Jaceuq 107:11 - Akha

¹¹ Baoˬ huiˬ-eu Miˬyehˇ-euˬ dawˬ-ahˇ aˬ yawꞈ maꞈ puiˬ-awˇ, aˬ yawꞈ mehˬ nehˬ tsoˆ nehˬ gaˇ maˬ naˇ haˬ-eu miˇ neh, kʼoeˇ loꞈ-ehˇ ya daˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqyawfmaf, gor duidui-eu ghaq-euq maeqbawq-anr hawdoer-awr, Miqyaer-euq dawq-anr puiq-euq mirnae, khoerlof-aer yadaq-euq mae.

Jaceuq 107:11 Iomraidhean Croise

2 Laˬsaˬbaˬ 33:10

Maˬnaˇseˬ hawˇ-eu aˬ yawꞈ-euˬ tsawˇ haˬ deuˬ-ahˇ kʼoeˇ loꞈ-ehˇ maˬ dehꞈ-eu gʼaˇ duˬ Sahˬpaˬ Miˬyehˇ ehˇ nehˬ kʼawꞈ, aˬ yawꞈ maꞈ maˬ naˇ haˬ geuꞈ-a.

2 Laˬsaˬbaˬ 36:16

Aˇ saˬ saˬ laˇ ngeh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, buˬ-iˇ law-iˇ-eu gaˇ ma maˬ dahˇ ehˇ pyeuꞈ laˇ ngeh keuˆ ni, Miˬyehˇ neh pyehˬ gʼeh leꞈ-euˬ deuˬ-ahˇ aˬ yawꞈ maꞈ ja bu ja doeˇ-awˇ, aˬ yawꞈ-euˬ ehˇ dawˬ-ahˇ maˬ naˇ haˬ geuꞈ-ehˇ, Miˬyehˇ gʼaˇ duˬ ngehˬ dah-eu deuˬ-ahˇ naˬ gʼa naˬ gʼa-ehˇ uiˇ-euˬ meh.

Jaceuq 106:43

Aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ gʼawˬ mya poˆ ka kʼoꞈ kʼawꞈ, aˬ yawꞈ-ahˇ puiˬ mawꞈ-eu nui ma jaˆ-eu miˇ neh, iˬ baˇ ngehˬ jawˇ ngehˬ naꞈ-euˬ meh.

Jaceuq 106:7

Iˇjiˇtuˆ miˇ kʼahˬ-ahˇ jawˇ-euˬ nga maꞈ-euˬ aˬ poeˬ aˬ bawˇ deuˬ, Miˬyehˇ neh mˇ-euˬ kʼaˆ jeˬ-ehˇ gʼeh-eu jeˬ-ahˇ maˬ siˬ nya-a. Aˬ yawꞈ-euˬ gʼoeˇ-eu gaˬ-eu jeˬ tiˬ poˆ saˇ-iˬ tiˬ poˆ mehˬ nehˬ-euˬ gaˇ aˬ yawꞈ maꞈ ngehˇ-awˇ, Iˬ ma laˆ shaˆ yaw neˇ-euˬ lawˇ deh-ahˇ, Huiˬ dui mahˇ dui dui-eu Miˬyehˇ-ahˇ puiˬ-euˬ meh.

Jaceuq 119:24

Nawˇ mehˬ-eu tsoˆ-eu dawˬ deuˬ ngaˬ-ahˇ bi noeˬ gahˇ-awˇ, dawˬ kʼoeˇ deuˬ-ahˇ ngaˇ laˬ kʼaˬ cehˇ-eu ma.

Jaceuq 68:18

Tsawˇ haˬ gʼawˬ mya ni aˬ yawꞈ nyehꞈ gʼeh-awˇ, gawˬ jawˬ yaw goˇ-ahˇ daˆ leˇ tehꞈ-a. Aˬ yawꞈ-ahˇ puiˬ-eu tsawˇ haˬ deuˬ-ahˇ keuˆ ni, aˬ yawꞈ-ahˇ laꞈ sawˬ biꞈ laˇ-awˇ, mˬ maˬ maˬ byaˆ zaˇ ziˇ Sahˬpaˬ Miˬyehˇ kʼoeˇ gaˇ jawˇ tehꞈ-a.

