Jaceuq 104:29 - Akha

²⁹ Nawˇ naˇ kʼah ciˬ pyawˇ ngeh, aˬ yawꞈ maꞈ guˆ-eu meh. Aˬ yawꞈ maꞈ saꞈ gʼawˇ kahˬ nawˇ yuˇ kʼoꞈ ngeh, aˬ yawꞈ maꞈ shiˇ tsehˆ-awˇ, miˇ tsaˬ yuˇ-awˇ aˬ yawꞈ maꞈ-ahˇ beh-euˬ loꞈ-ehˇ, miˇ tsaˬ paˇ ya pyeuꞈ-iˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Nawr, nawq-euq myavpyawq ciqzaf ngae, aqyawfmaf tsawqguv-ir-awr; Nawr, aqyawf maf-euq saf yurkhof ngae, Aqyawfmaf shir-awr mirtsaq par pyeufkhof-ir-eu mae.

Jaceuq 104:29 Iomraidhean Croise

Aˇ dahˬ 3:19

Miˇ tsaˬ yuˇ-awˇ nawˬ-ahˇ beh taˬ-euˬ loꞈ-ehˇ, miˇ tsaˬ-ahˇ nawˇ maˬ ya gʼoꞈ uˇ-iˇ kʼoeˇ keuˆ ni, nawˇ kʼaˇ ka dzaˬ-eu jeˬ-ahˇ miˇ tsaˬ neh bi dehꞈ doˆ laˇ-awˇ aˇ siˬ aˇ nuiˆ bi nuiˆ laˇ-eu gʼaˇ duˬ, kuˬ pyuˇ kuˬ tsaˇ tsiˇ ni nawˇ ya mˇ sehꞈ leꞈ tehꞈ-a. Miˇ tsaˬ shaˬ jehˆ yuˇ-awˇ nawˬ-ahˇ tehˆ taˬ-euˬ loꞈ-ehˇ, nawˇ miˇ tsaˬ paˇ ya pyeuꞈ kʼoꞈ-iˇ tehꞈ-a” lehˇ ehˇ nehˬ-euˬ meh.

Yawˇbaˆ 10:9

Shaˬ jehˆ yuˇ-awˇ nawˇ ngaˬ-ahˇ tehˆ-euˬ gaˇ noeˬ keuˆ sheˇ. Shaˬ jehˆ paˇ bi pyeuꞈ-iˇ-eu lehˇ nawˇ ngaˬ-ahˇ nyehꞈ meuˇ nyehꞈ loeˇ-eu gʼeh te loˇ.

Yawˇbaˆ 13:24

“Aˬ jeˬ miˇ neh nawˬ-euˬ myaˆ pyawˬ ngaˬ-ahˇ maˬ bi mawˇ laꞈ te. Aˬ jeˬ miˇ neh muiˇ-eu tsawˇ haˬ tiˬ gʼaˬ loꞈ-ehˇ sawˇ nehˬ laꞈ te.

Yawˇbaˆ 34:29

Miˬyehˇ tiˬ jeˬ-iˬ maˬ paˇ mˇ ma lehˇ noeˬ tsehˆ shaw naˇ, tiˬ gʼaˬ-iˬ aˬ yawꞈ-ahˇ iˬ baˇ maˬ taˬ nya-a. Aˬ yawꞈ-euˬ myaˆ pyawˬ-ahˇ aˬ yawꞈ dehˬ kaˬ taˬ naˇ, tsawˇ haˬ zaˬ neh maˬ paˇ laˆ luˆ nya meh.

Jaceuq 146:4

Aˬ yawꞈ maꞈ shiˇ ngeh miˇ tsaˬ-ahˇ paˇ ya gʼoꞈ uˇ-iˇ-awˇ, aˬ yawꞈ maꞈ neh kʼaˇ noeˬ tmˬ-euˬ jeˬ, shiˇ ngeh nah byoˆ jiˇ-eu meh.

Jaceuq 30:7

SahˬpaˬMiˬyehˇnawˬneh ngaˬ-ahˇ, gʼawˬshaˬgaˬ-awˇlaˆziꞈlaꞈ-euˬ, gawˬjawˬloꞈ-ehˇziꞈdah jaˆma. Ehˇkʼawꞈnawˇmyaˆpyawˬciˬzaꞈngeh, Nui ma shaˬzahˬnaꞈdui dui nya.

Jaceuq 90:3

Aˬ yawꞈ pyeuꞈ doˆ laˇ duˬ-ahˇ gʼoꞈ-iˇ-awˬ lehˇ tsawˇ haˬ zaˬ-ahˇ nawˇ dawˬ biꞈ-awˇ, miˇ tsaˬ paˇ bi pyeuꞈ kʼoꞈ-iˇ-eu meh.

Dawˬ tsoˆ 12:7

Aˬ dui-euˬ gʼawˇ mawˇ miˇ tsaˬ-ahˇ gʼoꞈ kʼoꞈ-iˇ-awˇ, aˬ duiˬ-euˬ saꞈ laˇ-aˬ, dehꞈ-eu saꞈ laˇ biꞈ-eu yaw sahˇ pyeuꞈ-eu Miˬyehˇ jawˇ gaˇ gʼoꞈ leˇ tehꞈ-a. Aˇ yamˬ kʼoeˇ yamˬ maˬ keuˆ le mi naˆ-ehˇ, Miˬyehˇ-euˬ guiˬ lahˬ-ahˇ noeˬ keuˆ-awˬ.

Gʼaˬkʼehˇ 17:25

Aˬ dui tsawˇ haˬ zaˬ-euˬ aˬ laꞈ neh ngehˬ gʼeh bo saˆ-awˇ mˇ cu nehˬ-eu jeˬ-ahˇ aˬ yawꞈ maˬ loˬ-a. Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ-ahˇ, dehꞈ-eu jeˬ, saꞈ gʼawˇ nya-eu jeˬ hawˇ-eu, yawˬ jeˬ na luꞈ biꞈ-eu gʼaˬ-aˬ, aˬ yawꞈ meh.

Dawˬmehˬ 31:17

Kʼoeˇ loꞈ-ehˇ pyeuꞈ laˇ ngeh, aˬ yawꞈ maꞈ-ahˇ ngaˇ nui ma pehˇ ma. A yawꞈ maꞈ-ahˇ ngaˇ byehˇ dzeh nehˬ-awˇ, aˬ yawꞈ maꞈ ya luˬ ya seˇ-iˇ tehꞈ-a. Guˆ laˇ paˬ-ehˇ gʼeh-eu luˬ-iˇ seˇ-iˇ-eu gʼawˬ mya jeˬ aˬ yawꞈ maꞈ kʼoeˇ taˆ keuˆ le tehꞈ-a. Kʼoeˇ ngeh, aˬ yawꞈ maꞈ-euˬ Miˬyehˇ pyeuꞈ-eu ngaˇ, aˬ yawꞈ maꞈ nehˬ-ehˇ maˬ paˇ jawˇ-eu miˇ neh kʼoeˇ loꞈ-ehˇ gʼeh-eu jeˬ keuˆ le-eu nga lehˇ, aˬ yawꞈ maꞈ ya siˬ duˬ tehꞈ-a.