Jaceuq 112:9 - Akha

⁹ Shaˬ-eu tsawˇ haˬ-ahˇ aˬ yawꞈ yaw muiˬ-ehˇ gamꞈ nehˬ-awˇ, gʼawˬ shaˬ gaˬ-eu nui ma maˬ byoˆ-iˇ-a. Aˬ yawꞈ baoˬ jaˆ-awˇ, aˬ cawˬ yaw zeu baw tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqyawf, ghawqmya’ni saeq-awr, irshaqzaq-anr bifkhawq naeq-euq mae. Aqyawf-euq uqcoer yabi ciqpoeq ciqgor-awr yabi taqhuiq taqmanr taef-a. Aqyawf-euq tsaq-awr dawr-eu jeq li-eu maqbawni zif taef-a.

Jaceuq 112:9 Iomraidhean Croise

Jaceuq 111:3

Aˬ yawꞈ neh kʼaˇ mˇ-euˬ jeˬ dawˬ tawˆ luꞈ baoˬ yaw shehꞈ jaˆ-awˇ, taˬ huiˬ taˬ mahˇ dui dui paˬ-ehˇ gʼeh-eu meh. Aˬ yawꞈ-euˬ yaw tsaˬ yaw dawˇ jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 112:3

Aˬ yawꞈ-euˬ nymˇ jiˇ smˇ muiˬ smˇ baw baw laˇ-awˇ, mˬ maˬ maˬ byaˆ zaˇ ziˇ guiˬ lahˬ baw tehꞈ-a.

Jaceuq 75:10

Maˬ tsaˬ maˬ dawˇ-eu tsawˇ haˬ deuˬ-euˬ baoˬ-ahˇ aˬ yawꞈ ngawˬ kʼehꞈ dzeh-awˇ, yaw tsaˬ yaw dawˇ tsawˇ haˬ deuˬ baoˬ huiˬ laˇ ni aˬ yawꞈ caw ba tehꞈ-a.

Jaceuq 92:10

Nawˇ ngaˬ-ahˇ nehꞈ nyoˬ loꞈ-ehˇ gʼaˬ bi ahˇ-awˇ, laˬ kʼaˬ ya cehˇ-eu guiˬ lahˬ biꞈ laꞈ-euˬ meh.

Jaceuq 92:11

Ngaˬ-ahˇ muiˇ-eu deuˬ smˬ-iˇ gaˇ ngaˇ ya mawˇ-awˇ, haiˬ-eu tsawˇ haˬ deuˬ ngoeˇ-eu teˇ saˇ ya gaˬ-euˬ ma.

Dawqdaq 14:24

Zaˬ siˬ tsawˇ gahˇ ahˇ-eu deuˬ shuiˇ uˬ kʼoˆ za-awˇ, aˬ dzawˬ aˇ gah-euˬ shaˬ bymˇ yaw lehˬ yaw ca tehꞈ meh.

Dawqdaq 19:17

Iˇ shaˬ zaˬ-ahˇ gʼawˬ shaˬ gaˬ-eu tsawˇ haˬ, Sahˬpaˬ Miˬyehˇ-ahˇ dziˇ dzoˆ paˇ mehˬ gaˇ duˇ-awˇ, Sahˬpaˬ Miˬyehˇ dziˇ dzoˆ tsoeˬ nehˬ tehꞈ-a.

Dawqdaq 21:26

Yawˬ ha mawꞈ-eu jeˬ-ahˇ shaˇ noeˬ-eu jeˬ, aˬ yawꞈ daˬ luꞈ-euˬ kʼaˆ behˆ meh. Yaw tsaˬ yaw dawˇ tsawˇ haˬ-aˬ, kʼahˇ maˬ kʼoꞈ ni aˬ cawˬ-ahˇ biꞈ-eu meh.

Dawˬ tsoˆ 11:6

Siˬ yoeˬ kʼaˇ sehˬ-euˬ dehꞈ laˇ meh lehˇ maˬ ehˇ tsehˆ nya-ehˇ, aˬ geu ngeh yamˬ-ahˇ sehˬ-euˬ muiˬ dzehˬ-eu gaˇ kawˆ maˬ siˬ duˬ nya-eu miˇ neh, uˬ shawˬ paw tehꞈ-ehˇ maˬ sehˬ ni, uˬ ciꞈ paw kʼawꞈ sehˬ-awˬ.

Dawˬ tsoˆ 3:6

Byaˇ tawꞈ-eu yamˬ baw-eu loꞈ-ehˇ, dehˬ dzeh-eu yamˬ kʼawꞈ baw-eu meh. Jeˬ hmˬ-eu yamˬ baw-eu loꞈ-ehˇ, biˬ dzeh-eu yamˬ kʼawꞈ baw-eu meh.

