Jaceuq 104:15 - Akha

¹⁵ Tsawˇ haˬ zaˬ-euˬ nui ma-ahˇ laˬ kʼaˬ bi cehˇ-eu gʼaˇ duˬ aˬ gaꞈ dzaˇ uiˇ doˆ laˇ ni maˬ ehˇ, tsawˇ haˬ zaˬ-euˬ gʼawˇ mawˇ laˆ saˆ-eu gʼaˇ duˬ saˬ loˬ tsiˇ doˆ laˇ ni maˬ ehˇ, tsawˇ haˬ zaˬ dzaˬ-awˇ gʼaˬ bi ahˇ-eu gʼaˇ duˬ kaˬ muˇ doˆ laˇ ni maˬ ehˇ, nawˇ kʼoeˇ loꞈ-ehˇ jahˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Tsawrhaqzaq-euq nuima-anr laqkhaq bi caerlar-eu aqgaf dzaruir; Tsawrhaqzaq-euq myavpyawq yawshaef bibya-eu saqloq-euq tsir hawr-eu; Tsawrhaqzaq-euq nuima ghaq anrlarni dzaq-eu kaqmur, Heudeuq-anr Miqyaer nae bi javlar-euq mae.

Jaceuq 104:15 Iomraidhean Croise

Aˇ dahˬ 18:5

Mehˬ hu paw paˇ cah gʼeh ngeh, naw maꞈ gʼaˬ ahˇ laˇ ni, dzaˬ dzaˬ dawˇ dawˇ kʼawꞈ ui cuiˆ na dzaˬ-eu tsaˬ tehꞈ-a. Naw maꞈ ngaˬ-euˬ nymˇ-ahˇ oe doˆ-awˇ, ngaˇ naw maꞈ-ahˇ ya ha geuꞈ-eu-aˬ, guiˬ lahˬ huiˬ-eu ngaˇ.” Tsawˇ haˬ kʼoeˇ smˇ gʼaˬ kʼawꞈ, “Guiˬ lahˬ huiˬ miˇ-a. Nga maꞈ heu gaˇ tiˬ kʼehˬ naˬ ma” lehˇ ehˇ-awˇ, gʼaˬ naˬ naˬ-euˬ meh.

2 Saˬmeuˬlaˆ 13:28

Aˬbaˇsaˬloˬ-aˬ, aˬ yawꞈ-euˬ zaˬ kʼaˆ deuˬ-ahˇ heu loꞈ-ehˇ mehˬ gahˇ taˬ-euˬ meh. “Aˬmaˬnoˬ gʼaˬ aˬ geu ngeh dzaˬ yehꞈ dawˇ yehꞈ nga loˇ lehˇ yaw muiˬ paˬ-ehˇ haw coeˇ taˬ-awˇ, aˬ yawꞈ-ahˇ sehꞈ-awˬ lehˇ ngaˇ ehˇ naˇ, tiˬ poˆ tehꞈ-ehˇ sehꞈ-awˬ. Tiˬ jeˬ-iˬ taˬ guˆ. Yawˬ jeˬ na luꞈ ngaˇ kamˬ ma. Maˬ nyi naˬ ni nui ma yaw tsehˆ tsehˆ-ehˇ noeˬ-awˇ mˇ-awˬ.”

Jaceuq 105:16

Mehꞈ-eu shuꞈ-eu jeˬ aˬ yawꞈ maꞈ miˇ kʼahˬ kʼoeˇ taˆ, Sahˬpaˬ Miˬyehˇ neh bi keuˆ le-awˇ, dzaˬ dzaˬ dawˇ dawˇ bi byoˆ-iˇ-euˬ meh.

Jaceuq 23:5

Ngaˬ-ahˇmuiˇ-eu deuˬhaw mawˇgaˇ, nawˇhawˬjeh shaˇdahˇlaꞈ-euˬmeh. Uˬduˬ-ahˇtsiˇlehꞈnehˬlaꞈ-awˇ, ngaˬ-euˬkʼmˬmaˬbyah kʼaˇluꞈmeh.

