Jaceuq 100:4 - Akha

⁴ Aˬ yawꞈ-euˬ guiˬ lahˬ-ahˇ noeˬ keuˆ-eu laꞈ kʼoeˇ, aˬ yawꞈ-euˬ gʼoˆ kʼehˬ-ahˇ uˇ leˇ-awˬ. Aˬ yawꞈ-ahˇ ja ceuˬ-eu laꞈ kʼoeˇ, aˬ yawꞈ-euˬ nymˇ-ahˇ uˇ leˇ-awˬ. Aˬ yawꞈ-euˬ guiˬ lahˬ-ahˇ noeˬ keuˆ-awˇ ja ceuˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Miqyaer-euq guiqlanq-anr jaceuq-eu lafkhoer, Aqyawf-euq ghovkhaeq-anr urlar-awq. Aqyawf-anr jaceuq-eu lafkhoer, aqyawf-euq povka-anr urlar-awq. Aqyawf-euq guiqlanq-anr noeqmuiq-awr, Aqyawf-euq tsawrmyanr-anr jaceuq-awq.

Jaceuq 100:4 Iomraidhean Croise

1 Laˬsaˬbaˬ 29:13

Nga maꞈ-eu Miˬyehˇ-oˇ, guiˬ lahˬ huiˬ dui dui miˇ-a. Yaw shehꞈ kʼahˬ sehˇ huiˬ dui dui-eu nawˬ-euˬ tsawˇ myahˇ-ahˇ nga maꞈ ja ceuˬ-eu ma.

1 Laˬsaˬbaˬ 29:20

Kʼoeˇ naˇ, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ” lehˇ, tsawˇ haˬ aˇ maꞈ-ahˇ Daˬbiˇ ehˇ nehˬ-euˬ meh. Tsawˇ haˬ aˇ maꞈ dawˬ tawˆ luꞈ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-euˬ meh. Kʼoeˇ naˇ, aˬ yawꞈ maꞈ awˆ byaˆ-awˇ, Sahˬpaˬ Miˬyehˇ hawˇ-eu aˬ yawꞈ-euˬ sahˬ paˬ-ahˇ yaw zeu baw nehˬ-euˬ meh.

Jaceuq 122:2

Yeˬluˇsaˬlehˬ meuˬ-oˇ, nawˬ-euˬ lahˇ kʼehˬ laꞈ kʼoeˇ, nga maꞈ nymˬ-mˇ yawꞈ luꞈ ma.

Jaceuq 122:4

Sahˬpaˬ Miˬyehˇ-euˬ tsawˇ jeuˬ pyeuꞈ-eu, Iˇsaˬleˬlaˆ tsawˇ jeuˬ tsawˇ ca deuˬ heu gaˇ laˇ-awˇ, Sahˬpaˬ Miˬyehˇ neh ehˇ taˬ-euˬ dawˬ-ahˇ tsaˬ ni, aˬ yawꞈ-ahˇ ja ceuˬ laˇ-eu meh.

Jaceuq 65:1

Miˬyehˇ-oˇ, Ziˇoˬ meuˬ laꞈ kʼoeˇ nga maꞈ nawˬ-ahˇ ja ceuˬ-awˇ, nawˬ-ahˇ saˇ jaˇ ziꞈ-eu tsaˬ dui dui meh.

Jaceuq 66:13

Miˬ dzaˬ-ahˇ dzah puiˆ-awˇ lawˇ-eu jeˬ, nawˬ-euˬ nymˇ-ahˇ ngaˇ yuˇ laꞈ-awˇ, ngaˬ neh saˇ jaˇ dzaˬ taˬ-euˬ loꞈ-ehˇ lawˇ nehˬ ma.

Jaceuq 95:2

Guiˬ lahˬ-ahˇ noeˬ keuˆ-eu laꞈ kʼoeˇ aˬ yawꞈ-euˬ mehˬ shi uiˬ leˇ-awˇ, laˬ kʼaˬ tiˬ cehˇ ja ceuˬ-eu caˇ dawˬ caˇ kaˇ-euˇ.

Jaceuq 96:2

Sahˬpaˬ Miˬyehˇ-ahˇ ja ceuˬ-eu caˇ dawˬ caˇ-awˇ, aˬ yawꞈ-euˬ tsawˇ myahˇ-ahˇ ciˬ huiˬ ciˬ mahˇ-awˬ. Aˬ yawꞈ ka kʼoꞈ nehˬ laꞈ-euˬ laˬ kʼaˬ cehˇ-eu guiˬ lahˬ dawˬ, yawˬ nah na luꞈ ja gaˬ-awˬ.

Jaceuq 96:8

Yaw shehꞈ kʼahˬ sehˇ huiˬ-eu Sahˬpaˬ Miˬyehˇ-euˬ tsawˇ myahˇ-ahˇ ja ceuˬ-awˬ. Damˬ nehˬ-eu jeˬ yuˇ-awˇ, aˬ yawꞈ-euˬ Uˬ duˬ tahˬ nymˇ nymˇ ma-ahˇ laˇ-awˬ.

Jaceuq 99:3

Baoˬ yaw shehꞈ kʼahˬ sehˇ huiˬ-eu aˬ yawꞈ-euˬ tsawˇ myahˇ-ahˇ, yawˬ gʼaˬ na luꞈ ja ceuˬ tehꞈ-a. Aˬ yawꞈ-aˬ, Muiˬ-eu shawˇ-eu gʼaˬ meh.

Iˇsaˬyaˇ 35:10

Aˬ yawꞈ maꞈ laˬ kʼaˬ cehˇ-eu caˇ dawˬ caˇ-awˇ guˇ guˇ-ehˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ le keuˆ tehꞈ-a. Aˬ yawꞈ maꞈ mˬ maˬ maˬ byaˆ zaˇ ziˇ laˬ kʼaˬ cehˇ-awˇ, noeˬ shaˬ noeˬ zahˬ-eu jeˬ hawˇ-eu myaˆ biˇ doˆ-eu jeˬ-ahˇ, mˬ maˬ maˬ byaˆ zaˇ ziˇ buˬ-iˇ law-iˇ tehꞈ-a.

HeˬByehˇ 13:15

Kʼoeˇ miˇ neh, aˬ dui Yeˬsuˇ-ahˇ gʼoe-eu laꞈ kʼoeˇ Miˬyehˇ-ahˇ ja ceuˬ-eu jeˬ lawˇ nehˬ kaˇ-euˇ. Kʼoeˇ-aˬ, aˬ yawꞈ aˬ dui-euˬ Sahˬpaˬ pyeuꞈ-eu gaˇ kawˆ bi siˬ bi mawˇ-eu, kʼaˬ meh mehˬ boeˬ neh lawˇ-eu jeˬ pyeuꞈ-eu meh.