Iˇsaˬyaˇ 32:8

Ehˇ kʼawꞈ, nui nahˬ nui yu ahˇ-eu tsawˇ haˬ, yaw sui yaw dawˇ jeˬ mˇ doˆ shaˇ doˆ-awˇ, yaw tsaˬ yaw dawˇ gaˇ ma kʼoeˇ taˆ, ziꞈ dah ni yawꞈ-eu meh.

Iˇsaˬyaˇ 58:10

mehꞈ-eu shuꞈ-eu deuˬ-ahˇ naw maꞈ dzaˬ dzaˬ dawˇ dawˇ biꞈ-awˇ, shaˬ-eu zahˬ-eu tsawˇ haˬ deuˬ-ahˇ ngehˬ gʼeh nehˬ naˇ, naw maꞈ tiˬ jawˬ jaˆ-eu yaw zahˇ dawˬ tawˆ, nah gʼahˇ loꞈ-ehˇ bya laˇ tehꞈ-a.

Iˇsaˬyaˇ 58:7

Hawˬ mehꞈ shaˬ-eu deuˬ-ahˇ hawˬ biˇ nehˬ-awˇ, nymˇ jiˇ maˬ baw-eu tsawˇ haˬ deuˬ gʼaˇ duˬ, nawˬ-euˬ nymˇ laˇ gʼoˆ pah taˬ-awˬ. Mehˬ tsoeˬ maˬ jaˆ-eu deuˬ-ahˇ mehˬ tsoeˬ biꞈ nehˬ-awˇ, yawˬ ha-euˬ aˬ yuiꞈ aˬ nyiˇ-ahˇ ngehˬ maˬ gʼeh ni taˬ byehˇ.

Maꞈtehˬ 6:4

Nawˇ kʼoeˇ loꞈ-ehˇ jahˇ ngeh, aˬ cawˬ tiˬ gʼaˬ-iˬ maˬ siˬ nya-a. Ehˇ kʼawꞈ, tsawˇ haˬ zaˬ maˬ mawˇ nya-eu jeˬ-ahˇ mawˇ nya-eu nawˬ-euˬ Aˬda nawˬ-ahˇ guiˬ lahˬ biꞈ tehꞈ-a.

Maˬkuˆ 14:7

Shaˬ zaˬ zahˬ zaˬ deuˬ naw maꞈ nehˬ-ehˇ aˬ myah luꞈ jawˇ-awˇ, naw maꞈ kʼaˇ caw ba nehˬ mawꞈ ngeh caw ba nehˬ nya tehꞈ-a. Ehˇ kʼawꞈ, ngaˇ-aˬ, naw maꞈ nehˬ-ehˇ aˬ myah luꞈ jawˇ-eu maˬ ngeuˇ.

Luˇkaꞈ 11:41

Ehˇ kʼawꞈ, naw maꞈ-euˬ kʼmˬ maˬ laꞈ kʼoeˇ ahˇ-eu jeˬ shaˬ-eu zahˬ-eu tsawˇ haˬ deuˬ-ahˇ gamꞈ nehˬ-awˬ. Kʼoeˇ loꞈ-ehˇ jahˇ naˇ, naw maꞈ muiˬ laˇ shawˇ laˇ tehꞈ-a.

Luˇkaꞈ 12:33

Naw maꞈ-euˬ myawˬ gahˬ ahˬ-awˇ, aˬ cawˬ-ahˇ gamꞈ nehˬ-awˬ. Yawˬ ha gʼaˇ duˬ tiˬ jawˇ-iˬ maˬ peuˬ maˬ oeˇ-iˇ nya-eu pyuˇ pawˬ behˆ guꞈ-awˇ, smˇ kʼoeˬ maˬ kʼoeˬ leˇ nya, boeˬ coeˇ maˬ coeˇ leˇ nya-eu mˬ kʼoeˇ taˆ, pyuˇ shuiˇ myawˬ gahˬ jeˬ hmˬ taˬ-awˬ.

Luˇkaꞈ 16:9

“Ngaˇ naw maꞈ-ahˇ ehˇ nehˬ nyaˇ. Miˇ tsaˬ pyuˇ shuiˇ myawˬ gahˬ-ahˇ gʼoe-awˇ, aˬ cawˬ-ahˇ cawˬ cawˬ taꞈ-awˬ. Kʼoeˇ loꞈ-ehˇ jahˇ naˇ, pyuˇ shuiˇ myawˬ gahˬ kʼoeˇ deuˬ byoˆ-iˇ jiˇ ngeh, mˬ maˬ maˬ byaˆ zaˇ ziˇ ziꞈ-eu jawˇ duˬ laꞈ kʼoeˇ, naw maꞈ-ahˇ ha geuꞈ nehˬ laꞈ tehꞈ-a.

