Jaceuq 102:13 - Akha

¹³ Ziˇoˬ meuˬ-ahˇ gʼawˬ shaˬ gaˬ-eu aˇ yamˬ tsaˬ laˇ-euˬ meh. Nymˬ-mˇ aˇ yamˬ tsaˬ dui dui meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Nawr turlar-awr Ziroq-anr ghawqshaq gaqnaeq taef-a. Aqjeq mirnae aernar-aq, ghawqshaq gaq-eu aryamq tsaqlar-awr, Nanpax paxtaq-euq aryamq keuvlar-euq mae.

Jaceuq 102:13 Iomraidhean Croise

Jaceuq 135:13

Sahˬpaˬ Miˬyehˇ-oˇ, nawˇ Miˬyehˇ pyeuꞈ-eu meh lehˇ, aˬ myah luꞈ aˬ cawˬ-ahˇ ja gaˬ-awˇ, tiˬ ziˇ saˇ-iˬ tiˬ ziˇ nawˬ-ahˇ maˬ ngehˇ ni noeˬ keuˆ tehꞈ-a.

Jaceuq 44:26

Nga maꞈ-ahˇ nawˇcaw ba le-awˬ. Aˬmyah luꞈmaˬtsehˆleˇnya-eu, nawˬ-euˬgʼoeˇ-eu gaˬ-eu jeˬneh, nga maꞈ-ahˇka kʼoꞈnehˬlaꞈ-awˬ.

Jaceuq 51:18

Miˬyehˇ-oˇ, Ziˇoˬ gawˬ jawˬ-ahˇ gʼawˬ shaˬ gaˬ-awˇ ngehˬ gʼeh nehˬ-awˬ. Yeˬluˇsaˬlehˬ meuˬ-euˬ meuˬ lahˇ laˆ muiˬ nehˬ-awˬ.

Jaceuq 7:6

SahˬpaˬMiˬyehˇ nui ma pehˇ-awˇ, muiˇ-eu deuˬ kʼaˆluꞈgaˇzuiˆ-awˬ. SahˬpaˬMiˬyehˇ-oˇ, tuˇlaˇ-awˬ. ngaˬ-euˬgʼaˇduˬ yaˇkʼaˬdaˇ-awˬ.

Jaceuq 75:2

Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ ngaˬ neh toꞈ taˬ-euˬ yamˬ law-ahˇ, dawˇ coe ni ngaˇ yaˇ kʼaˬ daˇ ma.

Jaceuq 90:2

Gawˬ jawˬ gawˬ duˇ deuˬ-ahˇ nawˇ maˬ beh mi naˆ-ehˇ, miˇ tsaˬ tahˬ kʼawˇ-ahˇ nawˇ maˬ beh mi naˆ-ehˇ, nawˇ Miˬyehˇ pyeuꞈ luꞈ-awˇ, mˬ maˬ maˬ byaˆ zaˇ ziˇ Miˬyehˇ pyeuꞈ tehꞈ-a.

Jaceuq 92:9

Nawˬ-ahˇ muiˇ-eu deuˬ ya shiˇ jiˇ-awˇ, haiˬ-eu tsawˇ haˬ dawˬ tawˆ luꞈ ya smˬ-iˇ jiˇ tehꞈ-a lehˇ nga maꞈ siˬ nya ma.

Doˆ-iˇ 3:15

Aˬ yawꞈ maꞈ-euˬ aˬ poeˬ aˬ bawˇ deuˬ-euˬ Sahˬpaˬ Miˬyehˇ pyeuꞈ-eu, Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ neh, nawˬ-ahˇ aˬ yawꞈ maꞈ jawˇ gaˇ bi oe-euˬ meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Heu-aˬ, mˬ maˬ maˬ byaˆ zaˇ ziˇ ziꞈ-eu ngaˬ-euˬ tsawˇ myahˇ pyeuꞈ-eu ma. Tiˬ ziˇ saˇ-iˬ tiˬ ziˇ, ngaˬ-euˬ tsawˇ myahˇ-ahˇ heu loꞈ-ehˇ ya kuˇ tehꞈ-a.

Iˇsaˬyaˇ 14:32

Piˇliˇtiˆ tsawˇ haˬ dawˬ dzawˇ mˇ-eu tsawˇ haˬ deuˬ-ahˇ, aˬ joˆ-ehˇ ehˇ nehˬ nmˇ. Ziˇoˬ meuˬ-ahˇ Sahˬpaˬ Miˬyehˇ laˆ ziꞈ-awˇ, shaˬ zahˬ mˇ-euˬ aˬ yawꞈ-euˬ tsawˇ jeuˬ-ahˇ, nui saˇ bi oꞈ-eu meh lehˇ ehˇ nehˬ ma.”

