Jaceuq 107:2 - Akha

² Aˬ yawꞈ neh ka kʼoꞈ nehˬ-euˬ tsawˇ haˬ dawˬ tawˆ luꞈ-oˇ, Sahˬpaˬ Miˬyehˇ-ahˇ tiˬ poˆ saˇ-iˬ tiˬ poˆ ja ceuˬ-awˬ. Muiˇ-eu deuˬ aˬ laꞈ laꞈ kʼoeˇ, aˬ yawꞈ naw maꞈ-ahˇ ka kʼoꞈ-awˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Muir-eu ghaq-euq aqlaf-anr nae, Miqyaer nae bi kakhof-euq tsawrhaq, Ya’we Miqyaer-euq kakhof-eu jeq za-euq tsawrhaq ngaeqdov lef-awq.

Jaceuq 107:2 Iomraidhean Croise

Jaceuq 106:10

Aˬ yawꞈ maꞈ-ahˇ bye-eu deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ muiˇ-eu deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ka kʼoꞈ-euˬ meh.

Jaceuq 130:8

Aˬ yawꞈ-euˬ tsawˇ haˬ pyeuꞈ-eu Iˇsaˬleˬlaˆ tsawˇ jeuˬ-ahˇ, iˬ baˇ dawˬ tawˆ luꞈ laꞈ kʼoeˇ aˬ yawꞈ ka kʼoꞈ tehꞈ-a.

Jaceuq 31:5

Ngaˬ-euˬsaˬlaˇgʼawˇmawˇdawˬtawˆ, nawˬ-euˬlaꞈ-ahˇ a nehˬ-eu ma. Saˇjaˇziꞈ-eu Miˬyehˇpyeuꞈ-eu, SahˬpaˬMiˬyehˇnawˬneh ngaˬ-ahˇ, gʼawˬshaˬgaˬ-awˇka kʼoꞈ-euˬmeh.

Doˆ-iˇ 15:16

Noeˬ shaˬ noeˬ zahˬ-awˇ guˆ-eu jeˬ, tsawˇ haˬ kʼoeˇ deuˬ kʼoeˇ taˆ keuˆ le-euˬ meh. Sahˬpaˬ Miˬyehˇ-oˇ, nawˬ-euˬ baoˬ-ahˇ aˬ yawꞈ maꞈ ya mawˇ-awˇ, aˬ cawˬ zaˬ kʼaˆ geuˬ-eu laꞈ kʼoeˇ nawˬ neh bi buˬ-iˇ-euˬ nawˬ-euˬ tsawˇ haˬ deuˬ maˬ iˇ dzeuˇ kʼoeˇ keuˆ ni, guˆ-eu laꞈ kʼoeˇ, tiˬ gaˇ-iˬ uˬ duˬ tahˬ shaˇ kʼaˇ maˬ za ni aˬ yawꞈ maꞈ jawˇ luꞈ-eu meh.

Iˇsaˬyaˇ 35:9

Aˇ laˬ jaˬ shiˇ deuˬ kʼoeˇ gaˇ maˬ jawˇ-ehˇ, haiˬ-eu jeˬ zaˬ kʼoeˇ gaˇ maˬ cah tsehˆ-a. Sahˬpaˬ Miˬyehˇ neh ka kʼoꞈ nehˬ-euˬ tsawˇ haˬ deuˬ, iˇ kahˇ gʼoꞈ leˇ-eu gaˇ ma meh.

Iˇsaˬyaˇ 43:1

Iˇsaˬleˬlaˆ-oˇ, nawˬ-ahˇ beh-euˬ Miˬyehˇ heu loꞈ-ehˇ ehˇ-eu meh. “Taˬ guˆ. Nawˬ-ahˇ ngaˇ ka kʼoꞈ ma. Nawˬ-ahˇ ngaˇ tsawˇ myahˇ kuˇ-awˇ tseˇ-euˬ ma. Nawˇ ngaˬ-euˬ tsawˇ haˬ ma.

Iˇsaˬyaˇ 44:22

Mˬ dmˇ lawˬ-iˇ-eu loꞈ-ehˇ nawˬ-euˬ iˬ baˇ ngaˇ shiˆ shawˇ gʼaˬ-euˬ ma. Ngaˇ jawˇ gaˇ gʼoꞈ laˇ-awˬ. Ngaˇ nawˬ-ahˇ ka kʼoꞈ-eu gʼaˬ ma.”

Iˇsaˬyaˇ 62:12

“Miˬyehˇ-euˬ muiˬ-eu shawˇ-eu tsawˇ jeuˬ” lehˇ, “Sahˬpaˬ Miˬyehˇ neh ka kʼoꞈ nehˬ-euˬ tsawˇ jeuˬ” lehˇ, aˬ cawˬ naw maꞈ-ahˇ kuˇ tehꞈ-a. “Miˬyehˇ gaˬ-eu meuˬ” lehˇ, “Miˬyehˇ maˬ byehˇ dzeh-eu meuˬ” lehˇ, Yeˬluˇsaˬlehˬ meuˬ-ahˇ ya kuˇ tehꞈ-a.