Luˇkaꞈ 18:22

Dawˬ kʼoeˇ dawˬ-ahˇ ngeh, Yeˬsuˇ aˬ yawꞈ-ahˇ ehˇnehˬ-eu, “Nawˇ tiˬ jeˬ loˬ nga siˬ. Nawˇ kʼaˇ jaˆ-eu jeˬ ahˬ jiˇ-awˇ, shaˬ zaˬ zahˬ zaˬ deuˬ-ahˇ biˇ nehˬ-awˬ. Mˬ kʼoeˇ taˆ nawˬ-euˬ pyuˇ shuiˇ myawˬ gahˬ jaˆ laˇ tehꞈ-a. Kʼoeˇ naˇ, gʼoꞈ poˆ laˇ-awˇ, ngaˬ-euˬ mehˬ nah caw teh laˇ-awˬ.”

Yoˇhaˬ 13:29

Yuˇdaˆ-aˬ, pyuˇ pawˬ behˆ tawˬ-eu pyuˇ jeˬ hmˬ-eu gʼaˬ pyeuꞈ-eu miˇ neh, Yeˬsuˇ aˬ yawꞈ-ahˇ kʼehˇ-awˇ, Bawˬ-iˬ gʼeh gaˇ zmˬ-eu jeˬ maˬ ngeuˇ naˇ, shaˬ zaˬ zahˬ zaˬ-ahˇ biꞈ-eu tiˬ jeˬ paˬ bi zeuˇ-iˇ-eu lehˇ ehˇ-eu paˬ lehˇ, zaˬ lahˇ tiˬ paˆ na deuˬ noeˬ-euˬ meh.

Gʼaˬkʼehˇ 20:35

‘Za-eu naˆ maˬ tseˇ biꞈ-eu guiˬ lahˬ huiˬ dzehˬ meh’ lehˇ Sahˬpaˬ Yeˬsuˇ neh ehˇ-euˬ dawˬ kʼoeˇ dawˬ-ahˇ noeˬ keuˆ-eu laꞈ kʼoeˇ, kʼoeˇ loꞈ-ehˇ gaˇ yaw kʼaˆ-ehˇ mˇ-awˇ gʼaˬ baˬ-eu deuˬ-ahˇ ya caw ba meh lehˇ, yawˬ jeˬ na luꞈ laꞈ kʼoeˇ naw maꞈ-ahˇ ngaˇ mˇ mehˬ shaˇ mehˬ mehˬ-euˬ ma.”

Gʼaˬkʼehˇ 4:35

Pyuˇ kʼoeˇ deuˬ gʼaˬ kʼehˇ deuˬ-ahˇ a nehˬ-awˇ, yawˬ gʼaˬ na luꞈ-ahˇ kʼaˇ loˬ-eu loꞈ-ehˇ biˇ nehˬ-euˬ meh.

Lormav 12:13

Nawˇ kʼaˇ jaˆ-eu jeˬ nawˬ-euˬ cawˬ Ka li zaˬ deuˬ-ahˇ caw ba nehˬ-awˇ, daˬ yah-ahˇ yaw muiˬ-ehˇ ha-awˬ.

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

Dawˬmehˬ 15:11

Iˇsaˬleˬlaˆ tsawˇ haˬ laꞈ kʼoeˇ, iˇ shaˬ shaˬ-awˇ, loˬ-eu tsawˇ haˬ aˬ myah luꞈ jawˇ tehꞈ-a. Kʼoeˇ miˇ neh, kʼoeˇ loꞈ-ehˇ gʼeh-eu tsawˇ haˬ deuˬ-ahˇ tsawˇ tsiˇ maˬ tsiˇ ni caw ba-eu gʼaˇ duˬ, naw maꞈ-ahˇ ngaˇ dawˬ biꞈ-eu ma.

Dawˬmehˬ 15:14

Sahˬpaˬ Miˬyehˇ neh nawˬ-ahˇ guiˬ lahˬ biꞈ laꞈ-euˬ deuˬ pyeuꞈ-eu yawˇ, dzaˬ la gʼo cehˇ hawˇ-eu, aˬ gaꞈ dzaˇ uiˇ deuˬ, tsawˇ tsiˇ maˬ tsiˇ ni aˬ yawꞈ-ahˇ ya biꞈ meh.

Dawˬmehˬ 24:13

Aˬ yawꞈ dm-awˇ yuꞈ-eu gʼaˇ duˬ, uˬ ciꞈ aˬ yawꞈ miˇ yawꞈ biꞈ kʼoꞈ nehˬ-awˬ. Kʼoeˇ loꞈ-ehˇ jahˇ naˇ, tsawˇ haˬ kʼoeˇ gʼaˬ nawˬ-ahˇ guiˬ lahˬ huiˬ tehꞈ-a. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ kʼawꞈ, nawˬ-ahˇ nui ma tsaˬ tehꞈ-a.

