Jaceuq 105:1 - Akha

¹ Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ yawꞈ huiˬ-eu mahˇ-eu gaˇ kawˆ ja gaˬ-awˬ. Aˬ yawꞈ neh mˇ taˬ-euˬ gaˇ deuˬ gaˇ kawˆ, tsawˇ jeuˬ dawˬ tawˆ luꞈ-ahˇ dzawˇ nehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer-euq guiqlanq-anr jaceuq-awq! Aqyawf-euq tsawrmyanr-anr kur-awr, Aqyawf nae mr-euq jeq-euq garkawv, tsawrhaqzaq-anr bisiq-awq.

Jaceuq 105:1 Iomraidhean Croise

1 Laˬsaˬbaˬ 16:34

Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ muiˬ dui dui-eu gʼaˬ meh. Aˬ yawꞈ-euˬ gʼoeˇ-eu gaˬ-eu jeˬ, mˬ maˬ maˬ byaˆ zaˇ ziˇ ziꞈ meh.

1 Laˬsaˬbaˬ 25:3

Yeˬduˇdoˬ-euˬ aˬ li koꞈ li pyeuꞈ-eu Geˬdaˬliˇ, Zeˬliˇ, Yeˬshaˬyaˆ, Shiˇmiˇ, Haˬshaˬbiˇ, Maˬtiˇdiˇ, aˬ ha mehˇ nmˇ-aˬ, aˬ yawꞈ maꞈ-euˬ aˬ da neh mehˬ nehˬ tsoˆ nehˬ-euˬ loꞈ-ehˇ, deuˇ-mˬ diˬ-eu laꞈ kʼoeˇ aˬ cawˬ-ahˇ Miˬyehˇ-euˬ dawˬ ya dzawˇ nehˬ-awˇ, Sahˬpaˬ Miˬyehˇ-euˬ guiˬ lahˬ-ahˇ ja ceuˬ-eu caˇ dawˬ ya caˇ-eu meh.

1 Laˬsaˬbaˬ 29:13

Nga maꞈ-eu Miˬyehˇ-oˇ, guiˬ lahˬ huiˬ dui dui miˇ-a. Yaw shehꞈ kʼahˬ sehˇ huiˬ dui dui-eu nawˬ-euˬ tsawˇ myahˇ-ahˇ nga maꞈ ja ceuˬ-eu ma.

1 Laˬsaˬbaˬ 29:20

Kʼoeˇ naˇ, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ” lehˇ, tsawˇ haˬ aˇ maꞈ-ahˇ Daˬbiˇ ehˇ nehˬ-euˬ meh. Tsawˇ haˬ aˇ maꞈ dawˬ tawˆ luꞈ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-euˬ meh. Kʼoeˇ naˇ, aˬ yawꞈ maꞈ awˆ byaˆ-awˇ, Sahˬpaˬ Miˬyehˇ hawˇ-eu aˬ yawꞈ-euˬ sahˬ paˬ-ahˇ yaw zeu baw nehˬ-euˬ meh.

Jaceuq 106:1

Sahˬpaˬ Miˬyehˇ-ahˇ ja ceuˬ-awˬ. Aˬ dui kʼoeˇ taˆ aˬ yawꞈ muiˬ-eu miˇ neh, Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ yawꞈ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 89:1

Sahˬpaˬ Miˬyehˇ-oˇ, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ-ahˇ ngaˇ aˬ myah luꞈ caˇ-awˇ ja ceuˬ ma. Nawˇ saˇ jaˇ ziꞈ-eu gaˇ kawˆ aˬ myah luꞈ ja gaˬ ma.

Jaceuq 96:3

Aˬ yawꞈ-euˬ yaw shehꞈ kʼahˬ sehˇ gaˇ kawˆ, tsawˇ jeuˬ dawˬ tawˆ luꞈ-ahˇ dzawˇ nehˬ-awˇ, aˬ yawꞈ neh mˇ-euˬ huiˬ-eu gaˇ deuˬ, tsawˇ haˬ dawˬ tawˆ luꞈ-ahˇ dzawˇ nehˬ-awˬ.

Jaceuq 99:6

Moˇseˬ hawˇ-eu Aˬloˬ aˬ yawꞈ-euˬ piˇ ma pyeuꞈ-awˇ, Saˬmeuˬlaˆ-aˬ, aˬ yawꞈ-ahˇ guiˬ lahˬ shaˇ-eu gʼaˬ meh. Aˬ yawꞈ maꞈ Sahˬpaˬ Miˬyehˇ-ahˇ kuˇ ngeh, aˬ yawꞈ naˇ haˬ nehˬ-euˬ meh.

