Jaceuq 102:19 - Akha

¹⁹ Yaw goˇ-ahˇ jaˆ-eu muiˬ-eu shawˇ-eu jawˇ duˬ-ahˇ jawˇ-awˇ, Sahˬpaˬ Miˬyehˇ haw ka leꞈ luꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Aqjeq mirnae aernar-aq, aqyawf yawgor-anr jav-eu, Aqyawf-euq shawr-eu jawrduq-anr jawr-awr hawka lef-awr; Ya’we Miqyaer, mq-anr nae mirtsaq tanqkhawr-anr hawluf-eu mae.

Jaceuq 102:19 Iomraidhean Croise

1 Sahˬpaˬ 8:39

aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-awˬ. Mˬ kʼoeˇ taˆ jaˆ-eu nawˬ-euˬ nymˇ-ahˇ jawˇ-awˇ aˬ yawꞈ maꞈ-euˬ shaˇ dawˬ-ahˇ naˇ haˬ-eu laꞈ kʼoeˇ, aˬ yawꞈ maꞈ-ahˇ iˬ baˇ pyehˬ nehˬ-awˬ. Nawˇ tiˬ gʼaˬ tehꞈ-ehˇ tsawˇ haˬ zaˬ-euˬ nui noeˬ nui duˇ-ahˇ siˬ nya-eu meh. Nga maꞈ-euˬ aˬ poeˬ aˬ bawˇ deuˬ-ahˇ nawˬ neh biꞈ nehˬ-euˬ miˇ kʼahˬ laꞈ kʼoeˇ, nawˬ-euˬ tsawˇ haˬ deuˬ kʼaˇ jawˇ kʼoeˇ keuˆ ni, tsawˇ haˬ yawˬ gʼaˬ na luꞈ-ahˇ, yawˬ ha neh kʼaˇ mˇ-euˬ loꞈ-ehˇ yaˇ kʼaˬ daˇ nehˬ-awˬ.

1 Sahˬpaˬ 8:43

aˬ yawꞈ-euˬ shaˇ dawˬ-ahˇ naˇ haˬ nehˬ-awˬ. Nawˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ nawˬ-ahˇ siˬ nya-awˇ, nawˬ-euˬ ehˇ dawˬ naˇ haˬ geuꞈ-eu loꞈ-ehˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ kʼawꞈ, nawˬ-ahˇ siˬ nya-awˇ nawˬ-euˬ ehˇ dawˬ naˇ haˬ geuꞈ ni, mˬ kʼoeˇ taˆ jawˇ-awˇ aˬ yawꞈ-euˬ shaˇ dawˬ-ahˇ naˇ haˬ-eu laꞈ kʼoeˇ, aˬ yawꞈ kʼaˇ shaˇ-eu jeˬ ngehˬ gʼeh nehˬ-awˬ. Kʼoeˇ ngeh, ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ-aˬ, nawˬ-ahˇ uˬ duˬ tahˬ-eu jawˇ duˬ pyeuꞈ-eu gaˇ kawˆ aˬ yawꞈ maꞈ siˬ nya laˇ tehꞈ-a.

2 Laˬsaˬbaˬ 16:9

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ yaw muiˬ paˬ-ehˇ haw luꞈ-awˇ, aˬ yawꞈ-ahˇ saˇ jaˇ ziꞈ-eu deuˬ-ahˇ gʼaˬ biꞈ luꞈ-eu meh. Nawˇ yaw muiˬ paˬ-ehˇ maˬ shaˇ noeˬ ni kʼoeˇ loꞈ-ehˇ mˇ lehˬ-euˬ miˇ neh, iˬ nah neh aˇ dahˬ beh-awˇ mehˬ hu paw dehꞈ daˆ leꞈ ngeh, nawˇ aˬ myah luꞈ guiˇ ya deuˆ tehꞈ-a.”

Yawˇbaˆ 22:12

Aˬ guiˇ deuˬ yaw goˇ-ahˇ jaˆ gaˇ duˇ kʼawꞈ, goˇ dui dui gaˇ Miˬyehˇ jawˇ-awˇ, aˬ guiˇ-ahˇ haw ka luꞈ-eu maˬ ngeuˇ-a loˇ.

Jaceuq 14:2

Miˇtsaˬtsawˇhaˬzaˬdeuˬlaꞈkʼoeˇ, noeˬsiˬnya-eu tsawˇhaˬkeuˬ-awˇ, Miˬyehˇ-ahˇpoˆluꞈnga loˇlehˇ, Mˬtaˆjawˇ-eu SahˬpaˬMiˬyehˇ, miˇtsaˬzaˬdeuˬ-ahˇhaw luꞈmeh.

Iˇsaˬyaˇ 43:21

Aˬ yawꞈ maꞈ-aˬ ngaˬ-euˬ gʼaˇ duˬ, ngaˬ neh beh-euˬ tsawˇ jeuˬ pyeuꞈ-awˇ, ngaˬ-ahˇ ja ceuˬ-euˬ caˇ dawˬ-ahˇ, aˬ yawꞈ maꞈ caˇ tehꞈ-a.”

Dawˬmehˬ 26:15

Mˬ kʼoeˇ taˆ nawˬ-euˬ muiˬ-eu shawˇ-eu jawˇ duˬ-ahˇ neh haw ka gʼeh leꞈ-awˇ, nawˬ-euˬ Iˇsaˬleˬlaˆ tsawˇ jeuˬ-ahˇ guiˬ lahˬ biꞈ laꞈ-awˬ. Nga maꞈ-euˬ aˬ poeˬ aˬ bawˇ deuˬ-ahˇ nawˬ neh saˇ jaˇ dzaˬ taˬ-euˬ jaˆ-eu loꞈ-ehˇ, nawˬ neh nga maꞈ-ahˇ biꞈ laꞈ-euˬ miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ heu kʼahˬ laꞈ kʼoeˇ, nga maꞈ-ahˇ guiˬ lahˬ biꞈ laꞈ-awˬ’ lehˇ nawˇ ya ehˇ meh.