Jaceuq 92:10

Nawˇ ngaˬ-ahˇ nehꞈ nyoˬ loꞈ-ehˇ gʼaˬ bi ahˇ-awˇ, laˬ kʼaˬ ya cehˇ-eu guiˬ lahˬ biꞈ laꞈ-euˬ meh.

Dawqdaq 31:6

Jiˇ baˬ hawˇ-euˬ aˬ gaꞈ dzaˇ uiˇ-aˬ, shiˇ leˇ luꞈ-eu deuˬ hawˇ-eu nui ma cawˆ dui dui-eu deuˬ gʼaˇ duˬ meh.

Dawqdaq 31:7

Aˬ yawꞈ maꞈ dawˇ-awˇ, shaˬ zahˬ hawˇ-eu nui ma cawˆ-eu jeˬ ngehˇ byoˆ jiˇ luꞈ-uˇ.

Dawˬ tsoˆ 10:19

Dzaˬ byawˬ dawˇ byawˬ-eu jeˬ tsawˇ haˬ-ahˇ laˬ kʼaˬ bi cehˇ-awˇ, aˬ gaꞈ dzaˇ uiˇ dawˇ-eu jeˬ nui ma-ahˇ laˆ saˆ nya-eu meh. Ehˇ kʼawꞈ, pyuˇ-aˬ, yawˬ jeˬ na luꞈ jahˇ pyeuꞈ nya-eu meh.

Dawˬ tsoˆ 8:1

Zaˬ siˬ tsawˇ gahˇ ahˇ-eu tsawˇ haˬ-ahˇ duˇ-eu aˬ suˇ gʼaˬ jawˇ ta. Aˬ yawꞈ loꞈ-ehˇ dawˬ tsuiꞈ beuˬ doˆ mehˬ nya-eu aˬ suˇ gʼaˬ jawˇ ta. Zaˬ siˬ tsawˇ gahˇ-aˬ, tsawˇ haˬ zaˬ-euˬ myaˆ pyawˬ-ahˇ shiˬ keuˇ ni bi jaˆ-awˇ, nahˬ jawˆ ni bi pyeuꞈ laˇ-eu meh.

Dawˬ tsoˆ 9:7

Tsawˬ tuˇ-awˇ, nawˬ-euˬ dzaˇ nui kʼahˇ tiˬ shiˇ dzaˬ-awˇ, nawˬ-euˬ aˬ gaꞈ dzaˇ uiˇ tiˬ dehˆ dawˇ-eu laꞈ kʼoeˇ, laˬ kʼaˬ cehˇ taˆ ni dehꞈ-awˬ. Miˬyehˇ-ahˇ tiˬ jeˬ-iˬ maˬ bahˬ-aˇ.

Iˇsaˬyaˇ 3:1

Haw yawˬ. Nymˬ-mˇ Sahˬpaˬ Miˬyehˇ, Baoˬ huiˬ-eu Sahˬpaˬ Miˬyehˇ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ, miˇ kʼahˬ zaˬ gʼoe luꞈ-eu tsawˇ haˬ deuˬ hawˇ-eu, maˬ jaˆ-ehˇ maˬ dehꞈ nya-eu jeˬ dawˬ tawˆ luꞈ, yuˇ dzeh jiˇ-eu lehˇ gʼeh-eu meh. Dzaˬ-eu dzaˇ maˬ jaˆ-ehˇ, dawˇ-eu iˇ cuꞈ maˬ dahˬ-ehˇ pyeuꞈ-iˇ ni, dawˬ tawˆ luꞈ yuˇ dzeh jiˇ tehꞈ-a.

