Jaceuq 114:2 - Akha

² Yuˇdaˆ miˇ kʼahˬ aˬ yawꞈ-euˬ muiˬ-eu shawˇ-eu jawˇ duˬ pyeuꞈ laˇ-awˇ, Iˇsaˬleˬlaˆ miˇ kʼahˬ aˬ yawꞈ uˆ lahˇ-eu jawˇ duˬ pyeuꞈ laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Yurdav-aq, Miqyaer-euq shawr-eu jawrduq pyeuflar-awr, Irsaqleqlav-aq, aqyawf uvlanrduq pyeuflar-euq mae.

Jaceuq 114:2 Iomraidhean Croise

Doˆ-iˇ 15:17

Nawˬ neh yawˬ haˇ yawˬ ha tsoˆ taˬ-euˬ Uˬ duˬ tahˬ nymˇ nymˇ ma, Sahˬpaˬ Miˬyehˇ nawˇ jawˇ-eu lehˇ tseˇ doˆ taˬ-euˬ jawˇ duˬ pyeuꞈ-eu nawˬ-eu gawˬ jawˬ kʼoeˇ taˆ, aˬ yawꞈ maꞈ-ahˇ nawˇ sheuˬ uˇ laꞈ-awˇ, ka ziꞈ taˬ-euˬ meh.

Doˆ-iˇ 25:8

Iˇsaˬleˬlaˆ tsawˇ haˬ deuˬ nehˬ-ehˇ ngaˇ jawˇ-eu gʼaˇ duˬ, ngaˬ-euˬ gʼaˇ duˬ muiˬ-eu shawˇ-eu sehˬ gʼawˆ tiˬ gʼawˆ aꞈ yawꞈ maꞈ ya tsoˆ meh.

Doˆ-iˇ 6:7

Naw maꞈ-ahˇ ngaˬ-euˬ tsawˇ haˬ bi pyeuꞈ laˇ-awˇ, ngaˇ-aˬ, naw maꞈ-euˬ Miˬ yehˇ pyeuꞈ ma. Iˇjiˇtuˆ miˇ kʼahˬ-ahˇ aˬ cawˬ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ngeh, ngaˇ-aˬ naw maꞈ-euˬ Sahˬpaˬ Miˬyehˇ pyeuꞈ-eu naw maꞈ ya siˬ tehꞈ-a.

Uˬ duˬ 11:45

Ngaˇ-aˬ, naw maꞈ-euˬ Miˬyehˇ pyeuꞈ laˇ ni, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Sahˬpaˬ Miˬyehˇ pyeuꞈ-eu ma. Naw maꞈ muiˬ-eu shawˇ-eu tsawˇ haˬ ya bi pyeuꞈ meh. Aˬ jeˬ miˇ neh ehˇ naˇ, ngaˇ-aˬ, yaw muiˬ yaw shawˇ ma.

Dawˬmehˬ 23:14

Nawˬ-euˬ taˆ-ahˇ, zahˇ sahˇ kʼoꞈ-ahˇ tsaˬ ni yaw muiˬ yaw shawˇ shawˇ-ehˇ bi jaˆ-awˬ. Aˬ jeˬ miˇ neh ehˇ naˇ, nawˬ-ahˇ haw piˇ-eu gʼaˇ duˬ maˬ ehˇ, nawˬ-ahˇ muiˇ-eu deuˬ-ahˇ nawˇ gʼaˬ leˇ nya ni caw ba-eu gʼaˇ duˬ maˬ ehˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ taˆ laꞈ kʼoe jawˇ-eu meh. Sahˬpaˬ Miˬyehˇ nawˬ-ahˇ maˬ ya byehˇ dzeh yaꞈ-eu gʼaˇ duˬ, maˬ muiˬ maˬ shawˇ-eu jeˬ maˬ mˇ ni jawˇ-awˬ.

Dawˬmehˬ 27:12

“Naw maꞈ Yawˇdaˬ lawˇ baˬ tsehˆ doˆ gʼaˬ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ guiˬ lahˬ biꞈ-awˇ dawˬ ngehˬ gʼeh nehˬ ngeh, Suˇmoˬ tsawˇ jeuˬ, Leˬbiˇ tsawˇ jeuˬ, Yuˇdaˆ tsawˇ jeuˬ, Iˇsaˬkaˬ tsawˇ jeuˬ, Yoˇsehˆ tsawˇ jeuˬ hawˇ-eu Beˬyaˬmiˬ tsawˇ jeuˬ heu deuˬ, Geˬlaˬzmˬ gawˬ jawˬ kʼoeˇ taˆ ya yawꞈ meh.

Dawˬmehˬ 27:9

Kʼoeˇ naˇ, Moˇseˬ hawˇ-eu Leˬbiˇ tsawˇ haˬ piˇ ma deuˬ Iˇsaˬleˬlaˆ tsawˇ haˬ dawˬ tawˆ luꞈ-ahˇ ehˇ nehˬ-eu, “Iˇsaˬleˬlaˆ tsawˇ jeuˬ-oˇ, ciˬ cuˇ ni jawˇ-awˇ naˬ bawˇ ciˬ kʼmˇ taˬ-eu laꞈ kʼoeˇ, ngaˇ ehˇ gaˇ naˇ haˬ sheˇ. Iˬ nah nawˇ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ jeuˬ pyeuꞈ laˇ-euˬ meh.

Dawˬmehˬ 7:6

Naw maꞈ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ haˬ pyeuꞈ-eu miˇ neh, kʼoeˇ loꞈ-ehˇ jahˇ-awˬ. Maˇ maˇ ni aˬ yawꞈ-euˬ tsawˇ jeuˬ bi pyeuꞈ laˇ-eu gʼaˇ duˬ, tsawˇ jeuˬ heu myaˆ ni gʼeh-eu laꞈ kʼoeˇ, naw maꞈ-ahˇ aˬ yawꞈ tseˇ doˆ-euˬ meh.

Panmaeq 21:3

Kʼaˆ dui dui-eu teˇ saˇ tiˬ saˇ dzoeˬ dzaˬ nuiˇ mahˬ-ahˇ neh heu loꞈ-ehˇ ehˇ doˆ leꞈ gaˇ ngaˇ ya gaˬ-euˬ ma. “Nymˬ-mˇ, Miˬyehˇ-euˬ nymˇ tsawˇ haˬ zaˬ jawˇ gaˇ jaˆ le-euˬ meh. Aˬ yawꞈ maꞈ nehˬ-ehˇ aˬ yawꞈ jawˇ-awˇ, aˬ yawꞈ maꞈ aˬ yawꞈ-euˬ tsawˇ haˬ pyeuꞈ laˇ tehꞈ-a. Aˬ yawꞈ-euˬ mawˇ do aˬ yawꞈ maꞈ nehˬ-ehˇ jawˇ tehꞈ-a.