Jaceuq 104:5 - Akha

⁵ Miˇ tsaˬ tahˬ kʼawˇ-euˬ dawˬ pehˬ duˬ puˇ-ahˇ nawˇ ziꞈ dah ni ciˬ tsoꞈ-awˇ, maˬ luˆ laˇ nya ni bi jaˆ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Nawq nae mirtsaq tanqkhawr-euq dawqpaeq duqpur ciqtsaq taq-euq mirnae; Mqmaq maqbyav yarzir maqpov maq parlar nya-a.

Jaceuq 104:5 Iomraidhean Croise

Yawˇbaˆ 26:7

Laꞈ taˆ pyawˬ-ahˇ jaˆ-eu mˬ-ahˇ Miˬyehˇ toˆ pyeh-awˇ, miˇ tsaˬ tahˬ kʼawˇ-ahˇ tiˬ gaˇ-iˬ maˬ tuˆ ni jaˬ myawꞈ-ahˇ bi ceuˬ-euˬ meh.

Jaceuq 119:90

Nawˇ saˇ jaˇ ziꞈ-eu jeˬ tiˬ ziˇ saˇ-iˬ tiˬ ziˇ ziꞈ-awˇ, nawˬ neh ciˬ tsaˬ taˬ-euˬ miˇ tsaˬ tahˬ kʼawˇ, maˬ poˆ maˬ paˇ ni jaˆ tehꞈ-a.

Jaceuq 136:6

Naꞈ dui dui-eu iˇ cuꞈ kʼoeˇ taˆ miˇ tsaˬ kʼawꞈ aˬ yawꞈ beh taˬ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 24:2

Laˆshaˆkʼoeˇtaˆmiˇmaˬciˬ-awˇ, laˆshaˆdawˬdah naꞈdui dui gaˇ, zeuˇka ziꞈdah ni jaˆ-eu meh.

Jaceuq 33:9

Yawꞈneh kʼaˇehˇkʼaˇpyeuꞈpyeuꞈ-awˇ, dawˬkʼaˇbiꞈ-euˬkeuˆle-eu meh.

Jaceuq 93:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Baoˬ yaw shehꞈ kʼahˬ sehˇ hawˇ-eu gʼaˬ huiˬ-eu jeˬ-ahˇ aˬ yawꞈ dm taˬ-euˬ meh. Miˇ tsaˬ tahˬ kʼawˇ-ahˇ ziꞈ dah ni ciˬ tsaˬ taˬ-awˇ, maˬ luˆ-iˇ nya-a.

Jaceuq 96:10

Sahˬpaˬ Miˬyehˇ uˆ lahˇ luꞈ-eu gaˇ kawˆ, miˇ tsaˬ tahˬ kʼawˇ-ahˇ aˬ yawꞈ ziꞈ dah ni ciˬ tsaˬ taˬ-awˇ, maˬ luˆ laˇ nya-eu gaˇ kawˆ hawˇ-eu, tsawˇ haˬ zaˬ-ahˇ aˬ yawꞈ dawˇ coe ni yaˇ kʼaˬ daˇ-eu gaˇ kawˆ deuˬ, tsawˇ jeuˬ dawˬ tawˆ luꞈ-ahˇ ja mehˬ nehˬ-awˬ.

Dawqdaq 8:29

Laˆ shaˆ hawˇ-eu miˇ tsaˬ-euˬ miˇ kaˬ biˇ ngeh ngaˇ jawˇ-awˇ, miˇ tsaˬ tahˬ kʼawˇ-euˬ kʼawˇ zeuˇ kʼahˬ tuˇ ngeh ngaˇ jawˇ-euˬ ma.

Dawˬ tsoˆ 1:4

Tiˬ ziˇ jiˇ-awˇ tiˬ yehˆ juˬ kʼawꞈ, miˇ tsaˬ tahˬ kʼawˇ maˬ paˇ laˇ-a.

2 Beˬtuˆluˆ 3:10

Ehˇ kʼawꞈ, Miˬyehˇ-euˬ Aˇnah-aˬ,smˇ kʼoeˬ tahˇ joe oe-eu loꞈ-ehˇ keuˆ leh tehꞈ-a. Aˇ nah kʼoeˇ nah keuˆ le ngeh, teˇ saˇ yaw kʼaˆ-ehˇ mahˇ laˇ-awˇ, mˬ byoˆ-iˇ leꞈ tehꞈ-a. Nahˇ ma, ba la, aˬ guiˇ dawˬ tawˆ luꞈ puiˆ byoˆ guiˇ byoˆ jiˇ tehꞈ-a. Miˇ tsaˬ heu hawˇ-eu miˇ tsaˬ kʼoeˇ taˆ kʼaˇ jawˇ kʼaˇ jaˆ-eu jeˬ daw tawˆ luꞈ bi puiˆ dzaˬ jiˇ tehꞈ-a.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.

Panmaeq 6:14

Mˬ-aˬ, sahˬ boꞈ paˇ yoˆ lehˬ yoˆ kʼoꞈ-eu loꞈ-ehˇ byoˆ-iˇ-awˇ, gawˬ jawˬ yawˬ jawˬ na luꞈ hawˇ-eu iˇ jaw lahˇ yawˬ lahˇ na luꞈ, jawˇ duˬ bi jiˆ paˇ jiˇ-euˬ meh.

1 Saˬmeuˬlaˆ 2:8

iˇ shaˬ zaˬ-ahˇ kʼaˬ lehˇ laꞈ kʼoeˇ, aˬ yawꞈ gʼeu tuˇ tsahˇtuˇ nehˬ-awˇ, maˬ jaˆ-eu tsawˇ haˬ deuˬ-ahˇ kʼawꞈ, aˬ yawꞈ bi dehꞈ tuˇ laˇ-eu meh. Sahˬ paˬ zaˬ yo-ahˇ bi gʼoeˇ-awˇ, taˬ huiˬ-eu jeˬ bi oꞈ-eu meh. Aˬ jeˬ miˇ neh ehˇ naˇ, miˇ tsaˬ-euˬ dawˬ pehˬ duˬ puˇ-aˬ, Sahˬpaˬ Miˬyehˇ-euˬ pyeuꞈ-awˇ, kʼoeˇ-euˬ kʼoeˇ taˆ miˇtsaˬtahˬkʼawˇ, aˬ yawꞈ neh tsoˆ daˆ taˬ-euˬ meh.