Jaceuq 109:27 - Akha

²⁷ Nawˇ ngaˬ-ahˇ ka kʼoꞈ-eu gʼaˬ pyeuꞈ-eu gaˇ kawˆ, ngaˬ-ahˇ muiˇ-eu deuˬ-ahˇ bi siˬ leˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Heu-aq, nawq-euq aqlaf nae mr-euq ngar-a laer, aqyawf maf-anr bi siqnya-awr; Ya’we Miqyaer, nawq nae heujeq mr-euq ngar-a laer bi siqler-awq.

Jaceuq 109:27 Iomraidhean Croise

Eˇzaˬlaˬ 7:6

Eˇzaˬlaˬ kʼoeˇ gʼaˬ Baˬbuˇloˬ miˇ kʼahˬ-ahˇ neh gʼoꞈ doˆ laˇ-euˬ meh. Aˬ yawꞈ-aˬ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh Moˇseˬ-ahˇ biꞈ-euˬ zahˇ dawˬ kʼoꞈ dawˬ siˬ nya dui dui-eu zahˇ dzoeˬ miˬ ma tiˬ gʼaˬ pyeuꞈ-eu meh. Eˇzaˬlaˬ-aˬ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ-euˬ guiˬ lahˬ za-euˬ tsawˇ haˬ pyeuꞈ-eu miˇ neh, aˬ yawꞈ kʼaˇ shaˇ-eu jeˬ sahˬ paˬ aˬ yawꞈ-ahˇ biꞈ-euˬ meh.

Neˬhaˬmiˇ 6:16

Nga maꞈ-euˬ jawˬ jawˬ-ehˇ jawˇ-eu nga maꞈ-ahˇ muiˇ-eu aˬ cawˬ tsawˇ jeuˬ deuˬ gaˇ kawˆ kʼoeˇ ya gaˬ ngeh, aˬ yawꞈ maꞈ-euˬ myaˆ pyawˬ naˇ mehˇ maˬ jaˆ-ehˇ pyeuꞈ-iˇ-euˬ meh. Aˬ jeˬ miˇ neh ehˇ naˇ, Miˬyehˇ caw ba-eu miˇ neh gaˇ kʼoeˇ mˇ pyeuꞈ nya-euˬ gaˇ kawˆ, yawˬ gʼaˬ na luꞈ siˬ duˬ-eu meh.

Yawˇbaˆ 37:7

Tsawˇ haˬ zaˬ mˇ-eu gaˇ naˬ leˇ ni aˬ yawꞈ jahˇ-awˇ, aˬ yawꞈ gaˇ mˇ luꞈ-eu bi siˬ bi mawˇ-eu meh.

Jaceuq 126:2

Aˬ dui laˬ kʼaˬ cehˇ dui dui-awˇ uiˇ-euˬ laꞈ kʼoeˇ, laˬ kʼaˬ cehˇ-eu caˇ dawˬ caˇ dui dui-euˬ ma. Kʼoeˇ ngeh, aˬ dui gʼaˇ duˬ Sahˬpaˬ Miˬyehˇ, huiˬ-eu jeˬ mˇ-euˬ gaˇ kawˆ-ahˇ, miˇ kʼahˬ tsawˇ jeuˬ deu ja-eu meh.

Doˆ-iˇ 8:19

Kʼoeˇ ngeh, “Heu-aˬ, Miˬyehˇ neh mˇ-euˬ jeˬ pyeuꞈ-eu ngaˇ” lehˇ, mah loˬ nya-eu tsawˇ haˬ kʼoeˇ deuˬ sahˬ paˬ-ahˇ ehˇ neh-euˬ meh. Ehˇ kʼawꞈ, Sahˬpaˬ Miˬyehˇ neh ehˇ taˬ-euˬ loꞈ-ehˇ, sahˬ paˬ kʼoeˇ gʼaˬ nui ma gʼahˇ-awˇ, Moˇseˬ hawˇ-eu Aˬ loˬ-euˬ ehˇ dawˬ maˬ naˇ haˬ ni jawˇ-euˬ meh.

Gʼaˬkʼehˇ 4:16

Aˬ yawꞈ maꞈ ehˇ-eu, “Tsawˇ haˬ heu nyiˬ gʼaˬ-ahˇ aˬ joˆ-ehˇ jahˇ nehˬ paˬ nga. Tsawˇ haˬ zaˬ maˬ mˇ nya-eu zahˬ leˇ paˬ-ehˇ gʼeh-eu gaˇ heu hmˬ aˬ yawꞈ nyaꞈ neh mˇ-euˬ meh lehˇ Yeˬluˇsaˬlehˬ meuˬ meuˬ lah ni siˬ nya-euˬ miˇ neh, aˬ dui tsawˇ pyehˇ maˬ paˇ pyehˇ nya ngaˇ.