Jaceuq 11:4 - Akha

⁴ Uˬduˬtahˬnymˇyaw shawˇlaꞈkʼoeˇ, SahˬpaˬMiˬyehˇjawˇluꞈ-eu meh. Dzoeˬdzaˬnuiˇmahˬmˬ-ahˇjaˆ-awˇ, tsawˇhaˬzaˬ-ahˇhaw-eu laꞈkʼoeˇ, yawꞈmaꞈkʼaˇmˇkʼaˇshaˇ-eu jeˬ, yawˬjeˬna luꞈsiˬnya luꞈmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Ya’we Miqyaer-aq, aqyawf-euq shawr-eu uqduq tanqnymr nymrma-euq lafkhoer jawrluf-eu mae. Ya’we Miqyaer-euq nuirmanq-aq, mqtav mirkhanq-anr jav-awr, Aqyawf-euq myavnuiv hawluf-eu lafkhoer, Aqyawf-euq myavnuiv khovtaev tsawrhaq-euq zaqyo-anr tsermr luf-eu mae.

Jaceuq 11:4 Iomraidhean Croise

1 Laˬsaˬbaˬ 17:5

Iˇsaˬleˬlaˆ tsawˇ jeuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh ngaˇ ka kʼoꞈ doˆ nehˬ laꞈ ngeh nah neh iˬ nah keuˆ ni, uˬ duˬ tahˬ nymˇ laꞈ kʼoeˇ ngaˇ maˬ ya jawˇ haw-aˬ siˬ. Sehˬ gʼawˆ laꞈ kʼoeˇ tehꞈ-ehˇ jawˇ jawˇ-ehˇ cah luꞈ-eu ma.

2 Laˬsaˬbaˬ 16:9

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ yaw muiˬ paˬ-ehˇ haw luꞈ-awˇ, aˬ yawꞈ-ahˇ saˇ jaˇ ziꞈ-eu deuˬ-ahˇ gʼaˬ biꞈ luꞈ-eu meh. Nawˇ yaw muiˬ paˬ-ehˇ maˬ shaˇ noeˬ ni kʼoeˇ loꞈ-ehˇ mˇ lehˬ-euˬ miˇ neh, iˬ nah neh aˇ dahˬ beh-awˇ mehˬ hu paw dehꞈ daˆ leꞈ ngeh, nawˇ aˬ myah luꞈ guiˇ ya deuˆ tehꞈ-a.”

Yawˇbaˆ 24:23

Miˬyehˇ aˬ yawꞈ-ahˇ saˇ lehˆ ni bi dehꞈ tawˬ luꞈ kʼawꞈ, myaˆ nuiˆ tiˬ pyawˬ aˬ yawꞈ-ahˇ haw tsoˆ taˬ-euˬ meh.

Jaceuq 103:19

Sahˬpaˬ Miˬyehˇ-aˬ, aˬ yawꞈ-euˬ dzoeˬ dzaˬ nuiˇ mahˬ mˬ kʼoeˇ taˆ bi jaˆ-awˇ, dawˬ tawˆ kʼoeˇ taˆ sahˬ paˬ geuꞈ luꞈ-eu meh.

Jaceuq 113:5

Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ duˇ-eu tiˬ gʼaˬ-iˬ maˬ jawˇ-a. Yaw goˇ-ahˇ aˬ yawꞈ jawˇ luꞈ kʼawꞈ,

Jaceuq 139:23

Miˬyehˇ-oˇ, ngaˬ-ahˇ pyehˆ tseˇ-awˇ ngaˬ-euˬ nui ma poˆ duˬ-awˬ. Ngaˬ-ahˇ lawˬ haw-awˇ ngaˬ-euˬ nui noeˬ nui duˇ tseˇ duˬ-awˬ.

Jaceuq 14:2

Miˇtsaˬtsawˇhaˬzaˬdeuˬlaꞈkʼoeˇ, noeˬsiˬnya-eu tsawˇhaˬkeuˬ-awˇ, Miˬyehˇ-ahˇpoˆluꞈnga loˇlehˇ, Mˬtaˆjawˇ-eu SahˬpaˬMiˬyehˇ, miˇtsaˬzaˬdeuˬ-ahˇhaw luꞈmeh.

Jaceuq 18:6

Nui ma shaˬzahˬnaꞈ-eu miˇneh, SahˬpaˬMiˬyehˇ-ahˇkuˇ-euˬma. Ngaˬ-ahˇcaw ba le-eu gʼaˇduˬ, ngaˬ-euˬMiˬyehˇ-ahˇguˇ-euˬma. Uˬduˬtahˬnymˇnymˇma laꞈkʼoeˇ, ngaˬ-euˬteˇsaˇaˬyawꞈgaˬ-awˇ, ngaˬneh shaˇ-euˬshaˇdawˬdeuˬ-ahˇ, aˬyawꞈnaˇhaˬnehˬlaꞈ-euˬmeh.,

Jaceuq 2:4

Aˬyawꞈmaˬ-euˬ bawˬtoˆkʼoeˇ-ahˇ, mˬtaˆ dzoeˬdzaˬnuiˇmahˬdziˬ-eu, Sahˬpaˬ Miˬyehˇ uiˇyoeˇ-eu meh.

