Jaceuq 103:4 - Akha

⁴ Shiˇ-eu miˇ kʼahˬ-ahˇ maˬ yaˬ keuˆ ni aˬ yawꞈ ngaˬ-ahˇ haw piˇ-awˇ, gʼoeˇ-eu gaˬ-eu guiˬ lahˬ hawˇ-eu, gʼawˬ shaˬ gaˬ-eu guiˬ lahˬ biꞈ laꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqyawf, nawq-euq daefzir maqbi lavcawvni kakhof naeq-awr; Aqyawf, nawq-anr ghoer-awr gaq-eu hawr-eu, Nanqyuni ghawqshaq gaq-eu uqdzanq nyaefdzanq naeqlaf-euq mae.

Jaceuq 103:4 Iomraidhean Croise

Aˇ dahˬ 48:16

Guˆ-eu gaˆ-eu jeˬ laꞈ kʼoeˇ ngaˬ-ahˇ sheuˬ buˬ-euˬ Miˬyehˇ-euˬ gʼaˬ kʼehˇ, aˬ yawꞈ nyaꞈ-ahˇ guiˬ lahˬ biꞈ luꞈ-uˇ. Aˬ li heu nyiˬ li baˬ da neh, ngaˬ-euˬ tsawˇ myahˇ maˬ ehˇ, ngaˬ bawˇ Aˬbyaˬhaˬ-euˬ tsawˇ myahˇ maˬ ehˇ, ngaˬ da Iˇtsaˆ-euˬ tsawˇ myahˇ maˬ ehˇ, tiˬ jawˇ-iˬ maˬ byoˆ-iˇ ni jaˆ yaꞈ luꞈ-uˇ. Aˬ yawꞈ nyaꞈ nmˇ zaˬ gʼawˬ mya ni jawˇ le-awˇ, aˬ yawꞈ maꞈ-euˬ zaˬ deuˬ uˆ deuˬ, myaˬ dui dui le luꞈ-uˇ.”

Jaceuq 103:12

Aˬ dui-euˬ iˬ baˇ-ahˇ, mˬ dzeˇ miˇ dzehˇ sha dzeh-eu meh.

Jaceuq 21:3

Huiˬdui muiˬdui dui-eu guiˬlahˬ, aˬyawꞈjawˇgaˇnawˇhehˇleꞈ-awˇ, muiˬdui dui-eu shuiˇneh jahˇ-euˬ, dzoeˬdzaˬuˬkʼoˆbi kʼoˆ-euˬmeh.

Jaceuq 34:22

SahˬpaˬMiˬyehˇ-euˬtsawˇhaˬ-ahˇ, SahˬpaˬMiˬyehˇka kʼoꞈtehꞈ-a. Aˬyawꞈ-ahˇtahˬshaˇleˇ-eu deuˬ, luˬgaˇseˇgaˇmaˬya keuˆ-a.

Jaceuq 5:12

SahˬpaˬMiˬyehˇ, nawˬ-euˬehˇdawˬ, naˇhaˬgeuꞈ-eu tsawˇhaˬdeuˬ-ahˇ, nawˇguiˬlahˬshehˬnehˬlawˇnehˬ-awˬ. Nawˬ-euˬgʼoeˇ-eu gaˬ-eu jeˬ-aˬ, guiˇdeuˆ-eu dehˬdaˬduˬloꞈ-ehˇ, yawꞈmaꞈ-ahˇ loꞈpiˇnehˬ-eu meh.

Jaceuq 56:13

Aˬ jeˬ miˇ neh ehˇ naˇ, shiˇ-eu jeˬ laꞈ kʼoeˇ ngaˬ-ahˇ nawˇ ka kʼoꞈ-awˇ, maˬ coˬ-iˇ ni bi dehꞈ laꞈ-euˬ meh. Kʼoeˇ miˇ neh Miˬyehˇ mehˬ shi ngaˇ cah-awˇ, dehꞈ-eu yaw shehꞈ laꞈ kʼoeˇ ngaˇ cah ma.

Jaceuq 65:11

Dzaˬ la gʼo cehˇ za dui dui le ni nawˇ jahˇ-awˇ nawˇ kʼaˇ iˇ keuˆ gaˇ baw le za le-eu meh.

Jaceuq 71:23

Nawˬ-ahˇ ngaˇ caˇ-awˇ ja ceuˬ ngeh, ngaˇ laˬ kʼaˬ cehˇ-awˇ guˇ ma. Nawˇ ngaˬ-ahˇ ka kʼoꞈ nehˬ laꞈ-eu miˇ neh, nui ma gʼawˇ mawˇ dawˬ tawˆ luꞈ caˇ-awˇ ja ceuˬ ma.

Jaceuq 8:5

Ehˇkʼawꞈni, tsawˇhaˬzaˬ-ahˇnawˇ, nawˬ-euˬlaꞈoˆsaˬ-i taˬ-awˇ, yaw shehꞈkʼehˬsehˇbiꞈ-eu laꞈkʼoeˇ, taˬhuiˬtaˬmahˇnehˬtaˬ-euˬ meh.

Iˇsaˬyaˇ 38:17

Ngaˇ nui ma naˇ luꞈ-eu saˇ laˇ miˇ-a. Guˆ-eu gaˆ-eu jeˬ dawˬ tawˆ luꞈ laꞈ kʼoeˇ, ngaˬ-euˬ saꞈ laˇ-ahˇ nawˇ ka kʼoꞈ doˆ nehˬ laꞈ-awˇ, ngaˬ-euˬ iˬ baˇ dawˬ tawˆ pyehˬ dzeh nehˬ laꞈ-euˬ meh.

Iˇsaˬyaˇ 54:8

Nui ma pehˇ dui dui-eu miˇ neh, ngaˬ-euˬ myaˆ pyawˬ tiˬ kʼehˇ laˇ kʼehˬ ciˬ zaꞈ-euˬ ma. Ngaˬ-euˬ nui gaˬ mˬ maˬ maˬ byaˆ zaˇ ziˇ, nawˬ-ahˇ bi mawˇ ma” lehˇ, nawˬ-ahˇ ka kʼoꞈ-euˬ Sahˬpaˬ Miˬyehˇ ehˇ-eu meh.

Yaˬkoˆ 1:12

Lawˬ haw-eu jeˬ-ahˇ ya daˬ ngeh saˇ jaˇ ziꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, lawˬ haw-eu jeˬ-ahˇ aˬ yawꞈ daˬ dzeuˇ oˇ dzeuˇ gʼaˬ ngeh jawˇ, Miˬyehˇ-ahˇ gaˬ-eu tsawˇ haˬ deuˬ gʼaˇ duˬ Miˬyehˇ neh lehˬ hmˬ taˬ-euˬ dehꞈ-eu jeˬ-euˬ shuiˇ uˬ kʼoˆ laꞈ sawˬ za tehꞈ-a.

1 Beˬtuˆluˆ 5:4

Yawˇ bo-eu deuˬ dawˬ tawˆ luꞈ kʼoeˇ taˆ uˆ lahˇ-eu Huiˬ-eu Yawˇ bo-eu gʼaˬ oe ngeh, tiˬ jawˇ-iˬ maˬ cehˇ-iˇ nya-eu yaw shehꞈ kʼahˬ sehˇ huiˬ-eu shuiˇ uˬ kʼoˆ-ahˇ naw maꞈ za tehꞈ-a.

Panmaeq 5:9

Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.