Iˇsaˬyaˇ 63:4

Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu, aˇ yamˬ keuˆ laˇ-euˬ ngaˇ noeˬ tsehˆ-eu ma. Aˬ yawꞈ maꞈ-ahˇ muiˇ-eu deuˬ-ahˇ kʼehˬ-eu aˇ yamˬ tsaˬ laˇ-euˬ meh.

Yeˬlaˬmiˇ 15:21

Maˬ tsaˬ maˬ dawˇ-eu tsawˇ haˬ yaw haiˬ deuˬ-euˬ baoˬ uˬ moˆ, nawˬ-ahˇ ngaˇ ka kʼoꞈ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 31:11

Iˇsaˬleˬlaˆ tsawˇ jeuˬ-ahˇ ngaˇ bi buˬ-iˇ-awˇ, baoˬ huiˬ-eu tsawˇ jeuˬ-euˬ laꞈ-ahˇ neh ka kʼoꞈ doˆ-euˬ ma.

Miˇkaˬ 4:10

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, zaˬ baw-eu shaˬ luꞈ-eu zaˬ miˬ zaˬ tiˬ gʼaˬ loꞈ-ehˇ teuˆ teuˆ-ehˇ ngoeˇ-awˬ. Aˬ jeˬ miˇ neh ehˇ naˇ, nymˬ-mˇ neh naw maꞈ meuˬ laꞈ nyiˇ ya doˆ-iˇ-awˇ, deh ga buˇ deˬ-ahˇ ya jawˇ-iˇ tehꞈ-a. Baˬbuˇloˬ miˇ kʼahˬ-ahˇ naw maꞈ ya jawˇ-iˇ tehꞈ-a. Ehˇ kʼawꞈ, muiˇ-eu deuˬ-euˬ laꞈ-ahˇ neh, kʼoeˇ gaˇ Sahˬpaˬ Miˬyehˇ naw maꞈ-ahˇ ka kʼoꞈ tehꞈ-a.

Luˇkaꞈ 1:68

“Aˬ yawꞈ-euˬ tsawˇ haˬ deuˬ shaˬ gaˇ, ka kʼoꞈ doˆ nehˬ le-euˬ miˇ neh, Iˇsaˬleˬlaˆ Miˬyehˇ pyeuꞈ-eu, SahˬpaˬMiˬyehˇ-ahˇ ja ceuˬ ma.

Luˇkaꞈ 24:21

Aˬ yawꞈ Iˇsaˬleˬlaˆ tsawˇ jeuˬ-ahˇ ka kʼoꞈ tehꞈ-a lehˇ nga maꞈ jah-euˬ ma. Kʼoeˇ uˬ taꞈ, kʼoeˇ loꞈ-ehˇ pyeuꞈ dzeuˇ yaꞈ-euˬ smˬ nah byah laˇ-euˬ meh.

Gaˬlaˬtiˆ 3:13

Ehˇ kʼawꞈ, aˬ dui gʼaˇ duˬ yaˬ kʼehˇ yaˬ-eu jeˬ-ahˇ Ka li daˬ-awˇ, Zahˇ dawˬ kʼoꞈ dawˬ neh aˬ dui kʼoeˇ taˆ bi keuˆ le-euˬ yaˬ kʼehˇ yaˬ-eu jeˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-euˬ meh. Aˬ jeˬ miˇ neh ehˇ naˇ, “Aˇ bawˇ kʼoeˇ taˆ kʼaˇ paꞈ gʼeu sehꞈ-euˬ tsawˇ haˬ-aˬ, Miˬyehˇ neh yaˬ kʼehˇ yaˬ nehˬ-euˬ jeˬ-ahˇ ya daˬ-euˬ tsawˇ haˬ meh” lehˇ, Jaˇ liꞈ laꞈ kʼoeˇ ehˇ taˬ-euˬ meh.

Dawˬmehˬ 15:15

Iˇjiˇtuˆ miˇ kʼahˬ laꞈ kʼoeˇ nawˇ aˬ cawˬ-euˬ zaˬ kʼaˆ ya geuꞈ-awˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ pyehˬ nehˬ laꞈ-euˬ gaˇ noeˬ keuˆ-awˬ. Kʼoeˇ baˬ da neh, naw maꞈ-ahˇ ngaˇ heu loꞈ-ehˇ dawˬ biꞈ-eu jeˬ pyeuꞈ-eu ma.

Dawˬmehˬ 7:8

Sahˬpaˬ Miˬyehˇ naw maꞈ-ahˇ gaˬ-awˇ, naw maꞈ-euˬ aˬ poeˬ aˬ bawˇ deuˬ nehˬ-ehˇ dzaˬ taˬ-euˬ saˇ jaˇ-ahˇ ziꞈ luꞈ-eu meh. Teu baˬ da neh, aˬ yawꞈ-euˬ huiˬ-eu baoˬ-ahˇ gʼoe-eu laꞈ kʼoeˇ, naw maꞈ-ahˇ aˬ yawꞈ ka kʼoꞈ-awˇ, Iˇjiˇtuˆ sahˬ paˬ-euˬ zaˬ kʼaˆ ya geuꞈ-eu laꞈ kʼoeˇ naw maꞈ-ahˇ bi buˬ-iˇ laꞈ-euˬ meh.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.