Jaceuq 33:13

SahˬpaˬMiˬyehˇ haw ka leꞈ-awˇ, tsawˇhaˬzaˬ-ahˇ mawˇjiˇluꞈmeh.

Jaceuq 44:21

Miˬyehˇmaˬsiˬ-ehˇjawˇnmˇloˇ. Nui noeˬnoeˬkʼoeˬ-euˬgaˇkeuˆni, aˬyawꞈsiˬjiˇmawˇjiˇluꞈmeh.

Jaceuq 66:7

Aˬ yawꞈ-euˬ baoˬ-ahˇ gʼoe-awˇ mˬ maˬ maˬ byaˆ zaˇ ziˇ uˆ lahˇ-eu laꞈ kʼoeˇ, tsawˇ jeuˬ dawˬ tawˆ luꞈ-ahˇ myaˆ nuiˆ haw luꞈ-awˇ, tsawˇ haˬ tiˬ gʼaˬ-iˬ aˬ yawꞈ-ahˇ maˬ bi puiˬ-a.

Jaceuq 9:11

Ziˇoˬmeuˬ-ahˇ uˆlahˇ luꞈ-eu, SahˬpaˬMiˬyehˇ-ahˇja ceuˬ-awˬ. Aˬyawˬneh mˇ-euˬ gaˇkawˆdeuˬ, tsawˇjeuˬdawˬtawˆ-ahˇdzawˇnehˬ-awˬ.

Dawqdaq 15:3

Miˬyehˇ mehˬ shi baˇ zaꞈ maˬ jaˆ. Muiˬ muiˬ doeˇ doeˇ yehˇ mawˇ jiˇ meh.

Iˇsaˬyaˇ 66:1

Sahˬpaˬ Miˬyehˇ heu loꞈ-ehˇ ehˇ-eu meh. “Mˬ maˬ ngaˬ-euˬ nuiˇ duˬ pyeuꞈ-awˇ, miˇ maˬ aˬ kuiˇ cawˬ taˬ duˬ ma. Naw maꞈ ngaˬ-euˬ gʼaˇ duˬ nymˇ aˬ joˆ-ehˇ tsoˆ-awˇ, ngaˬ-ahˇ aˬ geu gaˇ bi jawˇ-eu gʼeh te.

Yeˬlaˬmiˇ 17:10

Sahˬpaˬ Miˬyehˇ pyeuꞈ-eu ngaˇ-aˬ, tsawˇ haˬ zaˬ-euˬ nui ma-ahˇ pyehˆ tseˇ-awˇ, yaw gʼoꞈ yaw dawˇ lawˬ haw-eu ma. Tsawˇ haˬ zaˬ-euˬ dehꞈ jeˬ dehꞈ kawˆ-ahˇ ngaˇ haw-awˇ, yawˬ gʼaˬ na luꞈ-ahˇ kʼaˇ oꞈ kʼaˇ geuˇ-eu loꞈ-ehˇ, yaw muiˬ yaw doeˇ guiˬ lahˬ ngaˇ biꞈ-eu ma.”

Yeˬlaˬmiˇ 23:24

Tiˬ tsahˇ tehꞈ-ehˇ jawˇ-eu Miˬyehˇ maˬ ngeuˇ. Tsawˇ haˬ tiˬ gʼaˬ-iˬ ngaˇ maˬ mawˇ gaˇ maˬ cehˆ zaꞈ nya-a. Mˬ hawˇ-eu miˇ tsaˬ yawˬ gaˇ na luꞈ doe ni, ngaˇ jawˇ luꞈ-eu gaˇ kawˆ naw maꞈ maˬ siˬ nya te loˇ.

Miˇkaˬ 1:2

Tsawˇ jeuˬ dawˬ tawˆ luꞈ naˇ haˬ sheˇ. Miˇ tsaˬ tsawˇ haˬ zaˬ dawˬ tawˆ luꞈ, naˬ bawˇ ciˬ kʼmˇ-awˇ naˇ haˬ sheˇ. Naw maꞈ yaw doeˇ mˇ-euˬ gaˇ kawˆ, Baoˬ huiˬ-eu Sahˬpaˬ Miˬyehˇ-aˬ, naw maꞈ-ahˇ saˇ kiˇ kamˬ tehꞈ-a. Naˇ haˬ sheˇ. Mˬ taˆ aˬ yawꞈ-euˬ nymˇ laꞈ kʼoeˇ, aˬ yawꞈ dawˬ ngehˬ gaˇ naˇ haˬ sheˇ.