Iˇsaˬyaˇ 55:10

“Ngehˇ hawˇ-eu uˬ yehˇ mˬ taˆ neh ga le ngeh, dzaˬ-eu aˇ siˬ hawˇ-eu ka-eu aˇ nuiˆ sahˇ le nya ni, aˇ cuˬ aˇ yehˆ bi yehˆ laˇ-eu gʼaˇ duˬ, miˇ tsaˬ-ahˇ iˇ cuꞈ maˬ shehˬ nyiꞈ yaꞈ-ehˇ, maˬ gʼoꞈ daˆ leˇ kʼmˬ gaˇ duˇ ni,

Yeˬlaˬmiˇ 31:12

Aˬ yawꞈ maꞈ Ziˇoˬ gawˬ jawˬ-ahˇ laˇ-awˇ, laˬ kʼaˬ cehˇ-eu caˇ dawˬ caˇ laˇ tehꞈ-a. Ngaˬ neh biꞈ-euˬ laꞈ sawˬ pyeuꞈ-eu, dzaˬ la gʼo cehˇ, aˬ gaꞈ dzaˇ uiˇ, saˬ loˬ tsiˇ deuˬ hawˇ-eu, mawˇ nyoˬ jeˬ kaˇ deuˬ-ahˇ aˬ yawꞈ maꞈ nui kʼahˇ shiˇ tehꞈ-a. Iˇ cuꞈ tiˬ loꞈ za-eu yaˇ kmˇ tiˬ kmˇ loꞈ-ehˇ, aˬ yawꞈ maꞈ ehˇ kʼaˇ maˬ za ni dehꞈ dzaˬ tehꞈ-a.

Yeˬsaˬgeˬlaˇ 14:13

“Tsawˇ haˬ zaˬ-oˇ, miˇ kʼahˬ tiˬ kʼahˬ iˬ baˇ mˇ-awˇ ngaˬ-ahˇ saˇ jaˇ maˬ ziꞈ naˇ, ngaˬ-euˬ aˬ laꞈ cawˬ ja-awˇ, aˬ yawꞈ maꞈ dzaˬ dzaˬ dawˇ dawˇ sha ahˇ-eu gaˇ ma ngaˇ laˆ tsoeˬ nehˬ ma. Mehꞈ-eu shuꞈ-eu jeˬ bi keuˆ le-awˇ, tsawˇ haˬ maˬ ehˇ, jeˬ zaˬ maˬ ehˇ, bi shiˇ ma.

Yeˬsaˬgeˬlaˇ 4:16

Kʼoeˇ naˇ, aˬ yawꞈ heu loꞈ-ehˇ paˇ ehˇ-eu meh. “Tsawˇ haˬ zaˬ-oˇ, Yeˬluˇsaˬlehˬ meuˬ-ahˇ dzaˬ dzaˬ dawˇ dawˇ sha ahˇ-eu gaˇ ma ngaˇ laˆ tsoeˬ ma. Yawˬ ha dzaˬ-eu gʼaˇ duˬ dzaˬ dzaˬ dawˇ dawˇ hawˇ-eu iˇ cuꞈ nym le-eu gaˇ haw haw-ehˇ, kʼoeˇ gaˇ jawˇ-eu tsawˇ haˬ deuˬ noeˬ shaˬ-awˇ nui ma cawˆ dui dui tehꞈ-a.

Yeˬsaˬgeˬlaˇ 5:16

Nawˇ jawˇ gaˇ dzaˬ dzaˬ dawˇ dawˇ sha ahˇ-eu gaˇ ma ngaˇ laˆ tsoeˬ-awˇ, bi mehꞈ bi shuꞈ ma. Naw maꞈ-ahˇ bi laˆ cawˆ-eu gʼaˇ duˬ pyehˬ gʼeh leꞈ-euˬ taˆ dui dui-eu kaˆ myaˬ loꞈ-ehˇ, mehꞈ-eu shuꞈ-eu jeˬ-euˬ shaˬ zahˬ naw maꞈ ya daˬ tehꞈ-a.

