Jaceuq 104:13 - Akha

¹³ Mˬ-ahˇ neh gawˬ jawˬ kʼoeˇ taˆ nawˇ uˬ yehˇ bi yehˇ le-awˇ, nawˬ-euˬ guiˬ lahˬ yaw dzahˇ miˇ tsaˬ kʼoeˇ taˆ byah luꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Miqyaer, yawgor-anr jav-eu aqyawf-euq nymr-anr nae, Gawqdur deuq-anr ircuf shaeq-eu mae. Mirtsaq tanqkhawr-aq, nawq nae gar mr-euq arsiq-euq baqda’nae nuikhanr shir-eu mae.

Jaceuq 104:13 Iomraidhean Croise

Yawˇbaˆ 38:37

Mˬ dmˇ-ahˇ gui jiˇ nya ni zaˬ siˬ tsawˇ gahˇ ahˇ-eu aˬ suˇ gʼaˬ-a. Uˬ yehˇ ga doˆ le ni mˬ dmˇ-ahˇ ngawˬ kʼaˇ nya-eu aˬ suˇ gʼaˬ-a.

Jaceuq 104:3

mˬ taˆ iˇ cuꞈ kʼoeˇ taˆ nawˬ-euˬ nymˇ tsoˆ daˆ taˬ-euˬ meh. Mˬ dmˇ-ahˇ nawˬ-euˬ mahˬ laˆ lawˬ bi geuꞈ-awˇ, jaˬ lehˇ-euˬ aˬ dahˇ kʼoeˇ taˆ nawˇ dziˬ-eu meh.

Jaceuq 147:8

Mˬ kʼoeˇ taˆ mˬ dmˇ-ahˇ aˬ yawꞈ sheu taw-awˇ, miˇ tsaˬ kʼoeˇ taˆ uˬ yehˇ bi yehˇ le-eu laꞈ kʼoeˇ, gawˬ duˇ uˬ du yaˇ moꞈ bi dehꞈ laˇ-eu meh.

Yeˬlaˬmiˇ 10:13

Aˬ yawꞈ dawˬ biꞈ nehˬ ngeh mˬ taˆ iˇ cuꞈ teˇ saˇ mahˇ-awˇ, mˬ dzeˇ jaˆ-eu mˬ dmˇ-ahˇ aˬ yawꞈ hehˇ ahˇ laꞈ-eu meh. Uˬ yehˇ yehˇ gaˇ mˬ myawꞈ bi myawꞈ laˇ-awˇ, kuˆ lawˆ laꞈ kʼoeˇ piˬ lahˇ taˬ-euˬ jaˬ lehˇ pyehˬ leꞈ-eu meh.

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Aˬmoˆ 9:6

Sahˬpaˬ Miˬyehˇ mˬ-euˬ kʼoeˇ taˆ, aˬ yawꞈ jawˇ-eu nymˇ tsoˆ taˬ-awˇ, laˆ shaˆ iˇ cuꞈ-ahˇ kuˇ daˆ-awˇ, miˇ tsaˬ kʼoeˇ taˆ shehˆ shehˬ-euˬ meh. Yawꞈ tsawˇ myahˇ Sahˬpaˬ Miˬyehˇ meh.

Maꞈtehˬ 5:45

Kʼoeˇ loꞈ-ehˇ jahˇ naˇ, naw maꞈ-aˬ, mˬ kʼoeˇ taˆ jawˇ-eu naw maꞈ-euˬ Aˬ da-euˬ zaˬ pyeuꞈ laˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, tsawˇ muiˬ tsawˇ doeˇ maˬ tseˇ ni, dawˬ tawˆ luꞈ kʼoeˇ taˆ aˬ yawꞈ-euˬ nahˇ ma bi doˆ laˇ-awˇ, yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ maˬ tseˇ paˆ ni, dawˬ tawˆ luꞈ kʼoeˇ taˆ uˬ yehˇ bi yehˇ le-eu meh.

Gʼaˬkʼehˇ 14:17

Ehˇ kʼawꞈ, aˬ yawꞈ neh mˇ-euˬ yaw muiˬ jeˬ laꞈ kʼoeˇ, aˬ yawꞈ dehꞈ luꞈ jawˇ luꞈ-eu gaˇ kawˆ aˬ myah luꞈ bi siˬ bi mawˇ-euˬ meh. Aˬ yawꞈ naw maꞈ-ahˇ mˬ kʼoeˇ taˆ neh uˬ yehˇ bi yehˇ le-awˇ, aˇ yamˬ tsaˬ ngeh dzaˬ la gʼo cehˇ bi keuˆ le-euˬ meh. Naw maꞈ-ahˇ dzaˬ dzaˬ dawˇ dawˇ biꞈ-awˇ, naw maꞈ-euˬ nui ma laꞈ kʼoeˇ laˬ kʼaˬ cehˇ-eu jeˬ bi byah laˇ-euˬ meh.”

Dawˬmehˬ 11:11

Iˇjiˇtuˆ miˇ kʼahˬ laꞈ kʼoeˇ naw maꞈ siˬ yoeˬ sehˬ ngeh, leh jeh-awˇ iˇ cuꞈ ya shehˬ-eu meh. Ehˇ kʼawꞈ, naw maꞈ jawˇ leˇ-eu lehˇ gʼeh -eu miˇ kʼahˬ-aˬ, gawˬ jawˬ gʼaˬ lawˬ baw baw-ehˇ, uˬ yehˇ jaˆ-eu miˇ kʼahˬ pyeuꞈ-eu meh.