Jaceuq 102:28 - Akha

²⁸ Nga maꞈ-euˬ zaˬ ziˇ nui saˇ oꞈ-awˇ, aˬ yawꞈ maꞈ-euˬ zaˬ deuˬ uˆ deuˬ, nawˇ ngehˬ gʼeh haw piˇ-eu uˬ moˆ, guˆ kʼaˇ maˬ za ni dehꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Nawq-euq kuirlaf zaqkhav-euq zaqdeuq maeqhu paw daefdav lef-awr; Aqyawf maf-euq zaqdeuq uvdeuq, Nawq-euq maeqshi zifdanni yadaef taef-a.”

Jaceuq 102:28 Iomraidhean Croise

Yawˇbaˆ 10:5

Nawˬ-euˬ aˇ nah aˇ yamˬ tsawˇ haˬ zaˬ-euˬ aˇ nah aˇ yamˬ-ahˇ duˇ-awˇ, nawˬ-euˬ aˇ kʼoꞈ aˇ la kʼawꞈ tsawˇ haˬ zaˬ-euˬ aˇ kʼoꞈ aˇ la-ahˇ duˇ ma loˇ.

Jaceuq 89:4

‘Nawˬ-euˬ zaˬ nawˬ-euˬ uˆ aˬ myah luꞈ sahˬ paˬ ya geuꞈ tehꞈ-a. Nawˬ-eu dzoeˬ dzaˬ mˬ maˬ maˬ byaˆ zaˇ ziˇ bi ziꞈ ma.”’

Iˇsaˬyaˇ 41:4

Kʼoeˇ loꞈ-ehˇ bi pyeuꞈ laˇ-euˬ gʼaˬ aˬ suˇ gʼaˬ-a. Miˇ kʼahˬ shaˇ ka hawˇ-eu tsawˇ haˬ gaˇ kawˆ, dehˬ paˇ nehˬ-eu kʼoeˇ gʼaˬ aˬ suˇ gʼaˬ-a. Sahˬpaˬ Miˬyehˇ pyeuꞈ-eu ngaˇ-aˬ, aˇ dahˬ beh ngeh neh kʼoeˇ gaˇ jawˇ luꞈ-awˇ, aˇ saˬ saˬ ngeh keuˆ ni jawˇ ma.

Iˇsaˬyaˇ 43:13

Nymˬ-mˇ ngaˇ Miˬyehˇ pyeuꞈ-eu loꞈ-ehˇ, mˬ maˬ maˬ byaˆ zaˇ ziˇ ngaˇ Miˬyehˇ ma. Ngaˬ-euˬ baoˬ-ahˇ cehˆ dzeuˇ nya-eu gʼaˬ maˬ jawˇ-ehˇ, ngaˬ neh mˇ-euˬ jeˬ-ahˇ laˆ paˇ nya-eu gʼaˬ maˬ jawˇ-a.”

Iˇsaˬyaˇ 53:10

Sahˬpaˬ Miˬyehˇ ehˇ-eu, “Shaˬ-eu zahˬ-eu jeˬ-ahˇ aˬ yawꞈ daˬ-eu gʼaˇ duˬ, ngaˇ nui ma tsaˬ-eu ma. Aˬ yawꞈ ya shiˇ-euˬ gaˇ kawˆ-aˬ, iˬ baˇ gʼaˇ duˬ lawˇ dah nehˬ-eu jeˬ meh. Kʼoeˇ miˇ neh aˬ yawꞈ-euˬ zaˬ deuˬ uˆ deuˬ-ahˇ aˬ yawꞈ ya mawˇ-awˇ, aˬ yawꞈ ziˇ baw ziˇ za tehꞈ-a. Aˬ yawꞈ laꞈ kʼoeˇ ngaˬ neh noeˬ taˬ-euˬ jeˬ byah laˇ tehꞈ-a.

Iˇsaˬyaˇ 65:22

Aˬ yawꞈ maꞈ neh tsoˆ-euˬ nymˇ-ahˇ aˬ cawˬ maˬ ya jawˇ-ehˇ, yawˬ ha neh ka siˬ-euˬ aˇ siˬ aˬ cawˬ maˬ paˇ ya pyaˆ dzaˬ meh. Ngaˬ-euˬ tsawˇ haˬ aˇ bawˇ loꞈ-ehˇ ziˇ baw tehꞈ-a. Yawˬ ha neh mˇ doˆ shaˇ doˆ taˬ-euˬ jeˬ, yawˬ ha nui kʼahˇ tiˬ shiˇ ya zmˬ tehꞈ-a.

Iˇsaˬyaˇ 66:22

“Ngaˬ-euˬ baoˬ baˬ da neh, mˬ yaw shuiꞈ hawˇ-eu miˇ kʼahˬ yaw shuiꞈ maˬ cawˆ-iˇ ni ziꞈ-eu loꞈ-ehˇ, naw maꞈ-euˬ zaˬ deuˬ uˆ deuˬ hawˇ-eu naw maꞈ-eu tsawˇ myahˇ, maˬ cawˆ-iˇ ni ziꞈ tehꞈ-a.

Maˬlaˬkiˇ 3:6

“Ngaˇ-aˬ, noeˬ poˆ noeˬ paˇ maˬ mˇ-eu Sahˬpaˬ Miˬyehˇ ma. Kʼoeˇ miˇ neh, naw maꞈ Yaˬkoˆ-euˬ zaˬ deuˬ byoˆ jiˇ laˆ jiˇ gaˇ maˬ keuˆ-a siˬ.

Dawˬmehˬ 32:39

“‘Ngaˇ tiˬ gʼaˬ tehꞈ-ehˇ Miˬyehˇ ma. Nui deuˬ-aˬ miˬ yehˇ maˬ ngeuˇ-a. Toeˬ dehꞈ toeˬ shiˇ ngaˇ pyeuꞈ-eu ma. Laˆ naˇ-awˇ laˆ taˬ-eu ngaˇ ma. Ngaˬ-euˬ nui loˆ ngaˇ dzoeˬ luꞈ gaˇ, laˆ tsoeˬ peuˬ-eu gʼaˬ maˬ jawˇ-a.