Jaceuq 102:14 - Akha

¹⁴ Ziˇoˬ meuˬ bi laˆ cawˆ-euˬ kʼawꞈ, nawˬ-euˬ zaˬ kʼaˆ deuˬ gʼawˬ shaˬ gaˬ luꞈ meh. Meuˬ kʼoeˇ meuˬ luˬ-iˇ seˇ-iˇ-euˬ kʼawꞈ, aˬ yawꞈ maꞈ gʼawˬ shaˬ gaˬ luꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aqjeq mirnae aernar-aq, nawq-euq kuirlaf zaqkhav deuq, Ziroq-euq khaqlo-anr nuikhanr shir-awr, Ziroq-euq khaqlaer-anr ghawqshaq gaq-eu mae.

Jaceuq 102:14 Iomraidhean Croise

Eˇzaˬlaˬ 1:5

Kʼoeˇ naˇ, Yuˇdaˆ tsawˇ jeuˬ tsawˇ ca hawˇ-eu Beˬyaˬmiˬ tsawˇ jeuˬ tsawˇ ca deuˬ kʼoeˇ taˆ aˬ yuiꞈ aˬ tsu geuꞈ-eu deuˬ maˬ ehˇ, piˇ ma deuˬ hawˇ-eu Leˬbiˇ tsawˇ haˬ deuˬ maˬ ehˇ, Miˬyehˇ neh nui ma kʼaˇ bi noeˬ keuˆ-euˬ tsawˇ haˬ yawˬ gʼaˬ na luꞈ, Yeˬluˇsaˬlehˬ meuˬ-ahˇ jaˆ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma tsoˆ muiˬ leˇ-eu gʼaˇ duˬ lehˬ hmˬ-euˬ meh.

Eˇzaˬlaˬ 7:27

Eˇzaˬlaˬ ehˇ-eu, “Aˬ dui-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Yeˬluˇsaˬlehˬ meuˬ-ahˇ jaˆ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ Baˬbuˇloˬ sahˬ paˬ heu loꞈ-ehˇ taˬ huiˬ taˬ mahˇ ni aˬ yawꞈ jahˇ-euˬ meh.

Neˬhaˬmiˇ 1:3

Baˬbuˇloˬ miˇ kʼahˬ-ahˇ neh paˇ gʼoꞈ jawˇ-iˇ-euˬ deuˬ-ahˇ, dawˬ peh jawˇ luꞈ-eu aˬ cawˬ tsawˇ jeuˬ deuˬ taˬ nyiˇ dui dui-eu miˇ neh ya shaˬ ya zahˬ luꞈ-eu gaˇ kawˆ aˬ yawꞈ maꞈ ngaˬ-ahˇ dzawˇ nehˬ laꞈ-euˬ meh. Yeˬluˇsaˬlehˬ meuˬ-euˬ meuˬ lahˇ byaˆ-iˇ taˬ-awˇ, miˬ dzaˬ keuˬ dzeh taˬ-euˬ meuˬ lahˇ laˇ gʼoˆ deuˬ kʼawꞈ maˬ laˆ muiˬ-ehˇ jaˆ luꞈ meh lehˇ dzawˇ-eu meh.

Neˬhaˬmiˇ 2:17

Ehˇ kʼawꞈ, kʼoeˇ ngeh jawˇ aˬ yawꞈ maꞈ-ahˇ heu loꞈ-ehˇ ehˇ nehˬ-euˬ ma. “Yeˬluˇsaˬlehˬ meuˬ cawˆ-iˇ taˬ-awˇ meuˬ meuˬ lahˇ yaw pyaˆ-ehˇ jaˆ luꞈ-eu miˇ neh, aˬ dui aˇ naˆ ni ya shaˬ ya zahˬ luꞈ gaˇ haw sheˇ. Meuˬ meuˬ lahˇ paˇ gawˬ ziꞈ-awˇ, maˬ noeˬ shaˬ maˬ noeˬ zahˬ ni dehꞈ kaˇ-euˇ.”

Neˬhaˬmiˇ 2:3

Ehˇ kʼawꞈ aˬ yawꞈ-ahˇ ngaˇ heu loꞈ-ehˇ ehˇ kʼoꞈ nehˬ-euˬ ma. “Sahˬ paˬ-oˇ, nawˇ ziˇ baw ziˇ za luꞈ-uˇ. Ngaˬ-euˬ aˬ poeˬ aˬ bawˇ deuˬ-euˬ lmˬ bymˇ jaˆ-eu meuˬ cawˆ-iˇ-awˇ, meuˬ lahˇ laˇ gʼoˆ deuˬ-ahˇ miˬ dzaˬ puiˆ dzeh jiˇ-euˬ miˇ neh, ngaˬ-ahˇ maˬ noeˬ shaˬ-ehˇ maˬ jawˇ tehˬ coeˇ nya.”

