Jaceuq 110:5 - Akha

⁵ Sahˬpaˬ Miˬyehˇ nawˬ-euˬ aˇ maˇ paw jawˇ-awˇ, aˬ yawꞈ nui ma pehˇ laˇ ngeh, miˇ kʼahˬ sahˬ paˬ deuˬ-ahˇ deuˆ gʼaˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Sanqpaq Miqyaer, nawq-euq armar paw jawrluf-eu mae. Aqyawf nuima paer-eu arnan-anr, Mirkhanq sanqpaq deuq-anr nawqpyaevsaef taef-a.

Jaceuq 110:5 Iomraidhean Croise

Jaceuq 109:20

Sahˬpaˬ Miˬyehˇ-oˇ, ngaˬ-ahˇ yaw doeˇ ehˇ-eu muiˇ-eu deuˬ-ahˇ, kʼoeˇ loꞈ-ehˇ kʼehˬ nehˬ-awˬ.

Jaceuq 110:1

Ngaˬ-euˬ sahˬ paˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-ahˇ muiˇ-eu deuˬ-ahˇ nawˇ aˬ kuiˇ neh nawˬ tehˬ nya ni ngaˇ jahˇ gʼaˬ ngeh keuˆ ni, ngaˬ-euˬ aˇ maˇ paw nuiˇ tawˬ-awˬ.”

Jaceuq 16:8

SahˬpaˬMiˬyehˇngaˬnehˇjawˇ-eu, aˬmyah luꞈ ngaˇsiˬnya-eu ma. Ngaˬ-euˬdawˬpeh aˬyawꞈjawˇ-awˇ, laˆciˆ laˇ-eu jeˬ maˬjaˆ-a.

Jaceuq 68:14

Zaˬlaˬmoˬ gawˬ jawˬ-ahˇ jawˇ-eu sahˬ paˬ deuˬ-ahˇ, Baoˬ huiˬ-eu Miˬyehˇ teh byaˆ nehˬ ngeh, kʼoeˇ gaˇ neh bi ga le-euˬ meh.

Jaceuq 68:30

Aˇ toꞈ yaˇ-ahˇ uˇ-eu haiˬ-eu bawˇ tsahˬ jeˬ zaˬ-ahˇ duˇ-eu, Iˇjiˇtuˆ miˇ kʼahˬ-ahˇ nawˇ sawˇ dzeh-awˬ. Mawˇ neˇ mawˇ zaˬ sheuˬ-awˇ cah-eu mawˇ gaw deuˬ-ahˇ duˇ-eu tsawˇ jeuˬ kʼoeˇ deuˬ-ahˇ kʼawꞈ nawˇ sawˇ dzeh-awˬ. Aˬ cawˬ tsawˇ jeuˬ kʼoeˇ taˆ kawˬ taꞈ dzaˬ mawꞈ-eu deuˬ-ahˇ nawˇ nawˬ pahˬ-awˇ, guiˇ deuˆ mawꞈ-eu nui ma ahˇ-eu deuˬ-ahˇ teh byaˆ nehˬ-awˬ.

Haˬbaˬkuˆ 3:12

Nawˇ nui ma pehˇ dui dui laˇ-awˇ, miˇ tsaˬ nyiˬ tsehˆ-ehˇ iˇ-euˬ meh.

Maˬkuˆ 16:19

Sahˬpaˬ Yeˬsuˇ aˬ yawꞈ maꞈ-ahˇ dawˬ ngehˬ cawˬ gʼaˬ ngeh, aˬ yawꞈ-ahˇ mˬ kʼoeˇ taˆ sheuˬ kʼoꞈ daˆ leꞈ-awˇ, Miˬyehˇ-euˬ aˇ maˇ paw nuiˇ-euˬ meh.

Lormav 2:5

Ehˇ kʼawꞈ, nawˇ nui ma gʼahˇ dui dui-awˇ, naˬ bawˇ tuˇ-eu miˇ neh, Miˬyehˇ nui ma pehˇ-eu jeˬ hawˇ-eu dawˇ coe ni yaˇ kʼaˬ daˇ-eu jeˬ pah mehˬ le ngeh Nah, kʼoeˇ naˆ maˬ tseˇ gʼeh-eu kʼehˬ-eu kʼaˆ-eu jeˬ nawˬ-euˬ kʼoeˇ taˆ keuˆ le ni yawˬ haˇ yawˬ ha mˇ luꞈ gaˇ duˇ-eu meh.

Panmaeq 11:18

Nawˬ-euˬ nui pehˇ keuˆ le luꞈ-awˇ, shiˇ-eu deuˬ-ahˇ yaˇ kʼaˬ daˇ-eu aˇ yamˬ keuˆ le taˬ-euˬ miˇ neh, aˬ cawˬ tsawˇ jeuˬ tsawˇ ca kʼoeˇ deuˬ, nui ma pehˇ dui dui luꞈ-eu meh. Miˬyehˇ gʼaˇ duˬ ngehˬ dah nehˬ-euˬ, nawˬ-ahˇ yaw zeu baw-awˇ dehꞈ-eu, nawˬ-euˬ tsawˇ haˬ dawˬ tawˆ luꞈ-ahˇ, huiˬ zaˬ nyiˇ zaˬ maˬ tseˇ paˆ ni, guiˬ lahˬ biꞈ yamˬ keuˆ le-euˬ meh. Miˇ tsaˬ-ahˇ laˆ cawˆ-euˬ deuˬ-ahˇ, laˆ cawˆ kʼoꞈ yamˬ keuˆ le-euˬ meh.”