Jaceuq 109:23 - Akha

²³ Uˬ ciꞈ paw naˇ shmˇ shmˇ le-eu loꞈ-ehˇ ngaˬ-euˬ ziˇ jiˇ le shaw-iˬ-awˇ, nyehˇ bahˇ loꞈ-ehˇ jaˬ lehˇ neh hehˇ dzaˬ gʼeh miˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Ngar-aq, arnan jirle-eu naeq-aer, narshmr lof-aer byov-ir luf-awr; Ngar-aq, nyaevbanr lof-aer bi juifdzae ghaeluf mir-a.

Jaceuq 109:23 Iomraidhean Croise

1 Laˬsaˬbaˬ 29:15

Sahˬpaˬ Miˬyehˇ-oˇ, nga maꞈ yaw dehꞈ dehꞈ-eu jeˬ-aˬ, aˇ hu nga maꞈ-euˬ aˬ poeˬ aˬ bawˇ deuˬ dehꞈ dzeuˇ yaꞈ-euˬ loꞈ-ehˇ, boeˇ miˬ siˬ kʼaˬ loꞈ-ehˇ jawˇ duˬ maˬ dah leˇ nya ni doe doe-ehˇ cah-awˇ ya dehꞈ gaˇ duˇ-eu nawˇ siˬ luꞈ meh. Nga maꞈ-euˬ aˇ nah aˇ yamˬ-aˬ, byoˆ-iˇ luꞈ-eu naˇ shmˇ-ahˇ duˇ-awˇ, shiˇ-eu jeˬ-ahˇ nga maꞈ maˬ tsehˆ dzeuˇ nya-a.

Yawˇbaˆ 14:2

Yaw kawˇ-ehˇ poˬ laˇ-eu aˇ yehˆ, yaw kawˇ-ehˇ nyoeˬ-iˇ gaˇ duˇ-awˇ, naˇ shmˇ loꞈ-ehˇ byoˆ-iˇ-eu meh.

Jaceuq 102:12

Ehˇ kʼawꞈ, Sahˬpaˬ Miˬyehˇ nawˇ mˬ maˬ maˬ byaˆ zaˇ ziˇ uˆ lahˇ-eu sahˬ paˬ pyeuꞈ-awˇ, dehꞈ daˆ leꞈ-eu yawˬ ziˇ na luꞈ nawˬ-ahˇ gʼawˬ shaˬ gaˬ nehˬ tehꞈ-a.

Jaceuq 144:4

Aˬ yawꞈ-aˬ, saꞈ tiˬ poˆ gʼawˇ dah-euˬ myah ni gmˬ-eu tehꞈ meh. Aˬ yawꞈ-euˬ ziˇ-aˬ, naˇ shmˇ shmˇ-iˇ-eu naˆ ni tehꞈ meh.

Doˆ-iˇ 10:13

Moˇseˬ aˬ yawꞈ-euˬ gawˬ yoeˬ yuˇ-awˇ, Iˇjiˇtuˆ miˇ kʼahˬ kʼoeˇ taˆ cawˬ ja ngeh, Iˇjiˇtuˆ miˇ kʼahˬ kʼoeˇ taˆ, nahˇ ma doˆ kʼehˬ paw-euˬ jaˬ lehˇ tiˬ nah tiˬ miˇ keuˆ ni Sahˬpaˬ Miˬyehˇ neh bi baw-euˬ meh. Uˬ shawˬ keuˆ le ngeh, jaˬ lehˇ kʼoeˇ nyehˇ bahˇ hehˇ ahˇ laꞈ-euˬ meh.

Doˆ-iˇ 10:19

Sahˬpaˬ Miˬyehˇ-aˬ, kʼaˆ dui dui-eu jaˬ lehˇ tiˬ bahˬ nahˇ ma ga kʼehˬ paw neh paˇ bi baw gʼeh laꞈ-awˇ, jaˬ lehˇ kʼoeˇ bahˬ neh nyehˇ bahˇ kʼoeˇ deuˬ-ahˇ iˬ ma laˆ shaˆ Yaw neˇ laꞈ kʼoeˇ hehˇ puꞈ gʼeh-euˬ meh. Kʼoeˇ ngeh, Iˇjiˇtuˆ miˇ kʼahˬ kʼahˬ lah ni, nyehˇ bahˇ tiˬ mawˇ-iˬ maˬ jawˇ-ehˇ pyeuꞈ-iˇ-euˬ meh.)

Dawˬ tsoˆ 6:12

Gaˇ dahˇ maˬ tsoeˬ-eu tiˬ kʼehˇ laˇ kʼehˬ yaw dehꞈ ya dehꞈ-eu aˇ yamˬ heu laꞈ kʼoeˇ, tsawˇ haˬ zaˬ gʼaˇ duˬ muiˬ dzehˬ-eu jeˬ-ahˇ, aˬ suˇ gʼaˬ siˬ nya nmˇ. Yaw dehꞈ dehꞈ-eu jeˬ-aˬ, naˇ shmˇ shmˇ le-eu loꞈ-ehˇ tiˬ kʼehˇ laˇ kʼehˬ laꞈ kʼoeˇ iˇ byoˆ gʼeh nya-eu meh. Yawˬ ha shiˇ dzeuˇ ngeh, nahˇ ma heu siˬ uˬ moˆ aˬ joˆ-ehˇ pyeuꞈ laˇ-eu gaˇ kawˆ aˬ suˇ gʼaˬ siˬ nya nmˇ.

Dawˬ tsoˆ 8:13

Ehˇ kʼawꞈ, haiˬ-eu tsawˇ haˬ deuˬ ya shaˬ ya zahˬ tehꞈ-a. Aˬ yawꞈ maꞈ Miˬyehˇ ehˇ dawˬ maˬ naˇ haˬ-eu miˇ neh, dehꞈ ziˇ maˬ shehˇ-ehˇ, naˇ shmˇ shmˇ-eu loꞈ-ehˇ tiˬ kʼehˇ laˇ kʼehˬ laꞈ kʼoeˇ byoˆ-iˇ tehꞈ-a.”

Yaˬkoˆ 4:14

Ni shawˬ nah nawˇ yaw dehꞈ dehꞈ-eu aˬ joˆ-ehˇ pyeuꞈ laˇ-eu gaˇ kawˆ nawˇ siˬ nya te loˇ. Naw maꞈ-aˬ, tiˬ kʼehˇ kʼehˬ tehꞈ-ehˇ ya mawˇ-awˇ byoˆ-iˇ-eu iˇ cuꞈ saꞈ kʼoeˬ-ahˇ duˇ-eu meh.