Neˬhaˬmiˇ 4:10

Yuˇdaˆ tsawˇ haˬ deuˬ heu loꞈ-ehˇ caˇ dawˬ tiˬ bymˇ caˇ-euˬ meh. 2 “Kʼaˆ behˆ baꞈ-eu maˬ gʼaˬ leˇ nya. 2 Meu lahˇ coˬ pyaˆ taˬ-awˇ jaˆ-eu, yaw cawˆ maˬ baꞈ dzeh jiˇ coeˇ nya. 2 Iˬ nah meuˬ lahˇ aˬ joˇ gawˬ nmˇ.”

Neˬhaˬmiˇ 4:2

Aˬ yawꞈ-euˬ cawˬ deuˬ hawˇ-eu Saˬmaˬliˆ guiˇ maꞈ mehˬ shi aˬ yawꞈ heu loꞈ-ehˇ ehˇ-eu meh. “Aˇ gʼehˇ maˬ gʼehˇ-eu Yuˇdaˆ tsawˇ haˬ tsawˇ teˬ zaˬ teu deuˬ aˬ pa jeˬ mˇ luꞈ-eu nga. Meuˬ teu meuˬ-ahˇ paˇ tsoˆ muiˬ geuꞈ-eu lehˇ gʼeh ta loˇ. Lawˇ-eu shehˇ-eu jeˬ mˇ-awˇ tiˬ nah laꞈ kʼoeˇ tehꞈ-ehˇ paˇ tsoˆ muiˬ nya ma lehˇ aˬ yawꞈ maꞈ noeˬ ta loˇ. Bi puiˆ byoˆ jiˇ-euˬ kʼaˬ lo tsaˬ byaˆ kʼoeˇ deuˬ tsaˬ byaˆ paˇ pyeuꞈ laˇ ni aˬ yawꞈ maꞈ jahˇ doˆ nya te jeˇ loˇ.”

Neˬhaˬmiˇ 4:6

Kʼoeˇ naˇ, nga maꞈ meuˬ lahˇ paˇ gawˬ daˆ leꞈ-awˇ, nui ma keuˆ dui dui-eu laꞈ kʼoeˇ mˇ-eu miˇ neh, gʼawˬ myahˇ maˬ gʼeh-ehˇ tiˬ kʼehˆ gawˬ kʼehˆ-euˬ ma.

Jaceuq 119:126

Sahˬpaˬ Miˬyehˇ-oˇ, tsawˇ haˬ zaˬ nawˬ-euˬ zahˇ dawˬ kʼoꞈ dawˬ-ahˇ maˬ naˇ haˬ-eu miˇ neh, nawˬ-euˬ nui ma bi mawˇ yamˬ tsaˬ laˇ-euˬ meh.

Jaceuq 79:1

Miˬyehˇ-oˇ, aˬ cawˬ tsawˇ jeuˬ nawˬ-euˬ miˇ kʼahˬ-ahˇ uˇ le-euˬ meh. Muiˬ-eu shawˇ-eu nawˬ-euˬ Uˬ duˬ tahˬ nymˇ nymˇ ma-ahˇ aˬ yawꞈ maꞈ laˆ jawꞈ-awˇ, Yeˬluˇsaˬlehˬ meuˬ-ahˇ laˆ cawˆ yaꞈ-euˬ meh.

Iˇsaˬyaˇ 14:1

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ paˇ gaˬ nehˬ-awˇ, aˬ yawꞈ-euˬ tsawˇ jeuˬ bi pyeuꞈ laˇ-eu gʼaˇ duˬ, tiˬ poˆ paˇ tseˇ doˆ nehˬ tehꞈ-a. Aˬ yawꞈ maꞈ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ paˇ bi jawˇ gʼoꞈ leˇ-awˇ, aˬ cawˬ tsawˇ jeuˬ deuˬ kʼawꞈ aˬ yawꞈ maꞈ nehˬ-ehˇ jawˇ leˇ tehꞈ-a.

Iˇsaˬyaˇ 40:2

“Yeˬluˇsaˬlehˬ meuˬ-ahˇ jawˇ-eu deuˬ-ahˇ gʼaˬ biꞈ nehˬ-awˬ. Aˬ yawꞈ maꞈ shaˬ zahˬ mˇ luꞈ-eu myahˇ laˇ-awˇ, nymˬ-mˇ aˬ yawꞈ maꞈ-ahˇ iˬ baˇ pyehˬ nehˬ-euˬ ma. Aˬ yawꞈ maꞈ neh mˇ-euˬ iˬ baˇ aˇ poeˬ, oꞈ-eu geuˇ-eu loꞈ-ehˇ kʼehˬ gʼaˬ kʼaˆ gʼaˬ-euˬ ma.”