Jaceuq 68:6

Nymˇ maˬ jaˆ-eu deuˬ-ahˇ nymˇ jiˇ bi baw laˇ-awˇ, tawˬ-ahˇ uˇ-eu deuˬ-ahˇ laˬ kʼaˬ cehˇ-eu jawˇ duˬ-ahˇ sheuˬ doˆ nehˬ-eu meh. Ehˇ kʼawꞈ, aˬ yawꞈ-ahˇ puiˬ-eu tsawˇ haˬ deuˬ-aˬ, bawˇ tsahˬ bawˇ dahˇ-ahˇ ya jawˇ-eu meh.

Jaceuq 73:24

Nawˇ ngaˬ-ahˇ mehˬ-awˇ tsoˆ-awˇ sheuˬ gʼeh-eu laꞈ kʼoeˇ, aˇ saˬ saˬ laˇ ngeh nawˇ ngaˬ-ahˇ ciˬ huiˬ ciˬ mahˇ nehˬ laꞈ tehꞈ-a.

Jaceuq 78:40

Kʼaˇ shuiꞈ deh ga laꞈ kʼoeˇ aˬ yawꞈ maꞈ aˬ yawꞈ-ahˇ aˇ myaˆ poˆ puiˬ-euˬ nga. Aˬ yawꞈ-ahˇ aˇ myaˆ poˆ bi noeˬ shaˬ-euˬ nga.

Dawqdaq 1:25

ngaˬ neh ja sawˇ nehˬ-euˬ dawˬ-ahˇ maˬ geuꞈ-ehˇ, ngaˬ neh mehˬ nehˬ tsoˆ nehˬ-euˬ jeˬ-ahˇ maˬ naˇ haˬ geuꞈ-eu miˇ neh,

Iˇsaˬyaˇ 5:19

Aˬ yawꞈ maꞈ heu loꞈ-ehˇ ehˇ-eu meh. “Sahˬpaˬ Miˬyehˇ aˬ yawꞈ neh kʼaˇ ehˇ taˬ-euˬ jeˬ, aˬ dui-ahˇ mawˇ laˇ ni, yaw kawˇ-ehˇ bi mˇ haw sheˇ. Iˇsaˬleˬlaˆ-euˬ muiˬ-eu shawˇ-eu Miˬyehˇ neh noeˬ taˬ-euˬ jeˬ, aˬ dui -ahˇ siˬ duˬ laˇ ni, yaw kawˇ-ehˇ bi keuˆ le haw sheˇ.”

Yeˬlaˬmiˇ 44:16

“Sahˬpaˬ Miˬyehˇ-euˬ tsawˇ myahˇ uˬ moˆ nawˬ neh nga maꞈ-ahˇ ehˇ nehˬ laꞈ-euˬ jeˬ-ahˇ, nga maꞈ maˬ naˇ haˬ.

Luˇkaꞈ 16:14

Paˬliˬsehˇ deuˬ-aˬ, pyuˇ shuiˇ-ahˇ gaˬ-eu tsawˇ haˬ pyeuꞈ-eu miˇ neh, Yeˬsuˇ kʼoeˇ loꞈ-ehˇ ehˇ-eu ya gaˬ ngeh, Yeˬsuˇ-ahˇ naˬ gʼa naˬ gʼa-ehˇ uiˇ-eu meh.

Luˇkaꞈ 7:30

Ehˇ kʼawꞈ, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-aˬ, Miˬyehˇ neh aˬ yawꞈ maꞈ gʼaˇ duˬ lehˬ hmˬ taˬ-euˬ jeˬ-ahˇ maˬ ha geuꞈ-ehˇ, Yoˇhaˬ neh iˇ cuꞈ maˬ bi shawˇ ni jawˇ-euˬ meh.

Gʼaˬkʼehˇ 20:27

Aˬ jeˬ miˇ neh ehˇ naˇ, Miˬyehˇ-euˬ nui noeˬ dawˬ tawˆ luꞈ, naw maꞈ-ahˇ ngaˇ maˬ zaꞈ taˬ ni ja mehˬ jiˇ gʼaˬ-euˬ ma.

Lormav 1:28

Miˬyehˇ gaˇ kawˆ dawˇ coe ni siˬ nya taˬ paˬ-ehˇ gʼeh-eu jeˬ-ahˇ aˬ yawꞈ maꞈ maˬ shaˇ noeˬ-eu baˬ da neh, aˬ yawꞈ maꞈ maˬ mˇ kʼmˬ-eu jeˬ mˇ ni, bahˬ dui jawꞈ dui dui-eu jeˬ mˇ-eu nui ma jaˆ gaˇ, Miˬyehˇ neh aˬ yawꞈ maꞈ-ahˇ a dzeh nehˬ-euˬ meh.