ-ehˇ jawˇ luꞈ-uˇ” lehˇ ehˇ nehˬ-euˬ meh.