Iˇsaˬyaˇ 51:3

“Yeˬluˇsaˬlehˬ meuˬ-ahˇ ngaˇ gʼawˬ shaˬ gaˬ nehˬ ma. Meuˬ tsoeˬ kʼoeˇ-euˬ laꞈ kʼoeˇ kʼaˇ jawˇ-eu tsawˇ haˬ-ahˇ ngaˇ haw nehˬ ma. Aˬ yawꞈ-euˬ miˇ tsaˬ kʼaˇ shuiꞈ deh ga-ahˇ duˇ kʼawꞈ, ngaˬ neh mˇ-euˬ Eˬdeˬ yaˇ kmˇ loꞈ-ehˇ duˇ-eu, yaˇ kmˇ tiˬ kmˇ bi pyeuꞈ laˇ ma. Laˬ kʼaˬ cehˇ nui saˇ za-eu jeˬ kʼoeˇ gaˇ byah-awˇ, ngaˬ-ahˇ guiˬ lahˬ huiˬ-eu ja ceuˬ-eu caˇ dawˬ caˇ tehꞈ-a.

Yeˬlaˬmiˇ 29:10

“Sahˬpaˬ Miˬyehˇ ehˇ-eu, ‘Baˬbuˇloˬ miˇ kʼahˬ-ahˇ biꞈ taˬ-euˬ aˇ yamˬ shiꞈ tseˇ kʼoꞈ byah laˇ ngeh, naw maꞈ-ahˇ ngaˇ gʼawˬ shaˬ gaˬ-awˇ, naw maꞈ-ahˇ iˇ kahˇ sheuˬ kʼoꞈ keuˆ nehˬ ma lehˇ ehˇ-euˬ ngaˬ-euˬ saˇ jaˇ-ahˇ ngaˇ ziꞈ ma.

Yeˬlaˬmiˇ 30:18

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ haˬ deuˬ yawˬ ha miˇ kʼahˬ-ahˇ paˇ bi gʼoꞈ jawˇ leˇ-awˇ, nymˇ jiˇ yawˬ jiˇ na luꞈ kʼoeˇ taˆ, ngaˇ gʼawˬ shaˬ gaˬ nehˬ ma. Yeˬluˇsaˬlehˬ meuˬ paˇ bi gawˬ muiˬ-awˇ, sahˬ paˬ jawˇ-eu hawˇ nymˇ paˇ bi tsoˆ ziꞈ ma.

Daˬyeˬlaˇ 9:16

Nga maꞈ lehˬ-iˇ-euˬ miˇ-a. Dzeuˇ laˇ ngeh, nga maꞈ-ahˇ nawˇ haw piˇ nehˬ laꞈ-euˬ meh. Kʼoeˇ miˇ neh, Yeˬluˇsaˬlehˬ meuˬ-ahˇ nui ma taˬ pehˇ nehˬ laꞈ. Kʼoeˇ-aˬ, nawˬ-euˬ meuˬ meh. Nawˬ-euˬ muiˬ-eu shawˇ-eu gawˬ jawˬ meh. Nga maꞈ-euˬ iˬ baˇ hawˇ-eu nga maꞈ-euˬ aˬ poeˬ aˬ bawˇ deuˬ neh mˇ-euˬ yaw lehˬ jeˬ baˬ da neh, dawˬ peh jaˆ-eu miˇ kʼahˬ deuˬ-ahˇ jawˇ-eu tsawˇ haˬ deuˬ, Yeˬluˇsaˬlehˬ meuˬ hawˇ-eu nawˬ-euˬ tsawˇ haˬ deuˬ-ahˇ ja bu luꞈ meh.

Luˇta 1:6

Mawˇbaˆ miˇ kʼahˬ laꞈ kʼoeˇ Nawˇmi jawˇ luꞈ ngeh, Sahˬpaˬ Miˬyehˇ aˬ yawꞈ-euˬ tsawˇ jeuˬ-ahˇ guiˬ lahˬ biꞈ-awˇ, dzaˬ la gʼo cehˇ gʼawˬ mya ni bi za le-euˬ gaˇ kawˆ ya gaˬ-euˬ meh. Kʼoeˇ miˇ neh, aˬ yawꞈ-euˬ kuiˬ ma nyiˬ gʼaˬ nehˬ-ehˇ, Mawˇbaˆ miˇ kʼahˬ-ahˇ neh doˆ-iˇ-eu lehˇ, aˬ yawꞈ lehˬ hmˬ-euˬ meh.