Uˬ duˬ 26:26

Naw maꞈ-euˬ dzaˬ dzaˬ dawˇ dawˇ sha miˇ-eu gaˇ ma ngaˇ deuˆ tsehˆ-euˬ miˇ neh, zaˬ miˬ zaˬ tseˇ gʼaˬ kʼaˇ jaˆ-eu kaˬ muˇ yuˇ uiˬ-awˇ jahˇ ngeh, mui za za zaˬ tiˬ siˬ laꞈ kʼoeˇ jahˇ loꞈ ni tehꞈ-ehˇ jaˆ tehꞈ-a. Kaˬ muˇ kʼoeˇ aˬ yawꞈ maꞈ biˇ doe nehˬ-awˇ, naw maꞈ dzaˬ jiˇ ngeh, maˬ ya dzaˬ dehˆ-ehˇ ya shaˬ tehꞈ-a.

Zaˬkaˬliˇ 10:7

Iˇsaˬleˬlaˆ tsawˇ haˬ deuˬ-aˬ, gʼaˬ kʼaˆ-eu yehˇ-ahˇ duˇ leˇ-awˇ, aˬ gaꞈ dzaˇ uiˇ dawˇ-eu loꞈ-ehˇ, laˬ kʼaˬ cehˇ-eu jeˬ oꞈ tehꞈ-a. Aˬ yawꞈ maꞈ gʼaˬ leˇ-euˬ gaˇ kawˆ, zaˬ deuˬ uˆ deuˬ maˬ ngehˇ leˇ-ehˇ, Sahˬpaˬ Miˬyehˇ mˇ-euˬ gaˇ-ahˇ, laˬ kʼaˬ cehˇ nui kʼahˇ shiˇ tehꞈ-a.

Maˬkuˆ 14:23

Kʼoeˇ naˇ, aˬ yawꞈ kʼmˬ maˬ ciˬ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh. Kʼmˬ maˬ kʼoeˇ aˬ yawꞈ maꞈ-ahˇ ciˬ nehˬ-awˇ, aˬ yawꞈ maꞈ dawˇ-euˬ meh.

Luˇkaꞈ 7:46

Ngaˬ-euˬ uˬ duˬ-ahˇ lehꞈ-awˬ lehˇ nawˇ ngaˬ-ahˇ saˬ loˬ tsiˇ maˬ biꞈ nehˬ laꞈ-aˬ. Ehˇ kʼawꞈ, aˬ yawꞈ-aˬ, ngaˬ-euˬ aˬ kuiˇ-ahˇ tsiˇ yaw saw jeˬ lehꞈ nehˬ laꞈ-euˬ meh.

Eˇpeˇsu 5:18

Jiˇ baˬ taˬ dawˇ yehꞈ. Kʼoeˇ-aˬ, naw maꞈ-ahˇ bi cawˆ-iˇ-eu tehꞈ meh. Ehˇ kʼawꞈ, Yaw sahˇ Miˬyehˇ naw maꞈ laꞈ kʼoeˇ bi byah laˇ-awˬ.

Dawˬmehˬ 28:40

Nawˬ-euˬ miˇ kʼahˬ laꞈ kʼoeˇ yawˬ gaˇ na luꞈ saˬ loˬ aˇ bawˇ bawˇ kʼawꞈ, saˬ loˬ aˇ siˬ ga jiˇ-eu miˇ neh, saˬ loˬ tsiˇ maˬ jaˆ ni ya jawˇ tehꞈ-a.

Dawˬmehˬ 8:3

Aˬ yawꞈ naw maꞈ-ahˇ bi mehꞈ bi shuꞈ-awˇ, naw maꞈ hawˇ-eu naw maꞈ-euˬ aˬ poeˬ aˬ bawˇ deuˬ tiˬ jawˇ-iˬ maˬ ya dzaˬ haw-euˬ maˬ naˆ kaˬ muˇ naw maꞈ-ahˇ aˬ yawꞈ bi dzaˬ-euˬ meh. Dzaˬ-eu dawˇ-eu jeˬ -ahˇ tehꞈ-ehˇ gʼoe-awˇ tsawˇ haˬ zaˬ yaw dehꞈ ya dehꞈ-eu maˬ ngeuˇ-a. Ehˇ kʼawꞈ, Sahˬpaˬ Miˬyehˇ neh kʼaˇ ngehˬ kʼaˇ tmˇ-euˬ jeˬ baˬ da neh tsawˇ haˬ zaˬ yaw dehꞈ ya dehꞈ-eu gaˇ kawˆ naw maꞈ-ahˇ mehˬ nehˬ tsoˆ nehˬ mawꞈ-euˬ miˇ neh, aˬ yawꞈ kʼoeˇ loꞈ-ehˇ mˇ mehˬ-euˬ meh.

