Jaceuq 102:12 - Akha

¹² Ehˇ kʼawꞈ, Sahˬpaˬ Miˬyehˇ nawˇ mˬ maˬ maˬ byaˆ zaˇ ziˇ uˆ lahˇ-eu sahˬ paˬ pyeuꞈ-awˇ, dehꞈ daˆ leꞈ-eu yawˬ ziˇ na luꞈ nawˬ-ahˇ gʼawˬ shaˬ gaˬ nehˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Aerkhawf, Ya’we Miqyaer-or! Nawr-aq, mqmaq maqbyav yarzir zif-eu mae. Nawq-euq tsawrmyanr-anr yawqzir navluf noeqkeuv taef-a.

Jaceuq 102:12 Iomraidhean Croise

Yawˇbaˆ 14:2

Yaw kawˇ-ehˇ poˬ laˇ-eu aˇ yehˆ, yaw kawˇ-ehˇ nyoeˬ-iˇ gaˇ duˇ-awˇ, naˇ shmˇ loꞈ-ehˇ byoˆ-iˇ-eu meh.

Yawˇbaˆ 8:9

Aˬ dui-euˬ ziˇ nymˇ dui dui-awˇ, aˬ dui tiˬ jeˬ-iˬ maˬ siˬ maˬ nya-a. Aˬ dui-euˬ aˇ nah aˇ yamˬ-aˬ, naˇ shmˇ shmˇ gaˇ duˇ-eu meh.

Jaceuq 109:23

Uˬ ciꞈ paw naˇ shmˇ shmˇ le-eu loꞈ-ehˇ ngaˬ-euˬ ziˇ jiˇ le shaw-iˬ-awˇ, nyehˇ bahˇ loꞈ-ehˇ jaˬ lehˇ neh hehˇ dzaˬ gʼeh miˇ-a.

Jaceuq 135:13

Sahˬpaˬ Miˬyehˇ-oˇ, nawˇ Miˬyehˇ pyeuꞈ-eu meh lehˇ, aˬ myah luꞈ aˬ cawˬ-ahˇ ja gaˬ-awˇ, tiˬ ziˇ saˇ-iˬ tiˬ ziˇ nawˬ-ahˇ maˬ ngehˇ ni noeˬ keuˆ tehꞈ-a.

Jaceuq 9:7

Ehˇkʼawꞈni, SahˬpaˬMiˬyehˇ-aˬ, mˬmaˬmaˬbyaˆ sahˬpaˬpyeuꞈ-awˇ, yaˇkʼaˬdaˇ-eu dzoeˬdzaˬnuiˇmahˬ, ciˬtsoꞈ-awˇlehˬhmˬtaˬ-euˬmeh.

Jaceuq 90:6

nah gʼahˇ paw loˆ laˇ-awˇ aˇ yehˆ yehˆ kʼawꞈ, uˬ ciꞈ uˬ taw paw nyoeˬ-iˇ koˆ-iˇ-eu yaˇ moꞈ loꞈ-ehˇ, tiˬ kʼehˇ kʼehˬ gmˬ-eu tehꞈ miˇ-a.

Doˆ-iˇ 3:15

Aˬ yawꞈ maꞈ-euˬ aˬ poeˬ aˬ bawˇ deuˬ-euˬ Sahˬpaˬ Miˬyehˇ pyeuꞈ-eu, Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ neh, nawˬ-ahˇ aˬ yawꞈ maꞈ jawˇ gaˇ bi oe-euˬ meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Heu-aˬ, mˬ maˬ maˬ byaˆ zaˇ ziˇ ziꞈ-eu ngaˬ-euˬ tsawˇ myahˇ pyeuꞈ-eu ma. Tiˬ ziˇ saˇ-iˬ tiˬ ziˇ, ngaˬ-euˬ tsawˇ myahˇ-ahˇ heu loꞈ-ehˇ ya kuˇ tehꞈ-a.

Iˇsaˬyaˇ 44:6

Iˇsaˬleˬlaˆ-ahˇ ngehˬ gʼeh haw piˇ-eu Sahˬpaˬ Miˬyehˇ pyeuꞈ-eu, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Aˇ dahˬ beh-euˬ gʼaˬ hawˇ-eu aˇ saˬ saˬ-eu gʼaˬ ngaˇ ma. Ngaˇ uˬ taꞈ miˬ yehˇ nui gʼaˬ maˬ jawˇ,

Iˇsaˬyaˇ 60:15

“Nawˬ-ahˇ bye-awˇ byehˇ dzeh-euˬ kʼawꞈ, meuˬ tsoeˬ bi tsoeˬ-iˇ-awˇ ciˬ cuˇ ni jaˆ-euˬ kʼawꞈ, tsawˇ myahˇ huiˬ-awˇ muiˬ dui dui-eu meuˬ paˇ bi pyeuꞈ laˇ-awˇ, tseˇ ziˇ zaˇ ziˇ laˬ kʼaˬ cehˇ-eu jawˇ duˬ bi pyeuꞈ laˇ ma.

Ngoeˇ dawˬ 5:19

Ehˇ kʼawꞈ Sahˬpaˬ Miˬyehˇ nawˇ-aˬ, mˬ maˬ maˬ byaˆ sahˬ paˬ pyeuꞈ-awˇ, nawˬ-euˬ dzoeˬ dzaˬ zaˇ ziˇ ziꞈ meh.

Dawˬmehˬ 33:27

Miˬyehˇ naw maꞈ-ahˇ aˬ myah luꞈ, ceh piˇ loꞈ piˇ bo saˆ luꞈ meh. Yawꞈ-euˬ yaˇ ziˇ ziꞈ-eu aˬ laꞈ, naw maꞈ-ahˇ caw ba luꞈ-eu meh. Naw maꞈ le-eu gaˇ ma mehˬ shi, muiˇ-eu deuˬ-ahˇ teh dzeh jiˇ-awˇ, dawˬ tawˆ luꞈ-ahˇ laˆ cawˆ-awˬ lehˇ, naw maꞈ-ahˇ aˬ yawꞈ ehˇ-eu meh.

HeˬByehˇ 13:8

Yeˬsuˇ Ka liˬ-aˬ, miˇ nah, iˬ nah hawˇ-eu, mˬ maˬ maˬ byaˆ zaˇ ziˇ tiˬ kawˆ meh.