Iˇsaˬyaˇ 12:4

Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ yawꞈ bi ngehˬ gʼeh le-eu gʼaˇ duˬ kuˇ-awˬ. Aˬ yawꞈ neh mˇ-euˬ gaˇ deuˬ gaˇ kawˆ, tsawˇ jeuˬ dawˬ tawˆ luꞈ-ahˇ dzawˇ nehˬ-awˬ. Aˬ yawꞈ huiˬ dui mahˇ dui dui-eu gaˇ kawˆ, aˬ yawꞈ maꞈ-ahˇ dzawˇ mehˬ nehˬ-awˬ.

Iˇsaˬyaˇ 51:10

Nawˬ neh ka kʼoꞈ-euˬ deuˬ tsehˆ doˆ nya ni, iˬ ma laˆ shaˆ gui coˇ ni laˆ pyeuꞈ-awˇ, iˇ cuꞈ gʼahˇ ceh gaˇ jawˬ shaˇ dahˇ-euˬ kʼawꞈ nawˇ meh.

Daˬyeˬlaˇ 3:29

“Nymˬ-mˇ ngaˇ heu loꞈ-ehˇ dawˬ biꞈ-eu ma. Miˇ kʼahˬ aˬ geu kʼahˬ-ahˇ jawˇ-eu tsawˇ jeuˬ aˬ geu jeuˬ maˬ kaˬ, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-euˬ Miˬyehˇ-ahˇ yaw zeu maˬ baw-eu dawˬ ngehˬ naˇ, gʼawˇ mawˇ deuˆ tm deuˆ tmˇ-awˇ, nymˇ deh pyaˆ nehˬ gaˇ bi daˬ ma. Aˬ jeˬ miˇ neh ehˇ naˇ, heu loꞈ-ehˇ ka kʼoꞈ nehˬ nya-eu miˬ yehˇ nui gʼaˬ maˬ jawˇ-a.”

Yawˇlaˆ 2:32

Sahˬpaˬ Miˬyehˇ-euˬ tsawˇ myahˇ-ahˇ, kuˇ-eu tsawˇ haˬ yawˬ gʼaˬ na luꞈ, ka kʼoꞈ-eu jeˬ-ahˇ za tehꞈ-a. Sahˬpaˬ Miˬyehˇ ehˇ taˬ-euˬ-aˬ. ‘Yeˬluˇsaˬlehˬ meuˬ-ahˇ jawˇ-eu, tiˬ paˆ na deuˬ ya dzeuˇ-iˇ-awˇ, ngaˬ neh tseˇ doˆ taˬ-euˬ kʼoeˇdeuˬ, buˬ-iˇ law-iˇ dzeuˇ-iˇ tehꞈ-a.’ ”

Bawˇtsahˬ 23:23

Mah loˬ jaˬ nehꞈ zmˬ-awˇ, Iˇsaˬleˬlaˆ tsawˇ haˬ-ahˇ maˬ laˆ deuˬ nya-a. ‘Haw sheˇ. Iˇsaˬleˬlaˆ tsawˇ haˬ deuˬ-ahˇ Miˬyehˇ aˬ joˆ-ehˇ jahˇ nehˬ-eu nga’ lehˇ, aˬ cawˬ ya ehˇ gaˇ keuˆ tehꞈ-a.

Gʼaˬkʼehˇ 9:14

Piˇ ma aˬ yuiꞈ deuˬ neh aˬ yawꞈ-ahˇ baoˬ biꞈ taˬ-euˬ loꞈ-ehˇ, nawˬ-ahˇ uˬ duˬ kʼaˇ tahˬ-eu tsawˇ haˬ deuˬ-ahˇ nyehꞈ-eu gʼaˇ duˬ, Daˬmaˬsehˇ meuˬ-ahˇ aˬ yawꞈ laˇ-euˬ meh.”

Lormav 10:13

“Sahˬpaˬ Miˬyehˇ-euˬ tsawˇ myahˇ-ahˇ kuˇ-awˇ laꞈ jeuˬ kʼaˇ shaˇ-eu tsawˇ haˬ-ahˇ aˬ yawꞈ ka kʼoꞈ nehˬ tehꞈ-a.”

1 Gawˇliˬtu 1:2

Miˬyehˇ-euˬ muiˬ-eu shawˇ-eu tsawˇ haˬ bi geuꞈ-eu gʼaˇ duˬ bi kuˇ doˆ-awˇ, aˬ dui-euˬ Sahˬpaˬ Yeˬsuˇ ka li-ahˇ uˬ duˬ kʼaˇ tahˬ-eu yawˬ gaˇ na luꞈ jawˇ-eu tsawˇ haˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ, aˬ dui-euˬ Sahˬpaˬ hawˇ-eu aˬ yawꞈ maꞈ-euˬ Sahˬpaˬ pyeuꞈ-eu Yeˬsuˇ Ka li laꞈ kʼoeˇ Miˬyehˇ-euˬ tsawˇ haˬ pyeuꞈ laˇ-euˬ Gawˇliˬtu meuˬ-ahˇ jawˇ-eu Ka li zaˬ aˇ muˇ jawˇ gaˇ sahˬ boꞈ boꞈ ahˇ laꞈ-eu ma.