Jaceuq 112:6 - Akha

⁶ Muiˬ-eu jaˬ-eu tsawˇ haˬ maˬ ya cawˆ-iˇ-a. Aˬ yawꞈ-ahˇ Miˬ yehˇ maˬ ngehˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Yawduq bawni tsaq-awr dawr-eu tsawrhaq-aq, Tiqjawr-iq nyinyi-aer maq ghaelarni zif-awr; Aqcawq, aqyawf-anr li-eu maqbawni noeqkeuv taef-a.

Jaceuq 112:6 Iomraidhean Croise

Neˬhaˬmiˇ 13:22

Jawˇ nah-ahˇ bi muiˬ bi shawˇ-eu gʼaˇ duˬ, yawˬ ha-euˬ gʼawˇ mawˇ shawˇ-awˇ meuˬ-euˬ lahˇ kʼehˬ deuˬ-ahˇ loꞈ-iˇ-awˬ lehˇ, Leˬbiˇ tsawˇ haˬ deuˬ-ahˇ ngaˇ ehˇ nehˬ-euˬ meh. Miˬyehˇ-oˇ, ngaˇ kʼoeˇ loꞈ-ehˇ mˇ-euˬ gaˇ kʼawꞈ, noeˬ keuˆ nehˬ laꞈ-awˇ, huiˬ dui dui-eu nawˬ-eu gʼoeˇ-eu gaˬ-eu jeˬ baˬ da neh ngaˬ-ahˇ gʼawˬ shaˬ gaˬ nehˬ laꞈ-awˬ.

Neˬhaˬmiˇ 13:31

Lawˇ gaˇ shehˇ gaˇ doꞈ-eu miˬ dzaˬ aˇ yamˬ tsaˬ tsaˬ ni yuˇ laꞈ-eu gʼaˇ duˬ maˬ ehˇ, keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ sha laˇ-eu gʼaˇ duˬ maˬ ehˇ, ngaˇ gaˇ kawˆ laˆ saˆ nehˬ-euˬ meh. Miˬyehˇ-oˇ, kʼoeˇ deuˬ dawˬ tawˆ luꞈ-ahˇ noeˬ keuˆ-awˇ, ngaˬ-ahˇ taˬ ngehˇ nehˬ laꞈ.

Jaceuq 125:1

Sahˬpaˬ Miˬyehˇ-ahˇ gʼoe-eu tsawˇ haˬ deuˬ-aˬ, tiˬ jawˇ-iˬ maˬ jiˆ maˬ paˇ laˇ ni ziꞈ-eu Ziˇoˬ gawˬ jawˬ-ahˇ duˇ-eu meh.

Jaceuq 15:5

aˇ liˬ yuˇdzaˬ-eu maˬbaw ni, biꞈpaˇngaˬpaˇnehˬ-eu tsawˇhaˬ, iˬbaˇmaˬahˇgaˇ kʼehˬ-eu lehˇ, laꞈnmꞈmaˬha geuꞈ-eu tsawˇhaˬ. kʼoeˇloꞈ-ehˇmˇ-eu tsawˇhaˬ-aˬ, maˬluˆlaˇni ya ziꞈtehꞈ-a.

Jaceuq 55:22

Nawˬ-euˬ shaˬ zahˬ Sahˬpaˬ Miˬyehˇ jawˇ gaˇ taˬ-awˬ. Aˬ yawꞈ nawˬ-ahˇ haw piˇ tehꞈ-a. Yaw tsaˬ yaw dawˇ tsawˇ haˬ-ahˇ aˬ yawꞈ maˬ bi coˬ-iˇ-a.

Jaceuq 55:23

Ehˇ kʼawꞈ Sahˬpaˬ Miˬyehˇ nawˇ-aˬ, tsawˇ haˬ-ahˇ sehꞈ-eu deuˬ hawˇ-eu jaˬ myawꞈ mehˇ shuiˇ deuˬ-ahˇ, saꞈ maˬ gʼawˇ tsehˆ mi naˆ-ehˇ lmˬ bymˇ-ahˇ bi uˇ-iˇ tehꞈ-a. Ehˇ kʼawꞈ, ngaˇ-aˬ, nawˬ-ahˇ gʼoe ma.

Jaceuq 62:2

Aˬ yawꞈ tehꞈ-ehˇ ngaˬ-ahˇ haw piˇ-awˇ ka kʼoꞈ nehˬ laꞈ-eu meh. Aˬ yawꞈ-aˬ, ngaˬ-euˬ gʼoe duˬ lo guˇ meh. Aˬ cawˬ ngaˬ-ahˇ guiˇ maˬ deuˆ gʼaˬ nya-a.

Jaceuq 62:6

Aˬ yawꞈ tehꞈ-ehˇ ngaˬ-ahˇ haw piˇ-awˇ ka kʼoꞈ nehˬ laꞈ-eu meh. Aˬ yawꞈ-aˬ, ngaˬ-euˬ gʼoe duˬ lo guˇ meh. Aˬ cawˬ ngaˬ-ahˇ guiˇ maˬ deuˆ gʼaˬ nya-a.

Dawqdaq 10:30

Yaw tsaˬ yaw dawˇ deuˬ ziꞈ dah ni ya jawˇ kʼawꞈ, yaw haiˬ deuˬ jawˇ duˬ dah kʼaˇ maˬ za-a.

Dawqdaq 10:7

Yaw tsaˬ yaw dawˇ tsawˇ haˬ-ahˇ noeˬ keuˆ-eu jeˬ guiˬ lahˬ baw-eu meh. Ehˇ kʼawꞈ, haiˬ-eu tsawˇ haˬ-euˬ tsawˇ myahˇ buꞈ-iˇ tehꞈ-a.

HeˬByehˇ 6:10

Miˬyehˇ-aˬ, dawˇ coe ni yaˇ kʼaˬ daˇ-eu gʼaˬ meh. Naw maꞈ neh mˇ-euˬ gaˇ deuˬ-ahˇ aˬ yawꞈ maˬ ngehˇ-a. Naw maꞈ neh Ka li zaˬ cawˬ cawˬ caw ba dzeuˇ-euˬ laꞈ kʼoeˇ maˬ ehˇ, nymˬ-mˇ caw ba luꞈ-eu laꞈ kʼoeˇ maˬ ehˇ, aˬ yawꞈ-euˬ gʼoeˇ-eu gaˬ-eu jeˬ aˬ cawˬ mawˇ nya ni naw maꞈ neh mˇ-euˬ jeˬ-ahˇ maˬ ngehˇ-a.