Iˇsaˬyaˇ 40:2

“Yeˬluˇsaˬlehˬ meuˬ-ahˇ jawˇ-eu deuˬ-ahˇ gʼaˬ biꞈ nehˬ-awˬ. Aˬ yawꞈ maꞈ shaˬ zahˬ mˇ luꞈ-eu myahˇ laˇ-awˇ, nymˬ-mˇ aˬ yawꞈ maꞈ-ahˇ iˬ baˇ pyehˬ nehˬ-euˬ ma. Aˬ yawꞈ maꞈ neh mˇ-euˬ iˬ baˇ aˇ poeˬ, oꞈ-eu geuˇ-eu loꞈ-ehˇ kʼehˬ gʼaˬ kʼaˆ gʼaˬ-euˬ ma.”

Iˇsaˬyaˇ 60:1

Yeˬluˇsaˬlehˬ meuˬ-oˇ, tuˇ-awˬ. Nawˬ-euˬ yaw shehꞈ keuˆ le-euˬ meh. Sahˬpaˬ Miˬyehˇ-euˬ yaw shehꞈ kʼahˬ sehˇ, nawˬ-euˬ kʼoeˇ taˆ doˆ laˇ luꞈ meh.

Yeˬlaˬmiˇ 31:23

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ jeuˬ heu jeuˬ-ahˇ aˬ yawꞈ maꞈ-euˬ miˇ kʼahˬ laꞈ kʼoeˇ ngaˇ sheuˬ kʼoꞈ gʼeh nehˬ-awˇ paˇ bi jawˇ ngeh, Yuˇdaˆ miˇ kʼahˬ hawˇ-eu kʼoeˇ gaˇ jaˆ-eu meuˬ deuˬ laꞈ kʼoeˇ, aˬ yawꞈ maꞈ heu loꞈ-ehˇ paˇ ya ehˇ tehꞈ-a. ‘Yaw tsaˬ yaw dawˇ jeˬ jawˇ-eu jawˇ duˬ-oˇ, muiˬ-eu shawˇ-eu gawˬ jawˬ-oˇ Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ’ lehˇ ya ehˇ tehꞈ-a.

Daˬyeˬlaˇ 12:9

Aˬ yawꞈ ehˇ-eu, “Daˬyeˬlaˇ-oˇ, nymˬ-mˇ nawˇ heu gaˇ neh doˆ iˇ-awˬ. Aˬ jeˬ miˇ neh ehˇ naˇ, aˇ saˬ saˬ-eu aˇ yamˬ maˬ keuˆ laˇ kʼoeˇ keuˆ ni, gaˇ kawˆ heu ya zaꞈ taˬ meh.

Gʼaˬkʼehˇ 1:7

Aˬ yawꞈ maꞈ-ahˇ Yeˬsuˇ ehˇ nehˬ-eu, “Aˇ yamˬ aˇ law-ahˇ ngaˬ Da-euˬ baoˬ neh toꞈ taˬ gʼaˬ jiˇ-euˬ meh. Naw maꞈ siˬ nya-eu maˬ loˬ-a.

Gaˬlaˬtiˆ 4:4

Ehˇ kʼawꞈ, aˇ yamˬ tsaˬ laˇ ngeh jawˇ, Miˬyehˇ neh aˬ yawꞈ-euˬ Zaˬmaˇ-ahˇ bi oe-euˬ meh. Zaˬ miˬ zaˬ-euˬ uˬ maˆ laꞈ kʼoeˇ neh dehꞈ doˆ le-awˇ, Yuˇdaˆ tsawˇ haˬ-euˬ Zahˇ dawˬ kʼoꞈ dawˬ uˬ moˆ jawˇ-euˬ meh.

2 Beˬtuˆluˆ 3:12

Mˬ dawˬ tawˆ luꞈ puiˆ byoˆ jiˇ-awˇ, nahˇ ma, ba la, aˬ guiˇ dawˬ tawˆ luꞈ guiˇ byoˆ jiˇ-eu aˇ nah pyeuꞈ-eu Miˬyehˇ-euˬ Aˇ nah kʼoeˇ nah yaw kawˇ-ehˇ keuˆ le ni naw maꞈ dawˬ luꞈ-eu-aˬ, kʼoeˇ loꞈ-ehˇ dehꞈ-eu tsaˬ meh.

2 Beˬtuˆluˆ 3:8

Ehˇ kʼawꞈ, ngaˇ gaˬ dui dui-eu cawˬ deuˬ-oˇ, naw maꞈ maˬ ngehˇ kʼmˬ-eu gaˇ kawˆ tiˬ hmˬ heu loꞈ-ehˇ jaˆ meh. Sahˬpaˬ Miˬyehˇ-euˬ mehˬ shi, tiˬ nah hawˇ-eu tiˬ heˇ kʼoꞈ beu gaˇ duˬ maˬ jaˆ-a. Aˬ yawꞈ tiˬ kawˆ meh.