Jaceuq 104:23 - Akha

²³ Tsawˇ haˬ zaˬ deuˬ yawˬ ha-euˬ myawˬ ngehˬ yaˇ ngehˬ-ahˇ dawꞈ leˇ-awˇ, uˬ ciꞈ ciꞈ le ngeh keuˆ ni mˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Tsawrhaqzaq-aq, yawqha-euq myawqmr yarngaeq-anr dawfler-awr, Uqcif ciftaw tawle ngae keuvni, aqyawf-euq gar mr-eu mae.

Jaceuq 104:23 Iomraidhean Croise

Aˇ dahˬ 3:19

Miˇ tsaˬ yuˇ-awˇ nawˬ-ahˇ beh taˬ-euˬ loꞈ-ehˇ, miˇ tsaˬ-ahˇ nawˇ maˬ ya gʼoꞈ uˇ-iˇ kʼoeˇ keuˆ ni, nawˇ kʼaˇ ka dzaˬ-eu jeˬ-ahˇ miˇ tsaˬ neh bi dehꞈ doˆ laˇ-awˇ aˇ siˬ aˇ nuiˆ bi nuiˆ laˇ-eu gʼaˇ duˬ, kuˬ pyuˇ kuˬ tsaˇ tsiˇ ni nawˇ ya mˇ sehꞈ leꞈ tehꞈ-a. Miˇ tsaˬ shaˬ jehˆ yuˇ-awˇ nawˬ-ahˇ tehˆ taˬ-euˬ loꞈ-ehˇ, nawˇ miˇ tsaˬ paˇ ya pyeuꞈ kʼoꞈ-iˇ tehꞈ-a” lehˇ ehˇ nehˬ-euˬ meh.

Dawˬ tsoˆ 5:12

Gaˇ mˇ-eu tsawˇ haˬ, dzaˬ loꞈ-eu maˬ dzaˬ loꞈ-eu maˬ kaˬ, uˬ ciꞈ yuꞈ kʼaˆ leˇ muiˬ-eu meh. Ehˇ kʼawꞈ, smˇ muiˬ aˬ da myawˬ gahˬ myaˬ-eu miˇ neh, nui noeˬ myaˬ-eu maˬ yuꞈ kʼaˆ leˇ-a.

Eˇpeˇsu 4:28

Smˇ kʼoeˬ kʼoeˬ-eu tsawˇ haˬ maˬ kʼoeˬ ni byehˇ-awˇ, yawˬ ha dehꞈ nya jawˇ nya-eu uˬ taꞈ shaˬ zaˬ zahˬ zaˬ deuˬ-ahˇ caw ba nya ni, yaw sui yaw dawˇ laꞈ kʼoeˇ pyuˇ poˆ-eu gʼaˇ duˬ gaˇ mˇ-awˬ.

Yaˇ kʼaˬ daˇ 19:16

Aˬ yawꞈ maꞈ kʼoeˇ gaˇ nuiˇ luꞈ ngeh, aˬ bawˇ tsawˇ mawˬ tiˬ gʼaˬ deh yaˇ-ahˇ iˇ-euˬ gʼoꞈ keuˆ laˇ-euˬ meh. Aˬ yawꞈ-aˬ, Eˇpaˬleˬ miˇ kʼahˬ gawˬ jawˬ gawˬ duˇ paw neh pawˇ le-awˇ, Giˇbyaˬ meuˬ-ahˇ jawˇ le-euˬ tsawˇ haˬ pyeuꞈ-eu meh. (Kʼoeˇ gaˇ jawˇ luꞈ-eu tsawˇ haˬ deuˬ-aˬ, Beˬyaˬmiˬ tsawˇ jeuˬ tehꞈ meh.)