1 Tiˆmoˇseˬ 6:18

Aˬ cawˬ gʼaˇ duˬ yaw muiˬ jeˬ mˇ-eu, muiˬ-eu gaˇ gʼawˬ mya jeˬ mˇ-eu, tsawˇ tsiˇ maˬ tsiˇ ni damˬ nehˬ-eu, aˬ cawˬ-ahˇ caw ba nehˬ-eu, heu loꞈ-ehˇ gʼeh-eu deuˬ-ahˇ mˇ-awˬ lehˇ aˬ yawꞈ maꞈ-ahˇ mehˬ nehˬ-awˬ.

HeˬByehˇ 13:16

Yaw muiˬ jeˬ hawˇ-eu tiˬ gʼaˬ tiˇ gʼaˬ caw ba ngehˬ gʼeh-eu jeˬ-ahˇ maˬ ngehˇ ni mˇ-awˬ. Aˬ jeˬ miˇ neh ehˇ naˇ, kʼoeˇ-aˬ, Miˬyehˇ nui ma tsaˬ-eu lawˇ-eu shehˇ-eu jeˬ pyeuꞈ-eu meh.

HeˬByehˇ 6:10

Miˬyehˇ-aˬ, dawˇ coe ni yaˇ kʼaˬ daˇ-eu gʼaˬ meh. Naw maꞈ neh mˇ-euˬ gaˇ deuˬ-ahˇ aˬ yawꞈ maˬ ngehˇ-a. Naw maꞈ neh Ka li zaˬ cawˬ cawˬ caw ba dzeuˇ-euˬ laꞈ kʼoeˇ maˬ ehˇ, nymˬ-mˇ caw ba luꞈ-eu laꞈ kʼoeˇ maˬ ehˇ, aˬ yawꞈ-euˬ gʼoeˇ-eu gaˬ-eu jeˬ aˬ cawˬ mawˇ nya ni naw maꞈ neh mˇ-euˬ jeˬ-ahˇ maˬ ngehˇ-a.

Panmaeq 22:11

Yaw haiˬ jeˬ mˇ-eu tsawˇ haˬ deuˬ yaw haiˬ jeˬ mˇ tsaꞈ gʼeh-awˇ, yaw jawꞈ jeˬ mˇ-eu tsawˇ haˬ deuˬ yaw jawꞈ jeˬ mˇ tsaꞈ gʼeh luꞈ-uˇ. Yaw muiˬ jeˬ mˇ-eu tsawˇ haˬ deuˬ yaw muiˬ jeˬ mˇ tsaꞈ gʼeh-awˇ, muiˬ-eu shawˇ-eu tsawˇ haˬ deuˬ mehˬ hu paw muiˬ daˆ shawˇ daˆ leꞈ luꞈ-uˇ.

1 Saˬmeuˬlaˆ 2:1

Haˬnahˬ guiˬ lahˬ shaˇ-eu, “Sahˬpaˬ Miˬyehˇ, ngaˬ nui ma-ahˇ laˬ kʼaˬ cehˇ jeˬ bi byah-euˬ meh. Yawꞈ neh mˇ-euˬ gaˇ baˬ da neh, laˬ kʼaˬ cehˇ dui dui-eu laꞈ kʼoeˇ, Muiˇ-eu deuˬ-ahˇ ngaˇ uiˇ-eu ma. Miˬyehˇ caw ba laꞈ-euˬ miˇ neh, ngaˇ laˬ kʼaˬ cehˇ dui dui-eu ma.

1 Saˬmeuˬlaˆ 2:30

Ngaˇ-aˬ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ma. Nawˬ-euˬ nymˇ jiˇ hawˇ-eu nawˬ-euˬ aˇ jeuˬ-ahˇ, aˬ myah luꞈ ngaˬ-euˬ gaˇ mˇ-eu piˇ ma deuˬ bi geuꞈ ma lehˇ, dzeuˇ laˇ ngeh ngaˇ saˇ jaˇ dzaˬ taˬ-euˬ ma. Ehˇ kʼawꞈ, nymˬ-mˇ kʼoeˇ loꞈ-ehˇ maˬ paˇ geuꞈ nya meh lehˇ ngaˇ ehˇ-eu ma. Ngaˬ-ahˇ taˬ huiˬ-eu tsawˇ haˬ-ahˇ ngaˇ taˬ huiˬ nehˬ-awˇ, ngaˬ-ahˇ yaw zeu maˬ baw-eu tsawˇ haˬ-ahˇ ngaˇ yaw zeu maˬ baw.