HeˬByehˇ 1:9

Yaw tsaˬ yaw dawˇ-ahˇ nawˇ gaˬ-awˇ, yaw lehˬ jeˬ-ahˇ nawˇ bye-eu meh. Kʼoeˇ baˬ da neh nawˬ-euˬ miˬ yehˇ, Miˬ yehˇ neh nawˬ-ahˇ tseˇ doˆ-awˇ, nawˬ-euˬ cawˬ deuˬ-ahˇ biꞈ taˬ-euˬ, laˬ kʼaˬ cehˇ-eu jeˬ byah kʼaˇ-eu, ciˬ huiˬ nehˬ-eu jeˬ naˆ maˬ tseˇ, huiˬ dzehˬ-eu ciˬ huiˬ nehˬ-eu jeˬ, aˬ yawꞈ nawˬ-ahˇ biꞈ nehˬ-euˬ meh.”

1 Yoˇhaˬ 2:20

Ehˇ kʼawꞈ, Ka li neh naw maꞈ kʼoeˇ taˆ Muiˬ-eu shawˇ-eu Yaw sahˇ Miˬyehˇ shehˆ daˆ nehˬ gʼaˬ-euˬ miˇ neh, naw maꞈ dawˬ tawˆ luꞈ yaw tsaˬ yaw dawˇ jeˬ-ahˇ siˬ nya meh.

Yaˇ kʼaˬ daˇ 19:5

Oeˬ nah tiˬ nah uˬ shawˬ yaw naꞈ-ehˇ, aˬ yawꞈ nyaꞈ dzeˇ zaˬ tuˇ-awˇ gʼoꞈ leˇ-eu lehˇ lehˬ hmˬ-euˬ meh. Ehˇ kʼawꞈ, aˬ mawˬ gʼaˬ ehˇ-eu, “Maˬ gʼoꞈ leˇ mi naˆ-ehˇ tiˬ jeˬ paˬ dzaˬ yaꞈ siˬ. Nymˬ-mˇ tiˬ kʼehˬ gʼeh-awˇ neh gʼoꞈ leˇ kʼawꞈ kʼaˇ boe tehꞈ-a.”

Yaˇ kʼaˬ daˇ 9:13

Ehˇ kʼawꞈ, aˬ gaꞈ baw duˆ ehˇ-eu, ‘Naw maꞈ-ahˇ ngaˇ uˆ lahˇ uˆ lahˇ-ehˇ jawˇ naˇ, miˬ yehˇ hawˇ-eu tsawˇ haˬ zaˬ deuˬ-ahˇ laˬ kʼaˬ bi cehˇ-eu aˬ gaꞈ dzaˇ uiˇ ngaˇ maˬ paˇ bi doˆ le nya meh’ lehˇ ehˇ-eu meh.

Yaˇ kʼaˬ daˇ 9:9

Saˬ loˬ aˇ bawˇ ehˇ-eu, ‘Naw maꞈ-ahˇ ngaˇ uˆ lahˇ uˆ lahˇ-ehˇ jawˇ naˇ, miˬ yehˇ hawˇ-eu tsawˇ haˬ zaˬ deuˬ-ahˇ taˬ huiˬ taˬ mahˇ nehˬ gaˇ zmˬ-eu ngaˬ-euˬ tsiˇ ngaˇ maˬ paˇ bi doˆ laˇ nya meh’ lehˇ ehˇ-eu meh.