Haˬbaˬkuˆ 2:20

Ehˇ kʼawꞈ huiˬ-eu Sahˬpaˬ Miˬyehˇ, yawꞈ-euˬ muiˬ-eu nymˇ shawˇ pyeuꞈ-eu, Uˬ duˬ tahˬ nymˇ laꞈ kʼoeˇ jawˇ meh. Miˇ tsaˬ zaˬ yawˬ gʼaˬ yawˬ na luꞈ, aˬ yawꞈ mehˬ shi ciˬ cuˇ jawˇ-awˬ.

Zaˬkaˬliˇ 2:13

Tsawˇ haˬ yawˬ gʼaˬ na luꞈ Sahˬpaˬ Miˬyehˇ mehˬ shi ciˬ cuˇ ni jawˇ-awˬ. Aˬ jeˬ miˇ neh ehˇ naˇ, aˬ yawꞈ-euˬ muiˬ-eu shawˇ-eu jawˇ duˬ-ahˇ neh aˬ yawꞈ luˆ laˇ-awˇ oe luꞈ meh.

Maꞈtehˬ 23:21

Uˬ duˬ tahˬ nymˇ nymˇ ma-ahˇ gʼoe-awˇ kamˬ naˇ, Uˬ duˬ tahˬ nymˇ nymˇ ma hawˇ-eu kʼoeˇ-euˬ laꞈ kʼoeˇ jawˇ-eu Miˬyehˇ-ahˇ gʼoe-awˇ kamˬ-eu meh.

Maꞈtehˬ 5:34

Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Kamˬ-eu jeˬ tiˬ pawꞈ-iˬ taˬ mˇ. Mˬ-ahˇ gʼoe-awˇ neh kʼawꞈ taˬ kamˬ. Aˬ jeˬ miˇ neh ehˇ naˇ, kʼoeˇ-aˬ, Miˬyehˇ-euˬ nuiˇ mahˬ meh.

Gʼaˬkʼehˇ 7:49

‘Mˬ maˬ ngaˬ-euˬ dzoeˬ dzaˬ nuiˇ mahˬ, miˇ maˬ ngaˬ-euˬ kuiˇ nawˬ kʼawˬ boˆ, Naw maꞈ ngaˇ paˇ bi jawˇ-eu lehˇ, nymˇ aˬ joˆ-ehˇ tsoˆ-eu gʼeh te. Ngaˇ jawˇ naˬ mˇ nya-eu jawˇ duˬ, nui gaˇ aˬ geu tsahˇ paˇ jaˆ ta.

2 Teˇsaˬloˇni 2:4

Tsawˇ haˬ zaˬ uˬ duˬ kʼaˇ tahˬ-eu yaw sahˇ hawˇ-eu miˬ yehˇ deuˬ-ahˇ aˬ yawꞈ muiˇ-awˇ, kʼoeˇ deuˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ-eu geuꞈ tehꞈ-a. Miˬyehˇ-euˬ Uˬ duˬ tahˬ nymˇ nymˇ ma-ahˇ keuˆ ni aˬ yawꞈ uˇ leˇ-awˇ nuiˇ-eu laꞈ kʼoeˇ, yawˬ haˇ yawˬ ha Miˬyehˇ tsaˬ geuꞈ tehꞈ-a.

HeˬByehˇ 4:13

Miˬyehˇ-euˬ mehˬ shi dehˬ kaˬ zaꞈ taˬ nya-eu tiˬ jeˬ-iˬ maˬ jaˆ-a. Kʼaˇ beh taˬ-euˬ yawˬ jeˬ na luꞈ aˬ yawꞈ-euˬ myaˆ nuiˆ mehˬ shi bya cehˆ ni pah dzeh taˬ-euˬ gaˇ duˇ-eu meh. Aˬ dui neh kʼaˇ mˇ kʼaˇ shaˇ taˬ-euˬ jeˬ dawˬ tawˆ luꞈ, aˬ yawꞈ mehˬ shi aˬ dui ya dzawˇ mehˬ leˇ-eu meh.

Panmaeq 4:2

Kʼoeˇ ngeh, tiˬ poˆ tehꞈ-ehˇ Yaw sahˇ Miˬyehˇ ngaˬ-ahˇ uˆ lahˇ le-euˬ meh. Mˬ kʼoeˇ taˆ dzoeˬ dzaˬ nuiˇ mahˬ tiˬ mahˬ jaˆ-awˇ, tsawˇ haˬ tiˬ gʼaˬ nuiˇ luꞈ-eu meh.