Jaceuq 104:14 - Akha

¹⁴ Jeˬ zaˬ gʼaˇ duˬ yaˇ moꞈ nawˇ bi dehꞈ-awˇ, tsawˇ haˬ zaˬ zmˬ-eu gʼaˇ duˬ aˇ bawˇ hawˇ-eu, ka dzaˬ-eu gʼaˇ duˬ dzaˬ la gʼo cehˇ bi dehꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aqyawf, jeqzaq-euq gharduq yarmof bi daeflar-awr; Mirtsaq-anr nae tsawrhaqzaq dzaq-eu jeq bi dovlar-eu gharduq; Tsawrhaqzaq mrdzaq-eu dzaqla ghovcaer bi daeflar-eu mae.

Jaceuq 104:14 Iomraidhean Croise

Aˇ dahˬ 2:5

miˇ tsaˬ kʼoeˇ taˆ sahˬ lahˬ aˇ bawˇ tiˬ bawˇ-iˬ maˬ bawˇ-ehˇ, aˇ ji tiˬ ji-iˬ maˬ ji-a. Aˬ jeˬ miˇ neh ehˇ naˇ, Miˬyehˇ neh uˬ yehˇ maˬ bi yehˇ le dah-euˬ uˬ taꞈ, ka dzaˬ ka dawˇ-eu tsawˇ haˬ kʼawꞈ tiˬ gʼaˬ-iˬ maˬ jawˇ le dah-euˬ miˇ neh meh.

Aˇ dahˬ 2:9

Haw muiˬ dui dui-eu aˇ bawˇ kʼaˇ ngeuˇ-eu dawˬ tawˆ luꞈ kʼoeˇ gaˇ bi dehꞈ laˇ-awˇ, muiˬ dui kuiˇ dui dui-eu aˇ siˬ deuˬ Miˬyehˇ pyeuꞈ-eu Sahˬpaˬ Miˬyehˇ neh bi siˬ le-euˬ meh. Dehꞈ-eu saꞈ laˇ aˇ bawˇ pyeuꞈ-eu yaw muiˬ yaw doeˇ tseˇ paˆ nya-eu zaˬ siˬ tsawˇ gahˇ biꞈ-eu aˇ bawˇ tiˬ bawˇ kʼawꞈ, yaˇ kmˇ kʼoeˇ kmˇ-euˬ gʼahˇ ceh bawˇ-euˬ meh.

Aˇ dahˬ 3:18

Miˇ tsaˬ-aˬ, yaˇ moꞈ hawˇ-eu aˬ gah baw duˆ deuˬ bi dehꞈ doˆ laˇ-awˇ, bawˇ tsahˬ sahˬ lahˬ deuˬ-ahˇ nawˇ ya dzaˬ tehꞈ-a.

Aˇ dahˬ 4:12

Miˇ tsaˬ-ahˇ nawˇ aˬ geu jeˬ ka dzaˬ-eu maˬ kaˬ, miˇ tsaˬ nawˬ-ahˇ maˬ bi za le-ehˇ, nymˇ jiˇ maˬ baw ni miˇ tsaˬ kʼoeˇ taˆ doe doe-ehˇ cah cah-ehˇ ya jawˇ tehꞈ-a.”

Aˇ dahˬ 9:3

Kʼoeˇ deuˬ-ahˇ maˬ ehˇ, sahˬ lahˬ gʼawˬ daˇ deuˬ-ahˇ maˬ ehˇ, naw maꞈ dzaˬ nya tehꞈ-a. Kʼoeˇ deuˬ dawˬ tawˆ luꞈ naw maꞈ bi dzaˬ-eu gʼaˇ duˬ, naw maꞈ-ahˇ ngaˇ biꞈ-eu ma.

1 Sahˬpaˬ 18:5

Awˇbaˬdiˇ-ahˇ Aˬhaˆ ehˇ nehˬ-eu, “Miˇ kʼahˬ heu kʼahˬ laꞈ kʼoeˇ kʼaˇ jaˆ-eu lawˇ baˬ lawˇ gawˆ dawˬ tawˆ luꞈ-ahˇ aˬ dui iˇ doe-awˇ, mahˬ hawˇ-eu mahˬ shaˆ lawˬ deuˬ maˬ bi shiˇ ni bi dzaˬ-eu gʼaˇ duˬ, yaˇ moꞈ poˆ haw-iˇ kaˇ-euˇ. Aˬ dui-euˬ jeˬ zaˬ heu deuˬ shiˇ gaˇ maˬ keuˆ ni ya dehꞈ dzeuˇ-eu duˇ.”

Yawˇbaˆ 28:5

Dzaˬ la gʼo cehˇ bi dehꞈ doˆ laˇ-eu miˇ tsaˬ tahˬ kʼawˇ heu siˬ, dawˬ dah yaw pyaˆ yaw shaˆ, yaw noeˆ yaw nmˆ meh.

Yawˇbaˆ 38:27

Yaˇ moꞈ bi dehꞈ doˆ laˇ nya ni, gui coˇ ni gʼeh-eu miˇ tsaˬ-ahˇ, iˇ cuꞈ shehˬ-eu gʼaˬ aˬ suˇ gʼaˬ-a.

Jaceuq 136:25

Yaw dehꞈ kʼaˇ dehꞈ-eu jeˬ dawˬ tawˆ luꞈ-ahˇ aˬ yawꞈ bi dzaˬ bi dawˇ-eu meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Dawqdaq 27:25

Nyoeˇ saˬ yehˬ gʼaˬ-awˇ, nyoeˇ saˬ maˬ nmˬ laˇ dah mi naˆ-ehˇ gawˬ jawˬ baˬ gʼa-ahˇ uˬ tsuiꞈ yehˬ nya meh.

Yawˇlaˆ 2:22

Jeˬ zaˬ deuˬ-oˇ naw maꞈ taˬ guˆ. Gaˆ kʼahˬ nyoeˇ jawꞈ ni jaˆ luꞈ-awˇ, aˇ bawˇ aˇ siˬ sahˇ dui dui-awˇ, siˬ guˬ aˇ siˬ hawˇ-eu aˬ gaꞈ, maˬ dzaˬ jiˇ coeˇ ni jaˆ luꞈ meh.

1 Gawˇliˬtu 3:7

Ka-eu gʼaˬ hawˇ-eu iˇ cuꞈ shehˬ-eu gʼaˬ-aˬ, ehˇ nyaꞈ nyeuˆ-eu maˬ ngeuˇ-a. Ehˇ kʼawꞈ, aˇ bawˬ mehˇ laˇ ni jahˇ-eu gʼaˬ pyeuꞈ-eu Miˬyehˇ-ahˇ ja ceuˬ dui dui paˬ-ehˇ gʼeh-eu meh.

Dawˬmehˬ 11:15

Naw maꞈ-euˬ jeˬ zaˬ deuˬ gʼaˇ duˬ yaˇ moꞈ jaˆ-awˇ, naw maꞈ kʼaˇ dzaˬ mawꞈ-eu jeˬ jaˆ tehꞈ-a.