Jaceuq 109:28 - Akha

²⁸ Aˬ yawꞈ maꞈ ngaˬ-ahˇ yaˬ kʼehˇ yaˬ kʼawꞈ, nawˇ ngaˬ-ahˇ guiˬ lahˬ biꞈ tehꞈ-a. Ngaˬ-ahˇ kʼehˬ-eu deuˬ bi shaꞈ dawˇ-iˇ-awˇ, nawˬ-euˬ zaˬ kʼaˆ ngaˇ gʼaˬ laˬ kʼaˬ bi cehˇ laꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Aqyawfmaf, yaqkhaer yaq-eu khawf, nawr guiqlanq bifnaeq laf-awr; Aqyawfmaf turlar ngae, aqyawfmaf bi shafdawr-ir-awr; Nawq-euq kuirlaf zaqkhav-anr-aq, laqkhaq bicaer-awq.

Jaceuq 109:28 Iomraidhean Croise

Jaceuq 109:17

Aˬ yawꞈ aˬ cawˬ-ahˇ yaˬ kʼehˇ yaˬ-eu loꞈ-ehˇ, yaˬ kʼehˇ yaˬ nehˬ gaˇ ya daˬ poˆ luꞈ-uˇ. Aˬ yawꞈ aˬ cawˬ-ahˇ guiˬ lahˬ maˬ biꞈ mawꞈ-eu loꞈ-ehˇ, aˬ yawꞈ-ahˇ guiˬ lahˬ biꞈ-eu gʼaˬ maˬ jawˇ ni pyeuꞈ-iˇ luꞈ-uˇ.

Dawqdaq 26:2

Iˬ baˇ maˬ naꞈ gaˇ yaˬ kʼehˇ yaˬ-eu jeˬ-aˬ, maˬ ga dawꞈ le ni yaw dzeuˇ gʼeh-eu aˇ jiˇ-ahˇ duˇ-eu meh.

Bawˇtsahˬ 22:12

Miˬyehˇ ehˇ-eu, “Tsawˇ haˬ heu deuˬ nehˬ-ehˇ le-awˬ. Iˇsaˬleˬlaˆ tsawˇ haˬ deuˬ-ahˇ yaˬ kʼehˇ taˬ yaˬ. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ-aˬ, guiˬ lahˬ za taˬ-euˬ tsawˇ jeuˬ pyeuꞈ-eu meh.”

Bawˇtsahˬ 23:20

Dawˬ ngehˬ gʼeh nehˬ-awˬ lehˇ ngaˬ-ahˇ aˬ yawꞈ mehˬ-eu meh. Miˬyehˇ neh dawˬ ngehˬ gʼeh nehˬ-eu jeˬ-ahˇ, ngaˇ maˬ laˆ paˇ nya-a.

Bawˇtsahˬ 23:23

Mah loˬ jaˬ nehꞈ zmˬ-awˇ, Iˇsaˬleˬlaˆ tsawˇ haˬ-ahˇ maˬ laˆ deuˬ nya-a. ‘Haw sheˇ. Iˇsaˬleˬlaˆ tsawˇ haˬ deuˬ-ahˇ Miˬyehˇ aˬ joˆ-ehˇ jahˇ nehˬ-eu nga’ lehˇ, aˬ cawˬ ya ehˇ gaˇ keuˆ tehꞈ-a.

Yoˇhaˬ 16:22

Naw maꞈ kʼawꞈ, kʼoeˇ gaˇ duˇ-eu meh. Nymˬ-mˇ naw maꞈ ya noeˬ shaˬ-eu meh. Ehˇ kʼawꞈ, naw maꞈ-ahˇ ngaˇ paˇ haw mawˇ le ngeh, naw maꞈ laˬ kʼaˬ cehˇ dui dui tehꞈ-a. Kʼoeˇ ngeh jawˇ, naw maꞈ laˬ kʼaˬ cehˇ-eu jeˬ-ahˇ tiˬ gʼaˬ-iˬ maˬ paˇ lu doˆ geuꞈ gʼeh nya-aˇ.

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.